Ŋwà’ne Jâŋ 6:51 - Nouveau Testament en Ngienboum

⁵¹ Mèŋ máŋwɛ́, mèŋ n gee mmó léjÿó gie á ku’u légÿo mé gwɔ́ wó, á gie á fóo tÿǒ lépwó sẅɛ́’ɛ. Nyìŋ lɔɔn ńjÿó yɛ̌ mmó léjÿó, mbà à ge lá’a gwɔ́ pɔ́ wó mengù’u mengù’. Yɛ̌ mmó léjÿó gie mèŋ n ge ná, ee mbab nnɛ́ yɔ̀ɔn. Mèŋ n ge ná tá à cʉa pú’u, epʉ̀a mesoŋ tsɛ̀ɛ njÿó e gwɔ́ wó.

Ŋwà’ne Jâŋ 6:51 Iomraidhean Croise

Matio 20:28

Ndʉŋ ndʉŋ pá’ *Míŋ Nyìŋ la te tóo ndùmo ssé tsetsá’, pɔ́ pá’ epʉ̀a mesoŋ gee fa’a mbwó yé wɔ́, á la tó pɔ́ lefa’a mbwó pʉ̀a mesoŋ, éfa’ fa’ tà gíŋe náa twó yé lélɔg ncu’ pʉ̀a tà ńgyɔ́ɔn.

Lukase 22:19

À la gíŋe ḿbí mbelég, ńná ndǎg mbwo Ssé, ḿbwɔ́’ ńgwaa náa mbwo *ngàŋa kwò yé ńgɔɔn ngie: Yɔɔn ee mbùm nnɛ́ yɔɔn [mie mé nǎ nà twó sí. Pi cʉ́’ ne ńgÿo pá’ɔɔn ńdɔ́gɔ ńkímte wɔ̀ɔn.

Ŋwà’ne Jâŋ 1:14

Ashwóŋè la cʉ́’ʉ nyìŋ mesoŋ, ńtó ńtsẅé tsetsɛ̀ɛ pege, pege gyá legú’ we, á gwɔ́ legú’ Múɔ wémɔ’ɔ́ gẅie à fóo lejʉ́ŋ Tá, ḿbú ńgẅiin poŋo ntʉ́m, ńnyɛ pɔ́ nò nénʉ́.

Ŋwà’ne Jâŋ 1:29

Njÿó gÿo ńdʉ́a, Jâŋ gyá Yěsô ne ńtóo, á gɔɔn ngie: Wɔɔn aa Mûɔ *Njʉ̀njÿò gẅie Ssé lɔgɔ sẅɛ’ɛ ndòon menò mie pʉ̀a la gÿo.

Ŋwà’ne Jâŋ 11:26

Nyìŋ gẅie à nyé ntentʉ́, ńzáb ntʉ́m ná mèŋ, à těen ńdá’a ńkwé wɔ́. Tà ɔ̀ zẅiŋé yɔɔn nò?

Ŋwà’ne Jâŋ 3:13

Nyìŋ laa zɔɔn ńkwɔ́’ɔ tÿǒ lepwó wɔ́, ndà’ *Míŋ Nyìŋ gẅie à la fó wó sẅɛ́’.

Ŋwà’ne Jâŋ 3:14

Ndʉŋ ndʉŋ pá’ Mǒsê la kwɛ́ nnú ná tà’a tÿǒ, ńkwé’e ńnáa tÿǒ, á nkwòŋo tsẅɛ̀ la, á ne ńzɛ́te ngie mé gÿo ńkwé’e *Míŋ Nyìŋ pɔ́ pú’u.

Ŋwà’ne Jâŋ 3:16

Á nue ntí gie e Ssé la lɔg ńkwoŋ njÿó pú’u la gwɔ́ tà á náa Míŋ we wémɔ’ɔ́, légwɔ́ gie wɛ̌ nyìŋ wɔ́ gẅie à zǎb ntʉ́m wé ná Míŋ we ŋwɛ́, à tě ńdá’a ńkaa ndòon tèmì wɔ́, à ge lá’ gẅiin le gwɔ́ tèmì.

Ŋwà’ne Jâŋ 3:36

Nyìŋ lɔɔn ńzáb ntʉ́m we ná Míŋ Ssé, mbà ngàŋ ge gẅiin le gwɔ́ tèmì. Nyìŋ gẅie à kě kaa záb ntʉ́m wé ná Míŋ Ssé wɔ́, á le lá’ ńgẅiin kwà’ le gwɔ́ wɔ́. E Ssé ké ńnyé ńkẅi’i ńgyáŋa lóŋ ná yé gyáŋ.

Ŋwà’ne Jâŋ 5:24

Tà mèŋ shwóŋó gẅí, kwà’ nénʉ́, nyìŋ jú’u shwóŋè yɔ́ɔn, ḿbiŋ ńzáb ntʉ́m ná Nyìŋ gẅie à la túmo wɔ̀ɔn, mbà ngàŋ gẅiin le gwɔ́ tèmì. Mé té ge gíŋe ŋaga yé wɔ́, à tsẅɛ̌ legwé ńcʉ́’ ńgẅiin pɔ́ le gwɔ́ tèmì.

Ŋwà’ne Jâŋ 6:33

Á nue shúm léjÿó sie é fóo mbwó Ssé, aa nyìŋ gẅie à fǒ tÿǒ lepwó ésẅɛ́’, ńgÿo pʉ̀a mesoŋ tsɛ̀ɛ njÿó gwɔ́ wó.

Ŋwà’ne Jâŋ 6:35

Yěsô tsɔ́’ɔ mbwo pɔ́b ngie: Eshúm léjÿó sie é gÿo nyìŋ gwɔ́ wó, à gwɔ́ pɔ́ mèŋ. Nyìŋ lɔɔn ńtó ńtsɛ́ɛ wɔ̀ɔn, mbà nzyè tè lá’ gíŋe gyáŋa yé wɔ́. Nyìŋ záb ntʉ́m ná mèŋ, mbà gag yé té lá’ gíŋe shÿó wɔ́.

Ŋwà’ne Jâŋ 6:41

Pàsá’a lá’ leen ńké ńzye lézẅɛ́te nzèm Yěsô, mélà’mie à gɔ̌ɔn ngie aa mmó léjÿó gie à fóo tÿǒ lepwó.

Ŋwà’ne Jâŋ 6:47

Tà mèŋ shwóŋó gẅí, kwà’ nénʉ́, nyìŋ lɔɔn ńzáb ntʉ́m ná mèŋ, mbà ngàŋ ge gẅiin le gwɔ́ tèmì.

Ŋwà’ne Jâŋ 6:48

Ammó léjÿó gie á gÿo mé gwɔ́ wó à gwɔ́ pɔ́ mèŋ.

Ŋwà’ne Jâŋ 6:50

Tá’, ammó léjÿó gie á fóo tÿǒ lépwó sẅɛ́’ɛ, áa gie nyìŋ jÿó, á le gíŋe ńkwé wɔ́.

Ŋwà’ne Jâŋ 7:38

Nyìŋ gẅie à zǎb ntʉ́m wé ná mèŋ la, mbà nò gie ŋwà’ne Ssé gɔɔn ge pumte: «Ntse ge fó tsɛ̀ɛ ntʉ́m wé kẅɛ ne cwóŋo pá’ ntse gẅie é fóo lesá’a la».

2 Korento 5:19

E Ssé zɔ la zɔɔn ńgwɔ́ ná Kristo, ńne ḿmaga mbù gẅie pâ pʉ̀a mesoŋ tsɛ̀ɛ njÿó gẅiin, pú’u, té gíŋe sáŋ menò tepòŋ mɔ́b, ńgÿo ńcʉ́me shwóŋè lɔg ḿmag mbù mbwo peg.

2 Korento 5:21

Pá’ ndòon laa twó pege la, e Ssé la kaa menò tepòŋ mégè, ńzába twó Kristo, mbà à la tè tsɔ́ nò tepòŋ gẅiin. À la gÿo pú’u, pá’ pege ge lɔgɔ léla nnɛ́ ná Kristo, é gwɔ́ pʉ̀a pie ée mbwo Ssé ńgwɔ́ ndʉŋ ndʉŋ.

Efeso 5:2

Pi gwaa gÿo kɔ̀ɔkɔ́ɔ gí wɔ́, ńdɔg pɔ́ nkwòŋe ndʉŋ ndʉŋ pá’ Kristo la kwoŋo wégè tà ńnáa twó yé ńdɔg ńnuŋe pwɔ́’ mvfò Ssé ńtí wégè. Epwɔ́’ ŋwɛ́ ée gẅie gyě poŋo mbwo Ssé.

Efeso 5:25

Ńgʉa ná pi mbàŋa, awɔ̌wɔ́ɔ kwoŋo nzwě we ndʉŋ ndʉŋ pá’ Kristo kwoŋo cú’tè pʉ̀a pé tà mbà à la náa twó yé ńtí yɛ̌,

Titus 2:14

Kwà’ yé à la náa twó yé ńtí wégè, lélɔg cu’u wégè mbwo menò tepòŋ mégè ntsèm. À la nyɛ́te wégè, pege cʉ́’ pʉ̀a pé, ńgwɔ́ pà tè *lɔ̌’, ńcʉ́’ ńnéŋe twó ńgÿo pɔ́ shúm sie ée mbòŋ.

Heber 10:20

À la shʉa máamáa mmó nzsǒ gẅie mé la lɔg ńtsɛ́ nzsè lékúu kwà’ jʉ’e Ssé, ńdɔg pú’u, ńtsɔ́’ɔ mánzsè gẅie pege ge pfó mǒ kúu jʉ’ gie e Ssé ee wó. Á gwɔ́ we sẅé gẅie pege ge cʉa mǒ é gwɔ́ wó. Máamáa nzsǒ gie à la shʉa, e gwɔ̌ pɔ́ mbùm nnɛ́ ye gie mé la kime nà tÿǒ nkǐ.

1 Piɛ 2:4

Pi sẅɛ’te nnɛ́ ńtó nê lejʉ́ŋ yé, yé zɔ náa kwà’ le gwɔ́. À lɔgɔ ńgwɔ́ tóon gẅie ŋwà’ne Ssé gɔɔn ngie pʉ̀a mesoŋ la gwá’, tá’ e Ssé kaŋa yé, á gwɔ́ mmó tʉ̀ nzẅìŋ mbwo yé.

1 Jâŋ 2:2

À la zɔɔn ńdɔgɔ twó yé, ńnuŋe pwɔ́’ pá’ à lɔɔn ńgwɔ́ e Ssé lege menò tepòŋ mégè. Pá’ à lɔɔn ńgwɔ́ á le lege pɔ́ ndà’ mégè wɔ́, pá’ ńgwɔ́ á gíŋe ńdege me pʉ̀a mesoŋ ntsèm tsɛ̀ɛ njÿó.

1 Jâŋ 4:10

Nkwòŋe léen ńgwɔ́ pɔ́ pá’ɔɔn, pege zɔ la tè kwoŋ Ssé wɔ́, yé zɔ la kwoŋo wégè. À la kwoŋo wégè kwoŋ tà ńtúmo Míŋ we, á tó ńdɔgɔ twó yé ńnuŋe pwɔ́’ ńtí wégè, áa mmo gie á gÿo Ssé lege menò tepòŋ mégè.

1 Jâŋ 4:14

Peg la lɔg nÿɔ́g még ńgyá tà ńgwɔ́ gɔɔn pá’ɔɔn, ńgwɔ́ pànjÿò ńgyá ná pá’ à la túmo Míŋ we, pá’ à ge gʉa gwɔ́ nyìŋ gẅie à ge gʉa gÿo pʉ̀a tsɛ̀ɛ njÿó tsẅɛ́.