Ŋwà’ne Jâŋ 4:41 - Nouveau Testament en Ngienboum

⁴¹ Epʉ̀a gíŋ ńkẅi’i ńzáb ntʉ́m ná ye tà ńgyɔ́ɔn, ńtí shwóŋè yé.

Ŋwà’ne Jâŋ 4:41 Iomraidhean Croise

Lukase 4:32

Mé pu ḿmɔɔn ye ntí lezi’í pʉ̀a mmó, mélà’mie e Ssé la ne ńnáa yé metʉ̀ tá á lɔgɔ ńgɔɔn nò.

Ŋwà’ne Jâŋ 4:40

ńtó tà ńkúu lejʉ́ŋ yé, ésẅíŋte yé ngie pâ pɔ́ zɔ cʉ́’ʉ ńnéŋe. Yěsô zẅíŋ, ńnéŋe jʉ’ó lyě’ pʉ́a.

Ŋwà’ne Jâŋ 4:42

Ńne ńgɔɔn né manzwě ŋwɛ́ ngie: Peg tě ńnyé ńzába ntʉ́m ná Yěsô ńtí pɔ́ shwóŋè jú ndà’ wɔ́, peg zába ntʉ́m ná ye fʉ̀’ɔɔn, ńtí pá’ peg yég cwoŋó ńjú’u shwóŋè yé, tà ńzsé ngie aa nyìŋ gẅie à ge gÿo pʉ̀a mesoŋ pie ée tsɛ̀ɛ njÿó e tsẅɛ́.

Ŋwà’ne Jâŋ 6:63

A Zẅìge Ssé zɔ̌ gÿo mé kwà’ ńgwɔ́ wó. Nyìŋ mesoŋ nê twó yé tè ku’u légÿo tsɔ́ mmó wɔ́. Ashwóŋè gie mèŋ n náa mbwo pi fóo mbwo Zẅìge Ssé, yɛ̌ shwóŋè zɔ̌ gÿo tá mé gwɔ́ wó.

Ŋwà’ne Jâŋ 7:46

Pàpyɛ́bɛ jʉ’e Ssé tsɔ́’ ngie: Peg laa zɔɔn ńjú’ tsɔ̌ nyìŋ shwóŋó pá’ nyìŋ áwe wɛ̌ wɔ́!

Megàŋ ntúm 1:8

!Pi zsé pɔ́ ndà’ ngie à Zẅìge Ssé ge gÿo tóo ná pi, é náa gẅi metʉ̀. Pi lɔg ńku’u léshwóŋó kɔ̀ɔkɔ́ɔ gie pi zsé nà mèŋ! E zyé Yerósalem éshwóŋ shwóŋ maga Jẅidea. E piŋ fó Samalîɛ, éshwóŋ shwóŋ kúu jʉ’ gie tsetsá’ zsote wó.

Megàŋ ntúm 15:3

Acú’tè pʉ̀a Kristo ye Antiokia ná shúm sie á ne ńzɛ́te mbwo pɔ́b lélɔg ńcʉ́me mánzsè. Pɔ́ cʉa tsɛ̀ɛ ngwòŋ Fenisia, mbàa tsɛ̀ɛ we Samalîɛ, ńgiŋe shwóŋó mbwo pʉ̀a Kristo ngie pʉ̀a pie é té pà Yuda wɔ́ kéen sele nnɛ́ tà ńcʉ́’ ńgwɔ́ pɔ́ nzèm Cʉ̀apʉ̀a, mefɛ́ mefɛ́ jú’ ḿbú ńkág tɛ’.

Megàŋ ntúm 8:12

Filib lêen ńké ńtó yé, ńne ńtsẅii nkʉ̀ mbòŋo Yěsô Kristo, ńne ńkyagte pá’ *lefùɔ Ssé ée pú’u. Pʉ̀a tà ńgyɔ́ɔn, mbàŋa pâ pànzwě zẅí’te shwóŋè yé, ńzẅíŋ, ńgÿo mé nu’u wɔ́b ntse.

Megàŋ ntúm 8:25

Ngàŋ ntúm Yěsô yɛ̌ yépʉ́a lɔgɔ lésá’ nkʉ̀ mbòŋo Cʉ̀apʉ̀a shwóŋ pʉ̀a, ńgÿo mé zsé nyìŋ gẅie Yěsô aa wɛ̌, ńgwɔ piŋ nzèm né Yerósalem, ńgiŋe mánzsè ńtsẅii nkʉ̀ mbòŋo á tsɛ̀ɛ melá’ pà Samalîɛ.

Heber 4:13

Áa mvfò Ssé tsɔ́ mmó té lelyěen wɔ́, á tsɛ̀ɛ yɔɔn njÿó gie à la nyɛte. À gyá shúm ntsèm, à má’ nÿɔ́g ḿbú ńgyá kɔ̀ɔkɔ́ɔ pɔ́ pá’ á gwɔ́. Pege ge gÿo pú tyé mvfò ye é píte ncwò wégè.