Ŋwà’ne Jâŋ 7:1 - Nouveau Testament en Ngienboum

¹ Yɔɔn nò tɔ́g, Yěsô gwɔ́ pɔ́ tsɛ̀ɛ pàga ngwòŋ Galilea, ńne ńgwá ńgiŋe, à tè ne ńkwoŋo légʉa tsɛ̀ɛ pàga ngwòŋ Jẅidea wɔ́, mélà’mie pàsá’a lá’ pà Yuda la ne fa’a lézẅé yé.

Ŋwà’ne Jâŋ 7:1 Iomraidhean Croise

Matio 10:23

Mé lɔɔn ne ńkʉe gẅi a tsɛ̀ɛ yɔ̀ɔn tÿǒsoŋ, pi kÿo ńgee tsɛ̀ɛ yetsɔ́. Mèŋ n ge shwóŋó gẅí, kwà’ nénʉ́, pi tè lá’ kú metÿǒsoŋ Israel tà ḿmag té gwɔ́ gie *Míŋ Nyìŋ tǒ wɔ́.

Matio 21:38

Tá pʉ̀a pa gyá míŋ ndÿò wa, ńgɔɔn tsetsɛ̀ɛ pɔ́b ngie: Ànjÿò ndá we wɛ̂ gẅie à tóo lɛ̂. Pi tó pege zẅé yé ńjÿó nká’,

Malékuse 11:18

Metándá pànùŋo pwɔ́’ pâ *pàkyàgte lepʉ̌ Mǒsê gÿo ńjú’, ńzye léfa’ shÿó pá’ pɔ́ ge gÿo tá zẅé yé. Pɔ́ la ne ḿbɔ́gɔ ngie nò yé ge pú jÿó lá’, á nue alá’ ntsèm la ne ńgɔ’te mmó gie à lɔ̌ɔn ńzí’i pʉ̀a.

Ŋwà’ne Jâŋ 1:19

Jâŋ gÿo ńgɔɔn nò ńtí Yěsô. Á gwɔ́ tsɔ́ fʉ̀’, pàsá’a lá’ pà Yuda pie ée Yerósalem túm pànuŋe pwɔ́’ lâ pʉ̀a nà ngẅɛ̀ Lěvi, ńgie pɔ́ gʉa ńzɛ́te Jâŋ ngie: À gwɔ́ pɔ́ wɔ̌?

Ŋwà’ne Jâŋ 4:3

Yěsô zsé ngie pà *farisay jǔ’, éfó tsɛ̀ɛ pàga ngwòŋ Jẅidea ńcʉ́me mánzsè lépiŋe tsɛ̀ɛ pàga ngwòŋ Galilea.

Ŋwà’ne Jâŋ 4:54

Yěsô gÿo yɔɔn nò mmɔɔn mmɔɔn, á fʉ̀’ gie à fǒ Jẅidea ḿbiŋe Galilea pá’ɔɔn, á lɔ́gɔ ńgwɔ́ nò mmɔɔn mmɔɔn mbɔ́ɔntè yépʉ́a gie à gÿǒ Kana.

Ŋwà’ne Jâŋ 6:1

Mɔɔn menò tɔ́g, Yěsô túm ńgʉa yetsɔ̌ nzǐŋ letʉŋ sie ée Galilea, mé gíŋe ńtóŋ ngie letʉŋ Tiberiad

Ŋwà’ne Jâŋ 7:11

Mé gwɔ́ tà ne ńjÿó línɔ́ɔn, pàsá’a lá’ pà Yuda ne ńgwá fa’a yé, ńzɛ́te ngie: Yěsô gwɔ́ pɔ́ nzɔ̌?

Ŋwà’ne Jâŋ 7:13

Tá nyìŋ ké tě ńgɔɔn nò ná yé tà ngyè ye kwɔ́’ɔ tÿǒ wɔ́, ḿbɔ́gɔ pàsá’a lá’ pà Yuda.

Ŋwà’ne Jâŋ 7:19

Mǒsê zɔ la tè ná meŋwà’ne né pi wɔ́ le? Tà wɔ̌ ná pi mɔ̌ɔn ńne ńgiŋe mǒ? Pi piŋe fa’a lézẅé wɔ̀ɔn mélà’a kɔ́?

Ŋwà’ne Jâŋ 7:25

Tsɔ́ ntá’ pʉ̀a Yerósalem ne ńgɔɔn ngie: Wɛ̂ tè nyìŋ wá gẅie mé fa’a lézẅé yé la wâ?

Ŋwà’ne Jâŋ 7:35

Epʉ̀a zye légɔɔn tsetsɛ̀ɛ pɔ́b ngie: Aa pá’ɔɔn ge gʉa pɔ́ nzɔ̌, tà peg le yé gyá? A ge gʉa kẅɛ́te pɔ́ pʉ̀a pégè pie pɔ́ la sa jʉ’, ńgee lá’ pà Gelekia keen? Kà à gee pɔ́ ńzí’i pà Gelekia nò Ssé?

Ŋwà’ne Jâŋ 8:37

Mèŋ n né ńzsé ngie pi ee ngẅɛ̀ Ábalam, tá’ pi ne fa’a lézẅé wɔ̀ɔn, á nue pi ne ńdʉ’ʉ shwóŋè yɔ́ɔn lʉ’.

Ŋwà’ne Jâŋ 8:40

Mèŋ shwoŋó gẅi nò nénʉ́ gie mèŋ n ka jú’u mbwo Ssé, pi piŋ ńgwɔ́ fʉ̀’ɔɔn ńne fa’a lézẅé wɔ̀ɔn, mbà Ábalam la tè pú’u gÿo.

Megàŋ ntúm 10:38

Pi giŋé ne ńzsé ngie e Ssé la ná metʉ̀ Zẅìge Ndʉalʉ̌a ne Yěsô mûɔ Nǎzarɛd ńdɔgɔ pú’u, ńzɔ́’ɔ yé, ḿbiŋ ne ńtÿɔ́’te yé. Á gʉa jʉ’ ntsèm, ńne ńgÿo menò mbòŋo, ńne ńkẅé pʉ̀a metsèm pie pɔ́ laa megàŋa tsǎŋ nà mbwó Sátà.