Ŋwà’ne Jâŋ 8:21 - Nouveau Testament en Ngienboum

²¹ Yěsô gíŋe ńgɔɔn né lá’ ngie: Mèŋ n ge gʉa, pi cʉ́’ ńne ńgwá fa’a wɔ̀ɔn. Tá’, é ké kwé tsɛ̀ɛ nò tepòŋ gí. Pi tè ku’u légʉa jʉ’ gie mèŋ n gee nê wó wɔ́.

Ŋwà’ne Jâŋ 8:21 Iomraidhean Croise

Matio 23:39

Áa yɛ̌ tá mèŋ n ge shwóŋó gẅi ngie: Tà fó fʉ̀’ɔɔn, pi tè gíŋe gyá wɔ̀ɔn mɔ́, tà lá’ kú lyɛ̌’ gie pi ge gɔɔn ngie: «E Ssé gwɔ́ né nyìŋ gẅie à tóo ná lezíŋ sé».

Matio 25:41

É leen ké gíŋe gɔɔn mbwó pʉ̀a pie ée ná gwǒŋo pwó yé ye kyɛ̀bɛ, é ye: Pi ee megàŋ ndòon, pi fó lejʉ́ŋ mèŋ ńgʉa tà ngʉ̀a sag, ńkúu tsɛ̀ɛ mmɔ̌g gẅie é té ńdá’a ḿbyé wɔ́, é gẅie mé la nyɛte ńtí Sátà paa mecÿɔ́’ pé.

Matio 25:46

Pɔɔn pʉ̀a leen ńké ńgʉa lê jʉ’ gie pɔ́ ge lá’a tsẅé wó, é gyá pɔ́ ngɔ́’ tèmi. Pʉ̀a pie é la gÿo mmó gie e Ssé ne ńkwoŋo, pɔ́ gẅiin le gwɔ́ tèmi

Ŋwà’ne Jâŋ 12:33

Yěsô lɔ̌ɔn ńdɔgɔ yɔɔn shwóŋè, ńda’te ntí legwé gie à ge gÿo kwé yɛ̌.

Ŋwà’ne Jâŋ 12:35

Yěsô tsɔ́’ɔ mbwo pɔ́b ngie: Akyɛ̀’ té ge gíŋe gwɔ́ tsetsɛ̀ɛ pi tà ntyě sag wɔ́. Akyɛ̀’ nyé ssé, pi giŋ, ḿbɔ́g nzěm lékẅɛ́te gẅí. Á nue nyìŋ ne ńgiŋe tsɛ̀ɛ nzěm, á le zsé jʉ’ gie à gee né wó wɔ́.

Ŋwà’ne Jâŋ 13:33

Pènkʉ́ pɔ́ɔn, pege tè gíŋe ńnéŋe tà ntyě sag wɔ́. Pi ge gÿo ne gwá fa’a wɔ̀ɔn pá’ mèŋ n ka gɔɔn mbwo pà Yuda ngie: Ajʉ’ gie mèŋ n gee nê wó, pi tè ku’u létóo wó wɔ́. Mèŋ n giŋé ńgɔɔn yɛ̌ nò mbwo pi fʉ̀’ɔɔn.

Ŋwà’ne Jâŋ 7:34

Pi ge gÿo gwá fa’a wɔ̀ɔn, é piŋ ké le wɔ̀ɔn gyá, á nue ajʉ’ gie mèŋ n gee nê wó, pi tè ku’u létóo jʉ’ó wɔ́.

Ŋwà’ne Jâŋ 7:36

Yɔɔn ntí shwóŋè ee pá’ɔɔn ńdɔgɔ ńgɔɔn ngie kɔ́, pá’ à gɔɔn ngie pi ge fa’a wɔ̀ɔn é piŋ ké le wɔ̀ɔn gyá, ḿbiŋ tè ku’u létóo jʉ’ gie mèŋ n gee wó wɔ́?

Ŋwà’ne Jâŋ 8:24

Áa mmó gie á ně ńgÿo tá mèŋ n gɔɔn né pi ngie: Pi ge gÿo kwé tsɛ̀ɛ menò tepòŋ mí. Á nue pi lɔɔn tè zẅíŋ ngie nyìŋ gẅie mé tóŋo yé lê N gee gwɔ́ à gwɔ́ pɔ́ mèŋ wɔ́, mbà pi ge kwé tsɛ̀ɛ menò tepòŋ mí.

Efeso 2:1

Pi laa tsɔ́ fʉ̀’ ńgwɔ́ mbwo Ssé, mbà pi léen ńkwé ńtí pá’ pi láa ngàŋa mefʉa ńgíŋ ńgwɔ́ pàgÿo menò tepòŋ.