Ŋwà’ne Jâŋ 7:16 - Nouveau Testament en Ngienboum

¹⁶ Yěsô tsɔ́’ɔ mbwo pɔ́b ngie: Ammó gie mèŋ n zí’i pʉ̀a té fóo mbwo mèŋ wɔ́, á fóo pɔ́ mbwo nyìŋ gẅie à ka tumó wɔ̀ɔn.

Ŋwà’ne Jâŋ 7:16 Iomraidhean Croise

Ŋwà’ne Jâŋ 14:10

Ɔ̀ tè ne ńzẅíŋe ngie mèŋ n ge nê Tá wɔɔn, peg yé pú ńgwɔ́ pɔ́ tà’a mmó wɔ́ ka? Anò gie mèŋ shwóŋó gẅi téen fóo mbwo mèŋ wɔ́. Tá wɔ̀ɔn gẅie aa nê mèŋ zɔ lɔgɔ wɔ̀ɔn fa’a mefà’ mé.

Ŋwà’ne Jâŋ 14:24

Nyìŋ lɔɔn tè wɔ̀ɔn kwoŋ, mbà à tè kú’te shwóŋè yɔ́ɔn mɔ́. Ashwóŋè ŋwɛ́ zɔɔn tě fóo pɔ́ mbwo mèŋ wɔ́. Á fóo pɔ́ mbwo Tá wɔ̀ɔn gẅie à ka túmo wɔ̀ɔn.

Ŋwà’ne Jâŋ 17:14

Mèŋ n ka tsẅi nò jú mbwo pɔ́b, pà tsɛ̀ɛ njÿó pʉa wɔ́b ńtí nue pɔ́ zɔɔn tè pʉ̀a njÿó wɔ́ pá’ mbɔɔ mèŋ yɔ́ɔn n tè nyìŋ jÿó wɔ́.

Ŋwà’ne Jâŋ 17:8

N kéen ńké ńtsẅi menò ntsèm mie ɔ̀ la cʉ́me mbwo mèŋ á mbwo pɔ́b, pɔ́ zẅíŋ, ńcwoŋe ńzsé ngie mèŋ fóo lejʉ́ŋ gù, ńgíŋe ńzsé ngie gù zɔ la túmo wɔ̀ɔn.

Ŋwà’ne Jâŋ 3:11

Tà mèŋ shwóŋó gú, kwà’ nénʉ́, peg gɔɔn nò nà mmó gie pèg ne ńzsé, ńgɔɔn gie peg ne ńzsé nà mmó gie peg la gyá, tá’ pi ké tè zẅíŋe nò gie peg gɔɔn wɔ́.

Ŋwà’ne Jâŋ 3:31

Nyìŋ gẅie à fóo tÿǒ lepwó, à cʉa pʉ̀a metsèm. Nyìŋ gẅie aa ndùmo ssé tsetsá’ aa nyìŋ tsetsá’, ḿbiŋ ńgɔɔn nò pɔ́ nà menò mie ée ndùmo ssé tsetsá’. Tá’, nyìŋ gẅie à fóo tÿǒ lepwó à cʉa pʉ̀a metsèm.

Ŋwà’ne Jâŋ 5:30

Mèŋ n tè zá’ ntsaŋ nyìŋ té píge Ssé wɔ́. E yɔ̀ɔn ntí leŋag, é gwɔ́ nénʉ́, mélà’mie mèŋ n tè ne fa’a pɔ́ légÿo mmó gie mèŋ n zɔ kwoŋo wɔ́, n gÿo yɔ́ɔn pɔ́ mmó gie Nyìŋ gẅie à la túmo wɔ̀ɔn ne ńkwoŋo.

Ŋwà’ne Jâŋ 6:44

Atsɔ̌ nyìŋ lɔɔn ńgwɔ́ á le tó ńtsɛ́ɛ wɔ̀ɔn té gwɔ́ gie Tá wɔ̀ɔn gẅie à la túmo wɔ̀ɔn zɔ shwoŋté yé wɔ́. Mèŋ, m biŋ ńdá’a nà lyɛ’ɛ́ lá’ nzsò nzèm, ńzíme yé nà legwé.

Ŋwà’ne Jâŋ 8:28

Yěsô leen ńké ńgɔɔn né pɔ́b ngie: Pi lɔɔn ńgÿo ńkwé’e *Míŋ Nyìŋ tà ńnáa tÿǒ, mbà pi ge leen ké zsé ngie N gee gwɔ́, à gwɔ́ pɔ́ mèŋ, é gíŋ zsé ngie mèŋ n gee ntěen ńgÿo tsɔ́ mmó pɔ́ le yɔ́ɔn twó wɔ́. N gɔɔn pɔ́ mmó gie Tá wɔ̀ɔn la zí’i wɔ̀ɔn.

2 Jâŋ 1:9

Nyìŋ lɔɔn tè kú’te pɔ́ ndà’ nò gie Kristo la zí’i wégè wɔ́, ńgʉa mǒ ńkẅi’i tsɔ́ mmó, mbà ngàŋ pɔ́ Ssé té temte. Nyìŋ gẅie à kú’te nò gie Kristo la zí’i wégè pɔ́ Tá temte, mbɔɔ pɔ́ múɔ gíŋe ńtemte.

Ŋwà’ne Ngyà jʉ’ 1:1

Anò gie áa tsɛ̀ɛ yɔɔn ŋwà’ne áa gie á laa lelyěen, Yěsô Kristo gÿo ńgÿo mé zsé. Á gwaa gwɔ́, mbà Ssé tʉ̌ njÿó ńgÿo Yěsô zsé yɛ̌ nò légwɔ́ gie à ge la’te mbwo pʉ̀a pé mmó gie á ge tɔ́g tó. Kristo la túmo cÿɔ́’ we, á gʉa ńda’te yɛ̌ nò á mbwo Jâŋ gẅie aa ngàŋa fà’ Yěsô.