Ŋwà’ne Jâŋ 5:4 - Nouveau Testament en Ngienboum

⁴ Á nue, atsɔ̌ *cÿɔ́’ Ssé lɔ̌ɔn ńnéŋe ńgwá sẅɛ́’ɛ ḿbʉe ntse, angùɔ gẅie à vɔ̌g ńkúu tsɛ̀ɛ ntse fʉ̀’ gie e cʉ’ʉ́, á zeŋe nà yé gùɔ tà pá’ á lɔɔn ńgwɔ́ pɔ́ yɛ̌ ntí wɔ́.]

Ŋwà’ne Jâŋ 5:4 Iomraidhean Croise

Matio 11:12

Tà fó nà fʉ̀’e Jâŋ Mbabtis, ńkú fʉ̀’ɔɔn, mé ne ńjwoŋo ńkúu nà nò *lefùɔ Ssé. Pʉ̀a pie é lɔgɔ pɔ́ tʉ̀ ńgÿo menò mɔ́b ne fa’a lekàŋ *lefùɔ Ssé ŋwɛ́

Matio 6:33

Pi vɔg mvfò fa’ pɔ́ nò *lefùɔ Ssé, lâ mmó gie e Ssé ne ńkwoŋo, à leen ńké ńcʉ́’ʉ ńnáa sɛ̌ shúm ńdɔgɔ ńkẅi’i kẅi’i.

Lukase 13:24

Pi fa’ shÿó pɔ́ létɔ́gɔ nà ncwò ndá gẅie é kʉ́mte kʉmté. Pi zsé mboŋó ngie pʉ̀a tà ńgyɔ́ɔn ge lá’ fa’a lékúu wó, é piŋ ké le ku’.

Lukase 16:16

Yěsô gíŋe ńgɔɔn ngie: Jâŋ ka gwaa tó, mé ne ńjú’u pɔ́ mbʉ̌ Mǒsê, pɔ́ menò *pàntsẅì nkʉ̀ Ssé, mé ée fʉ̀’ɔɔn ńne ńtsẅii Nkʉ̀ Mbòŋo ńdɔgɔ́ ḿbÿé ngie *lefùɔ Ssé zyě létó. Awɔ̌wɔ́ɔ ne ńkaga tʉ̀ lézẅíŋ ngie Ssé zɔ cʉ’ʉ́ sá’a yé.

Ŋwà’ne Jâŋ 5:3

Megàŋ meguɔ ntí ntí nuŋte tsɛ̀ɛ mekɔ́’. Pàfʉ̀ menÿɔ́g, pà pwɔ́’te mekwò, mbaa megàŋ kwʉ́’te nuŋte wó, [ńne ńzẅí’te pá’ ntse gé cʉ’ʉ.

Ŋwà’ne Jâŋ 5:5

Atsɔ̌ nyìŋ gwɔ́ jʉ’ó, mbà à gǔɔ guɔ ngù’ ntsɔ̀b lefɔ̌ɔn né móm ntá.

Ŋwà’ne Jâŋ 5:7

Anguɔ tsɔ́’ ngie: Andè, awɔ̀ɔn nyìŋ gẅie à lɔɔn ńgwɔ́ á kaa wɔ̀ɔn ńnéŋe tsɛ̀ɛ ntse fʉ̀’ gie é ne cʉ’ʉ à tè gwɔ́ wɔ́. Mèŋ n ŋege tà ńgwaa tó, mbà tsɔ̌ nyìŋ vɔgɔ́ ntse.

1 Korento 6:11

Áa pá’ tsɔ́ pʉ̀a tsetsɛ̀ɛ pi ka zɔɔn ńgwɔ́ pú’u. Tá’ e Ssé ka sɔg mɛ̌ menò ná pi, ńdɔgɔ gẅi ńgÿo pʉ̀a pé. E Ssé yege ka lɔgɔ Zẅìge yé ńgÿo pi cʉ́’ ńgwɔ́ pɔ́ pʉ̀a pie ée ndʉŋ ndʉŋ mvfò ye ńtí Cʉ̀apʉ̀a Yěsô Kristo.

1 Jâŋ 1:7

Tá ńké ńgwɔ́ gie pege lɔɔn ne ńgiŋe ná jʉ’e fɔ̌g pá’ yé lê twó yé aa nà jʉ’ʉ fɔ̌g la, mbà pege ge pú gẅiin tà’ ncwò tsetsɛ̀ɛ pege, metse Míŋ we Yěsô leen ńké sɔgɔ wégè ná nò tepòŋ ntsèm.