Ŋwà’ne Jâŋ 4:53 - Nouveau Testament en Ngienboum

⁵³ Tá múɔ jú’, á lɔgɔ ńgwɔ́ kwà’ fʉ̀’ yá gie Yěsô ka gɔɔn mbwo yé ngie: Míŋ we zeŋe la. Á leen ńké ńzáb ntʉ́m wé ná Yěsô, pâ pʉ̀a pé metsèm ndá yé.

Ŋwà’ne Jâŋ 4:53 Iomraidhean Croise

Matio 8:13

Yěsô piŋ ńgɔɔn mbwó tándá ncù ngie: Piŋ nê mbʉ̀a gù! Pá’ ɔ̀ zǎb ntʉ́m ná mèŋ lá, àmmó gie ɔ̀ tsɔ̌ɔn ge gwɔ́ pú’u, ńgɔɔn pú’u, mênkʉ́ tándá ncù leen ńzeŋe pɔ́ fʉ̀’ó, pɔ́ fʉ̀’ó.

Lukase 19:9

Yěsô jú’, ńgɔɔn ngie: E Ssé gÿǒ yɔɔn tsìŋe ndá pú ńtsẅɛ́ lyɛ̌’ɔɔn, mélà’mie Sakîo giŋé ńgwɔ́ yé tsɔ̌ míŋ Ábalam!

Ŋwà’ne Jâŋ 4:51

Ńnyé pɔ́ mánzsè ńcwóŋo ńgee, ngàŋa fà’ yé tó ńzá’a yé, éshwóŋó yé ngie míŋ gù aa ntentʉ́.

Ŋwà’ne Jâŋ 4:52

Á zɛ́te wɔ́b fʉ̀’ gie à ka zeŋe, pɔ́ gɔɔn né yé ngie: Á kaa mbÿɛ̀ njÿó jǔɔ ná tà’ nèm, nnɛ́ zá’a ná yé.

Megàŋ ntúm 11:14

À ge tó shwóŋó gú menò mie e Ssé ge cʉa mǒ gÿo pia ngẅɛ̀ ndá jù tsẅɛ́.

Megàŋ ntúm 16:15

Mé pɔ́ɔnte ḿbú ńnu’u wɔ́ba ngẅɛ̀ ndá yé ntse. Á pɔ́ɔnte ńgwɔ tóŋo wég mbʉ̀a yé ńgɔɔn ngie: Peg lɔɔn ńgyá yég ngie à zẅiŋé nò Cʉ̀apʉ̀a tà shwóŋó nò, peg tó ńtsẅé mbʉ̀a yé, ńgɔɔn pú’u, ńtsóte wég tsóte lézẅíŋ.

Megàŋ ntúm 16:34

Á piŋ ńdɔgɔ wɔ́b mépʉ́a ḿbʉ́ ńgʉa ndá yé, ńná shúm pɔ́ jÿó. Pâ ngẅɛ̀ ndá ye pú ńkág, mélà’mie pɔ́ zǎb ntʉ́m wɔ́b nà Ssé.

Megàŋ ntúm 18:8

Krispus gẅie aa ndÿò tsɛ̀ɛ *ndá cú’tè pà Yuda pâ ngẅɛ̀ ndá ye ntsèm gÿo ńzáb ntʉ́m wɔ́b ná Cʉ̀apʉ̀a. Mé nu’u wɔ́b ntse. Pʉ̀a Korento tà ńgyɔ́ɔn jú’u shwóŋè Pɔl ńzẅíŋ yɔ́b légwɔ́ pʉ̀a Kristo. Mé nu’u wɔ́b yɔ́b ntse.

Megàŋ ntúm 2:39

Méla’mie eshúm sie e Ssé la ka’, à lɔ̌ɔn ńka’a mbwo pi, mbɔɔ mbwo gubé gí. À lɔ̌ɔn ńka’a mbɔɔ mbwó pʉ̀a pie pɔ́ ńnéŋe ngʉ̀a shʉ̀shʉ̀a, é ngwòŋ pʉ̀a metsèm pie Cʉ̀apʉ̀a Ssé yégè ge gÿo tóŋo wɔ́b.