Ŋwà’ne Jâŋ 8:16 - Nouveau Testament en Ngienboum

¹⁶ N dɔɔn fó ńŋag pɔ́ ntsaŋ, mbà wɔɔn léŋag aa we nénʉ́, á nue n zɔɔn tè gílé mèŋ wɔ́. Peg Tá wɔ̀ɔn gwɔ̌. Á yé gẅie à la túmo wɔ̀ɔn.

Ŋwà’ne Jâŋ 8:16 Iomraidhean Croise

Ŋwà’ne Jâŋ 16:32

Afʉ̀’ ne ńku’u, tà á zɔ̌ɔn ńku’ ku’, pá’ pi ge tága sa jʉ’. Awɔ̌wɔ́ɔ lɔg wé nkwɔ’ɔ́, ńnyé wɔ̀ɔn gílé mèŋ, tá n ké tè gílé mèŋ wɔ́, peg Tá wɔ̀ɔn zɔ gwɔ́.

Ŋwà’ne Jâŋ 8:29

Nyìŋ gẅie à la túmo wɔ̀ɔn, peg yé zɔ gwɔ̌, à kaa nyé wɔ̀ɔn gílé mèŋ wɔ́, mélà’mie mèŋ n gee fʉ̀’ʉ kɔ́ wɔ́, ńgÿo pɔ́ mmó gie á poŋo yé.

Megàŋ ntúm 17:31

Á zɔɔn ńgwaa gwɔ́ pú’u, mbà Ssé léen ńzába lyɛ̌’ gie à ge lá’ lɔgɔ nyìŋ gẅie à la tsɔ́’ɔ yé, é ŋag njÿó, é ké ŋag pɔ́ nà ntí gie ee ndʉŋ ndʉŋ. À la zíme ngàŋ ná legwé lélɔg ńnyɛɛ mbwo mânyìŋ ntsèm ngie à ge lá’ gÿo pú’u.

Ŋwà’ne Ngyà jʉ’ 19:11

M biŋ ńgyá ncwò lepwó nyɛ́’ɛ ńtyé, fɔ́gɔ lÿóon kẅɛ ńtyé. Nyìŋ gẅie à ńnéŋe ná wɛ̌ lÿóon, mé tóŋo yé lê tèkubé shwóŋè, mbɔɔ lê nyìŋ gẅie à gÿo pɔ́ mmó gie áa ndʉŋ ndʉŋ. À tsɔ́’te ntsaŋ pɔ́ ndʉŋ ndʉŋ, ńdÿɔ́’ pɔ́ ncù gẅie ée ndʉŋ ndʉŋ.