Ŋwà’ne Jâŋ 4:42 - Nouveau Testament en Ngienboum

⁴² Ńne ńgɔɔn né manzwě ŋwɛ́ ngie: Peg tě ńnyé ńzába ntʉ́m ná Yěsô ńtí pɔ́ shwóŋè jú ndà’ wɔ́, peg zába ntʉ́m ná ye fʉ̀’ɔɔn, ńtí pá’ peg yég cwoŋó ńjú’u shwóŋè yé, tà ńzsé ngie aa nyìŋ gẅie à ge gÿo pʉ̀a mesoŋ pie ée tsɛ̀ɛ njÿó e tsẅɛ́.

Ŋwà’ne Jâŋ 4:42 Iomraidhean Croise

Matio 1:21

À ge táa zyé múɔ mbàŋa, ɔ̀ tsẅi lezíŋ sé lê Yěsô, ńdɔgɔ ńgɔɔn ngie: Ssé ge gÿo mé tsẅɛ́, é tóŋo yé pú’u, mélà’mie yé zɔ ge gÿo pʉ̀a lá’ pɔ́b tsẅɛ́ ndòon menò tepòŋ mɔ́b

Lukase 2:32

Á gwɔ́ kyɛ̀’ gie á ge gÿo mé zsé ɔ́ tsɛ̀ɛ njÿó ntsèm. Pú’u, ɔ̀ lɔg ńnáa legú’ mbwo Israel, á lá’ ɔ́.

Ŋwà’ne Jâŋ 1:29

Njÿó gÿo ńdʉ́a, Jâŋ gyá Yěsô ne ńtóo, á gɔɔn ngie: Wɔɔn aa Mûɔ *Njʉ̀njÿò gẅie Ssé lɔgɔ sẅɛ’ɛ ndòon menò mie pʉ̀a la gÿo.

Ŋwà’ne Jâŋ 11:17

Yěsô gʉa tà ńkúu wó, ńgyá, mbà Nǎzalo nuŋé tsɛ̀ɛ lesyè lyɛ̌’ lekùa.

Ŋwà’ne Jâŋ 17:8

N kéen ńké ńtsẅi menò ntsèm mie ɔ̀ la cʉ́me mbwo mèŋ á mbwo pɔ́b, pɔ́ zẅíŋ, ńcwoŋe ńzsé ngie mèŋ fóo lejʉ́ŋ gù, ńgíŋe ńzsé ngie gù zɔ la túmo wɔ̀ɔn.

Ŋwà’ne Jâŋ 4:29

Pi tó ńgyá tsɔ̌ nyìŋ gẅie à shwoŋó wɔ̀ɔn menò ntsèm mie n da gÿǒ. Tà à tè gwɔ́ pɔ́ *Nzà’nkÿo wɔ́?

Ŋwà’ne Jâŋ 4:41

Epʉ̀a gíŋ ńkẅi’i ńzáb ntʉ́m ná ye tà ńgyɔ́ɔn, ńtí shwóŋè yé.

Megàŋ ntúm 13:23

E Ssé piŋ ńgʉa nà ngẅɛ̀ ndá fùɔ Ndavíd, ńgÿo mé zyé nyìŋ gẅie à ge gÿo pà Israel tsẅɛ́ pá’ à la ka’, angàŋ gwɔ́ Yěsô.

Megàŋ ntúm 4:12

Epʉ̀a ké ńgẅiin lécʉa pɔ́ ná Yěsô tá ńtsẅɛ, á nue atsɔ̌ nyìŋ ndyɛ̀’ɛ tè tsɛ̀ɛ yɔɔn njÿó ńgwɔ́ gẅie e Ssé la zába yé légwɔ́ gie pege ge cʉa nà yé tsẅɛ wɔ.

Megàŋ ntúm 5:31

E Ssé ka gÿo á kwɔ́’, á ńnéŋe yé nà gwòŋo pwò yé ye tʉ̀, pú’u, ńdɔgɔ yé ńgÿo fùɔ, ńgíŋe ńdɔgɔ yé ńgÿo *Nzà’nkÿo. E Ssé ka gÿo pú’u, le gwɔ́ gie pʉ̀a Israel ge kúbe mà wɔ́b, à lege menò tepòŋ mɔ́b.

2 Korento 5:19

E Ssé zɔ la zɔɔn ńgwɔ́ ná Kristo, ńne ḿmaga mbù gẅie pâ pʉ̀a mesoŋ tsɛ̀ɛ njÿó gẅiin, pú’u, té gíŋe sáŋ menò tepòŋ mɔ́b, ńgÿo ńcʉ́me shwóŋè lɔg ḿmag mbù mbwo peg.

1 Timote 4:10

Yɔɔn áa mmó gie á gÿo peg fa’a fà’ Ssé tà ńtéŋe zì’i, ḿma’a ncù. Peg fa’a, ńne ńzẅí’te kɔ̀ɔkɔ́ɔ pɔ́ mbwo Ssé gie ee ntentʉ́. Yé zɔ̌ gÿo pá’ pʉ̀a mesoŋ ntsèm ge tsẅɛ́, tá nyìŋ ké ńgwɔ́ tsẅɛ́, éfó pɔ́ ná pá’ à záb ntʉ́m ná Yěsô.

1 Jâŋ 2:2

À la zɔɔn ńdɔgɔ twó yé, ńnuŋe pwɔ́’ pá’ à lɔɔn ńgwɔ́ e Ssé lege menò tepòŋ mégè. Pá’ à lɔɔn ńgwɔ́ á le lege pɔ́ ndà’ mégè wɔ́, pá’ ńgwɔ́ á gíŋe ńdege me pʉ̀a mesoŋ ntsèm tsɛ̀ɛ njÿó.

1 Jâŋ 4:14

Peg la lɔg nÿɔ́g még ńgyá tà ńgwɔ́ gɔɔn pá’ɔɔn, ńgwɔ́ pànjÿò ńgyá ná pá’ à la túmo Míŋ we, pá’ à ge gʉa gwɔ́ nyìŋ gẅie à ge gʉa gÿo pʉ̀a tsɛ̀ɛ njÿó tsẅɛ́.

1 Jâŋ 5:20

Pege ne ńzsé ngie Míŋ Ssé la tó ńnáa wégè legyè pá’ pege ge lɔg zsé kwà’ Ssé ye nénʉ́, peg la zẅɛ́’ pɔ́ yé Yěsô Kristo tá pega Ssé ye nénʉ́ cʉ́’ ńnéŋe, mbà pega pɔ́ léen ńtemte.