Ŋwà’ne Jâŋ 4:9 - Nouveau Testament en Ngienboum

⁹ Manzwě we Samalîɛ gɔɔn né Yěsô ngie: Ɔɔ nyìŋ Yuda, ḿbiŋe ńdúɔ ntse nǔ mbwo mèŋ manzwě we Samalîɛ lá? À lɔ̌ɔn ńgɔɔn pú’u, á nue pà Yuda pâ pà Samalîɛ lɔ́ɔn tě ńjú’e wɔ́.

Ŋwà’ne Jâŋ 4:9 Iomraidhean Croise

Matio 10:5

Yěsô gwaa túm megàŋ ntúm pɔɔn ntsɔ̀b pʉ́a nê legém, ńtsẅi né pɔ́b ngie: Tà pi gʉa tsɛ̀ɛ melá’ pʉ̀a pie é té pà Yuda wɔ́, tà pi kúu tsɛ̀ɛ metÿǒsoŋ pà Samalîɛ.

Lukase 10:33

Tá’, tsɔ̌ nyìŋ Samalîɛ ne ńgee né legìŋ, ńgʉa tà ńkúu jʉ’ó, ńgyá yé, mezìŋe mé kúu yé.

Ŋwà’ne Jâŋ 4:27

Yěsô ne ńgɔɔn pú’u, *ngàŋa kwò yé tó, ńgyá pɔ́ manzwě ně shwóŋe, á pú ńkʉ’ʉ wɔ́b tɛ̀’. Tá’, tsɔ́ wɔb ké tè ku’u lézɛ́te yé ngie áa nò kɔ́ wɔ́ wɔ́, ka légɔɔn ngie pɔ́ yé shwóŋó kɔ́ wɔ́ wɔ́.

Ŋwà’ne Jâŋ 8:48

Epʉ̀a leen ńké ńgɔɔn né Yěsô ngie: Peg lɔɔn ńtóŋo gú ngie nyìŋ Samalîɛ, mbà peg kaa fʉa. Mbɔɔ légɔɔn ngie ssé tépoŋ ee ná gù.

Megàŋ ntúm 1:8

!Pi zsé pɔ́ ndà’ ngie à Zẅìge Ssé ge gÿo tóo ná pi, é náa gẅi metʉ̀. Pi lɔg ńku’u léshwóŋó kɔ̀ɔkɔ́ɔ gie pi zsé nà mèŋ! E zyé Yerósalem éshwóŋ shwóŋ maga Jẅidea. E piŋ fó Samalîɛ, éshwóŋ shwóŋ kúu jʉ’ gie tsetsá’ zsote wó.

Megàŋ ntúm 10:28

Á gɔɔn né pɔ́b ngie: Pi ne ńzsé gí ngie *lepʉ̌ pà Yuda tɔ’ɔ nyìŋ wɔb légwɔ́ shǔ nyìŋ lá’a ndyɛ̀’ɛ. Tà ḿbʉ́ mbɔɔ yé lékúu ndá yé. Tá’, e Ssé ka nyɛɛ wɔ̀ɔn tsɔ́ mmó. À ka nyɛɛ wɔ̀ɔn ngie mèŋ n te gẅiin lékʉ́e tsɔ̌ nyìŋ ngie à gẅiin *lɔ̌’ tà á ne ńzɛ́te ngie mèŋ n dÿɔ́’te yé wɔ́.

Megàŋ ntúm 10:32

Túm pʉ̀a, pɔ́ gʉa Jope, ńgÿo Símo gẅie mé gíŋe ńtóŋo yé lê Piɛ tó. À tsẅe ndá Símo gẅie yé fà’ aa lényɛte megùb menɔ̀ɔn, ndá ŋwɛ́ gwɔ́ ngʉ̀ŋe ntse té pàa.