Ŋwà’ne Jâŋ 8:11 - Nouveau Testament en Ngienboum

¹¹ Á tsɔ́’ɔ mbwo yé ngie: Sɔɔn nyìŋ me Ndè. Yěsô gɔɔn né yé ngie: Mbɔɔ mèŋ yɔ̀ɔn, n tè téme gú wɔ́. Gʉa, tè lá’ ńgíŋ ńgÿo nò tepòŋ.

Ŋwà’ne Jâŋ 8:11 Iomraidhean Croise

Lukase 13:3

Ngǎŋ, á té nò wɔ́, pi zsé ngie pi lɔɔn ńké tè kúbe gẅi mà wɔ́, mbà pi ge gÿo lége gí pɔ́ pá’ pɔ́b.

Lukase 13:5

Ngǎŋ, á té nò wɔ́. Pi lɔɔn ńké tè kúbe gẅi mà wɔ́, mbà pi ge lége gí pɔ́ pá’ pɔ́b.

Lukase 15:10

Tà mèŋ shwóŋó gẅí: Á gíŋe ńgwɔ́ pɔ́ pú’u, *mecÿɔ́’ Ssé kág ńtí tà’ nyìŋ tepòŋ wémɔ’ɔ́ gẅie à kubé mà we.

Lukase 15:32

Tá’, á kɔ’ɔ́ ḿboŋ ngie pege kág kwà’ mboŋó, mélà’mie afɛ̌ gù wɔɔn à ka kwě, à zimé nà legwé, à kà pyě, mèŋ n gǐŋ ńgyá yé.

Lukase 15:7

Áa pú’u, tá mèŋ shwóŋó gẅí: Tà’ ngàŋ mefʉ̀a lɔɔn ńkúbe mà we, mé kága tÿǒ lepwó tɛ’, ńcʉa pá’ à lɔɔn ńgwɔ́ mé kága ná pʉ̀a ntsɔ̀b lepfwɔ’ɔ́ lê móm lepfwɔ’ɔ́ pie pɔ́ gyǎ ngie pɔ́ ée nénʉ́ tà ńgwá ńgwɔ́ pɔ́ le kúbe mà wɔb wɔ́.

Lukase 5:32

Mèŋ n ka tè tó pɔ́ létóŋ pʉ̀a pie pɔ́ kwáŋ ngie pɔ́ ée pʉ̀a membòŋo ngie pɔ́ piŋe mbwo Ssé wɔ́. Mèŋ n ka tǒ ńtí pɔ́ megàŋ mefʉ̀a.

Lukase 9:56

Pi zsé ngie *Míŋ Nyìŋ kà te tó légÿo pʉ̀a mesoŋ kúu pyé wɔ́, à la tó pɔ́ légÿo pɔ́ tsẅɛ́]. Pâ pɔ̌ cʉ́’ ńgʉa pɔ́ le tsɔ́ lá’a ndyɛ̀’ɛ, ńdúɔ jʉ’.

Ŋwà’ne Jâŋ 18:36

Yěsô tsɔ́’ ngie: Esɔ́ɔn lefùɔ té se yɔɔn njÿó wɔ́. Lefùɔ sɔ́ɔn ke ńgwɔ́ se yɔɔn njÿó, mbà pʉ̀a pɔ́ɔn ně ńtág nzèm yɔ̀ɔn, tà mé té wɔ̀ɔn mbwo mekěm pà Yuda néŋ. Tá’, mèŋ n kě ńgɔɔn ngie sɔ́ɔn lefùɔ ké tè se yɔɔn njÿó wɔ́.

Ŋwà’ne Jâŋ 3:17

E Ssé la tè zɔɔn ńtúmo Míŋ we tsɛ̀ɛ njÿó ngie à gʉa ńnéŋ ndòon twó njÿó wɔ́. À la túmo yé pɔ́ légwɔ́ gie à ge gʉa gÿo njÿó tsẅɛ́ ndòon.

Ŋwà’ne Jâŋ 5:14

Yěsô gÿo ńgyá yé tsɛ̀ɛ *jʉ’ʉ Ssé, ńgɔɔn né yé ngie: Ɔ̀ kě ńzeŋe mboŋó, tè lá’ ńgíŋ ńgÿo nò tepòŋ ḿbɔ́gɔ tsɔ̌ ngɔ́’ légíŋe ńkúu gú, tà ńtɔ́g gie ɔ̀ kà zɔɔn ńgwɔ́ tsoló.

Ŋwà’ne Jâŋ 8:15

Pi ŋag pʉ̀a gí pɔ́ nà ntí yé pʉ̀a mesoŋ. Á gʉa ná mèŋ, mbà mèŋ n tè ŋaga nyìŋ wɔ́.

Roma 2:4

Ɔ̀ ne gÿo pú’u, ńcʉ́’ʉ ńdɔgɔ ńgwága Ssé gwǎg, nne ngie à gẅiin pòŋo ntʉ́m, à té lwo ńcÿɔ́g wɔ́, à gẅiin kwɔ́gɔ nnɛ́. Ɔ̀ɔ pú’u, ɔ̀ té ne ńzsé ngie à gẅiin pòŋo ntʉ́m nzèm gù pú’u, pɔ́ lélɔg ńgÿo ɔ̀ kúbe mà wɔ́ ka?

1 Korento 5:12

Pega pʉ̀a pie é té pʉ̀a Kristo wɔ́ zɔɔn ńgẅiin kɔ́ tà mèŋ n ŋaga wɔ́b? Pi gẅiin pɔ́ léŋag pʉ̀a pie pia pɔ̌ pú ńgwɔ́ ndá.

2 Piɛ 3:15

Tà’a mmó gẅie á píŋ ně ńzɛ́te ngie pi kímte á gwɔ́ pɔ́ ngie, Cʉ̀apʉ̀a pʉ́le ńzẅí’te, à těen ńtɔ́gɔ ńtóo wɔ́, léná shÿó pá’ ńgwɔ́ pʉ̀a tsẅɛ́. Á gíŋe ńgwɔ́ pɔ́ mmó gie Pɔl, fɛ́ wege, ńgwɔ́ shǔ wege la gɔɔn tsɛ̀ɛ meŋwe’e mie à la náa mbwo pi. À la lɔg pɔ́ zse nò gie Ssé la náa mbwo yé tá ńdɔg ńgɔɔn.