Ŋwà’ne Jâŋ 7:6 - Nouveau Testament en Ngienboum

⁶ Yěsô tsɔ́’ɔ mbwo pɔ́b ngie: Ayɔ́ɔn fʉ̀’ nyé tè ku’, tá ńgʉa ná pi, mbà fʉ̀’ʉ kɔ́ wɔ́ áa mbwo pi ńgwɔ́ pɔ́ mbòŋ.

Ŋwà’ne Jâŋ 7:6 Iomraidhean Croise

Matio 26:18

Yěsô gɔɔn né pɔ́b ngie: Pi gʉa tÿǒsoŋ, ńgyá mákyè, ńgɔɔn né ye ngie: Tsítsà tsẅǐ ngie peg shwóŋó ɔ̀ ngie e ye njÿó ee pá’ɔɔn ne ńku’u, a ne ńkwoŋo ngie pâ *ngàŋa kwò yé jÿó yɔ́b línɔ́ɔn *Páskà pɔ́ mbʉ̀a gù.

Ŋwà’ne Jâŋ 13:1

Á la cʉ́’ pɔ́ pá’ njÿó ge lʉ́a mé jÿó línɔ́ɔn *Páskà, Yěsô ne ńzsé ngie ayé fʉ̀’ kǔ’ pá’ à ge fó tsɛ̀ɛ yɔɔn njÿó é gʉa kẅɛ́te Tá we. Pá’ yé Yěsô lɔ̌ɔn ńkwoŋo pʉ̀a pie ée tsɛ̀ɛ njÿó ńgwɔ́ pé la, á kẅi’i ńkwoŋo wɔ́b tà ńcʉ́me.

Ŋwà’ne Jâŋ 17:1

Yěsô la gɔɔn yɔɔn nò tà ńtsẅé jʉ’, ḿbʉ’ʉ twó yé, ńdíe tÿǒ, ńgɔɔn ngie: Tá wɔ̀ɔn, afʉ̀’ ku’ú, gÿo pʉ̀a gyá legú’ Míŋ gù, Míŋ gù gÿo yé, epʉ̀a gyá legú’ gù.

Ŋwà’ne Jâŋ 2:4

Yěsô tsɔ́’ɔ mbwo yé ngie: Má wɔ̀ɔn, ɔ̀ kẅé kɔ́ mbwo mèŋ? À yɔ́ɔn fʉ̀’ nyé tè ku’.

Ŋwà’ne Jâŋ 7:30

Pɔ́ jú’u yɔɔn nò, éfa’a légwoon yé, tá nyìŋ ké tè pwó ná yé záb, mélà’mie à yé fʉ̀’ la nyé tè ku’.

Ŋwà’ne Jâŋ 7:8

Pi zɔ pʉ ńgʉa jʉ’ʉ línɔ́ɔn. Á gʉa ná mèŋ, mbà mèŋ n tě ńgee nê wó wɔ́, ayɔ́ɔn fʉ̀’ kaa ku’u.

Ŋwà’ne Jâŋ 8:20

Yěsô la gwaa gɔɔn mɔɔn menò pá’ɔɔn, ńgwɔ́ tsɛ̀ɛ *jʉ’ʉ Ssé, ńne ńzí’i pʉ̀a nò Ssé, ńgwɔ́ ngʉ̀ŋe jʉ’ gie mé ńnéŋe nkáb gie mé náa mbwo Ssé wó. Nyìŋ ké tè yé gwoon, mélà’mie á la gwaa gwɔ́, mbà yé fʉ̀’ kaa ku’u.

Megàŋ ntúm 1:7

Yěsô tsɔ́’ɔ mbwo pɔ́b ngie: Pi zɔ tè gẅiin lézsé kà fʉ̀’ wɔ́, ka lyɛ̌’ gie mɛ̌ menò ge gÿo wɔ́. Tá gíle yé zɔ la kwaŋte ńzáb.