Ŋwà’ne Jâŋ 7:7 - Nouveau Testament en Ngienboum

⁷ Alɔɔn ńgwɔ́ pʉ̀a njÿó le gẅi pʉ̀a. Tá ńgʉa ná mèŋ, mbà pɔ́ pʉa wɔ̀ɔn, mélà’mie mèŋ n kě ne shwóŋó wɔ́b shwóŋ ngie ngÿǒ nò wɔ́b té poŋ.

Ŋwà’ne Jâŋ 7:7 Iomraidhean Croise

Lukase 6:26

Pi ee pàshÿó tepòŋ pá’ à lɔɔn ńgwɔ́ epʉ̀a ne ńkíme gẅi pɔ́ mboŋó, mélà’mie á zɔ́ɔn ńgwɔ́ pɔ́ pá’ metá pɔ́b lɔ́ɔn ńgÿo ná *pàntsẅì nkʉ̀ Ssé pe cÿɔ̌ nò.

Ŋwà’ne Jâŋ 17:14

Mèŋ n ka tsẅi nò jú mbwo pɔ́b, pà tsɛ̀ɛ njÿó pʉa wɔ́b ńtí nue pɔ́ zɔɔn tè pʉ̀a njÿó wɔ́ pá’ mbɔɔ mèŋ yɔ́ɔn n tè nyìŋ jÿó wɔ́.

Ŋwà’ne Jâŋ 3:19

Pɔ́ gẅiin lékaa ndòon ńtí nò kyɛ̀’ gie á léen ńtóo tsɛ̀ɛ njÿó, tá pʉ̀a mesoŋ kwoŋ pɔ́ nzěm ńcʉa kyɛ̀’ ŋwɛ́, mélà’mie ngÿǒ menò mɔ́b té poŋ.

Roma 8:7

Petsɔ́ pʉ̀a ée ná mánzsè legwé á nue pʉ̀a pie pɔ́ ńnéŋe ńtÿɔ́g ntʉ́m wɔ́b pɔ́ nà mmó gie mbùm yɔb ne shwóŋó wɔ́b ée megàŋ mbù Ssé. Pɔ́ té kú’te *lepʉ̌ Ssé wɔ́, etsɔ́ shÿó lézɔɔn ńkú’te té wɔ́ mbwo pɔ́b wɔ́.

Galatia 4:16

Áa fʉ̀’ɔɔn, mbà mèŋ n kéen ńcʉ́’ʉ ngàŋ mbù gẅi á nue mèŋ n kě ne shwóŋó gẅi pɔ́ nò nénʉ́ keen?

Ŋwà’ne Jâg 4:4

Pii pàlaŋ nzèm pʉ́a. Pi tè ne ńzsé ngie nyìŋ gẅie aa shǔ shúm njÿó, cʉ̌’ ńgwɔ́ pɔ́ ngàŋ mbù Ssé wɔ́ ka? Nyìŋ gẅie à kwoŋ shúm njÿó cʉ̌’ ńgwɔ́ pɔ́ ngàŋ mbù Ssé.

1 Jâŋ 4:5

Pà *ntsẅì nkʉ̀ Ssé pe cÿɔ̌ nò, ée nà gwǒŋo ye pʉ̀a njÿó. Áa mmó gie á gÿo pɔ́ zí’i shúm é gwɔ́ pɔ́ se tsɛ̀ɛ njÿó, epʉ̀a tsɛ̀ɛ njÿó piŋ ńzẅí’te yɔ́b nò.