Ŋwà’ne Jâŋ 7:4 - Nouveau Testament en Ngienboum

⁴ Nyìŋ lɔɔn ne ńkwoŋo ngie mé zsé yé, á le lÿoon mmó gie à ne ńgÿo wɔ́. Pá’, ɔ̀ ne ńgÿo memáa menò la, gÿo, alá’ zsé ɔ́.

Ŋwà’ne Jâŋ 7:4 Iomraidhean Croise

Matio 23:5

Pɔ́ gwɔ́ gÿo kɔ́ wɔ́ nně ńtsɔ́ɔn ngie mé gyá wɔ́b. Áa mmó gie á gÿo, pɔ́ gʉa ná shwóŋó Ssé gie mé ŋwe’e ńnéŋe tsɛ̀ɛ tétɔ́’, á gie mé kwɛ́ɛ ná zǐ ka ná pwó wɔ́ la, pɔ́ gÿo pɔ́b metétɔ́’ é gú’ pɔ́ nà ntí yé ndyɛ̀’ɛ. Pɔ́ gíŋe ńgÿo yɔb nzsǒ gie mé ma’a ńdɔgɔ ńtsyɛ’te Ssé, metsɔ̌ɔn sag tɛ’

Matio 4:6

ńgɔɔn né yé ngie: Pá’ ɔɔ Míŋ Ssé lá, kyɛ́ɛ ńtyé ssé, mélà’mie mé la ŋwe’e tsɛ̀ɛ ŋwà’ne Ssé ngie: «Ssé ge shwóŋ mecÿɔ́’ pé pá’ pɔ́ ge gÿo ná gù, pɔ́ ge lɔg mbwó mɔ́b kaa gú tà ɔ̀ le túu kwò jú ná tóon wɔ́».

Matio 6:16

Pi lɔɔn ńkwoŋ kwoŋ ńnéŋe nzyè lésẅíŋte Ssé, tà pi sẅé’e shÿó gẅi pá’ pà nkwòŋ menÿɔ́g. Pɔ́ sẅé’e shÿó wɔ́b, ńdɔg ńnyɛ ngie pɔ́ ne ńnéŋe nzyè lésẅíŋte Ssé. Tà mèŋ shwóŋó gẅí, kwà’ nénʉ́, pɔ́ ně ńdá’ ńgẅiin ntsɔ’ɔ́ fà’ wɔ́b.

Matio 6:5

Pi lɔɔn ne sẅíŋte Ssé, tà pi gÿo pá’ pà nkwòŋ menÿɔ́g, pɔ́ kwoŋo létyé tsɛ̀ɛ *mendá cú’tè mbɔɔ metwó nzsè tá sẅíŋte Ssé, pá’ pʉ̀a metsèm ge gyá wɔ́b. Tà mèŋ shwóŋó gẅí, kwà’ nénʉ́, pɔ́ ně ńda’ ńkẅé ńtsɔ́’ɔ fà’ wɔ́b.

Lukase 6:45

Pi zsé ngie nyìŋ lɔɔn ńgẅiin ntʉ́m mbòŋo, mbà à ge gẅiin ncwò mbòŋo, ńgẅiin ntʉ́m tepòŋ, mbà shwóŋè tepòŋ zɔ̌ ge kẅɛɛ ncwò yé, mélà’mie nyìŋ gɔɔn pɔ́ nò gie áa tsɛ̀ɛ ntʉ́m yé.

Ŋwà’ne Jâŋ 18:20

Yěsô tsɔ́’ɔ mbwo yé ngie: Mèŋ n kɔ̌ɔn shʉ̀ashʉ̀a ńgɔɔn nò mbwo lá’, mèŋ n kɔ̌ɔn ńzí’i pʉ̀a mmó tsɛ̀ɛ *mendá cú’tè, mbɔɔ tsɛ̀ɛ jʉ’e Ssé, á jʉ’ gie pà Yuda cú’te wó. Mèŋ n kɔ̌ɔn tě ńgɔɔn tsɔ́ nò pɔ́ ńdÿoon lÿoon wɔ́.

Ŋwà’ne Jâŋ 7:3

Mefɛ́ Yěsô gɔɔn né yé ngie: Fóo jʉ’ɔɔn ńgʉa né Jẅidea tá *ngàŋa kwò ɔ́ gie ée jʉ’ó gyá yɔ́b menò mie ɔ̀ ne ńgÿo.

Ŋwà’ne Jâŋ 7:5

Pɔ́ gɔɔn ńtí nue kwà’ pɔ́b mefɛ́ Yěsô la tè ne ńzába ntʉ́m ná yé wɔ́.