Ŋwà’ne Jâŋ 6:5 - Nouveau Testament en Ngienboum

⁵ Yěsô ńnéŋe tà ḿbʉ’ʉ twó yé ńgyá máamáa nùɔ lá’ ne ńtóo né lejʉ́ŋ yé, á gɔɔn né Filib ngie: Pege ge gʉa nzɔ̌ jú mbelég tá lɔg jÿɔ́gɔ wɔ́b?

Ŋwà’ne Jâŋ 6:5 Iomraidhean Croise

Matio 15:33

*Ngàŋa kwò yé gɔɔn mbwó yé ngie: Ńgwɔ́ peg lɔg mbelég nzɔ̌, á nkwòŋo tsẅɛ wɔɔn, ńdɔg ńjÿɔ́g nzẅìŋ lá’ yɔɔn tà pɔ́ zẅɛ́?

Malékuse 6:32

Pâ pɔ̌ kúu tsɛ̀ɛ kanú’, ńně ńgee nà jʉ’ gie membʉ̀a té wó wɔ́.

Lukase 9:10

Megàŋ ntúm Yěsô piŋ nzèm, ḿbíte pá’ pɔ́ lɔ̌g fa’ pú’u, éshwóŋó yé. Yěsô jú’, ḿbiŋ faga wɔ́b, pâ pɔ̌ tsẅe nùɔ, ńgʉa lê shÿó tÿǒsoŋo Mbetsayida.

Ŋwà’ne Jâŋ 1:43

Njÿó gÿo ńdʉ́a, Yěsô záb ngie à ge gʉa tsɛ̀ɛ pàga ngwòŋ Galilea, ńne ńgee, ḿbumte Filib, ńgɔɔn né yé ngie cʉ́me nzèm mèŋ.

Ŋwà’ne Jâŋ 1:44

Filib ŋwɛ́ laa nyìŋ Mbetsayida, á tÿǒsoŋo pà Ndeléya pɔ́ Piɛ.

Ŋwà’ne Jâŋ 1:45

Filib gʉa ńgyá Natanayɛl, ńgɔɔn né yé ngie: Peg gyǎ nyìŋ gẅie mé la ŋwe’e nò ná yé tsɛ̀ɛ ŋwà’ne mbʉ̌ Mǒsê, mbɔɔ tsɛ̀ɛ meŋwà’ne pà *ntsẅì nkʉ̀ Ssé. Peg gyǎ yé, á gwɔ́ Yěsô, mìŋ Yesyɛ̂b, á mûɔ Nǎzarɛd.

Ŋwà’ne Jâŋ 1:46

Natanayɛl gɔɔn né yé ngie: Tà mé lǎ zɔɔn ńgyá mmó mbòŋo fó Nǎzarɛd? Filib tsɔ́’ɔ mbwo yé ngie: Tóo, ɔ̀ ge gyá.

Ŋwà’ne Jâŋ 1:48

Natanayɛl zɛ́te Yěsô ngie: Ɔ̀ zsé wɔ̀ɔn nzɔ̌? Yěsô tsɔ́’ɔ mbwo yé ngie: Filib ně ńgwaa tóŋo gú pá’a mèŋ n ně ńgyá gú gyá. Ɔ̀ kěen ńnéŋe le tsìŋe tÿǒ mbÿě ngem.

Ŋwà’ne Jâŋ 4:35

Pi zɔ ee ntě ńgɔɔn ngie: É cʉ́’ʉ ńzága mesàŋ lekùa, mé lág shúm wɔ́ leen? Tá’, mèŋ n ge shwóŋó gẅi yɔ́ɔn ngie: Pi pʉ’ʉ twó gí, ńdíe tsẅɛ tá ńgyá, eshúm tʉ̌ tà ńcʉ́’ʉ ńzɛ́te pɔ́ lélag.