Ŋwà’ne Jâŋ 4:10 - Nouveau Testament en Ngienboum

¹⁰ Yěsô tsɔ́’ɔ mbwo yé ngie, ɔ̀ gwé’e ńzsé fù’ gie Ssé náa, ḿbiŋ ńzsé nyìŋ gẅie à gɔɔn né gù ngie: Ná ntse n nú, mbà gù zɔ cʉ̌’ ńdúɔ ntse nǔ mbwo yé, á náa gú ńtse gẅie éfóo lesá’a.

Ŋwà’ne Jâŋ 4:10 Iomraidhean Croise

Lukase 11:13

Pi pie pi fʉ’ nò tɛ’ zsě léná shúm mbòŋo mbwo gubé gí. Tà ngʉ̀a shÿɔ́’ɔ ná Tá gẅi gẅie aa tÿǒ lepwó? À ge náa Zẅìge Ndʉalʉ̌a mbwo pʉ̀a pie pɔ́ lǔɔ?

Ŋwà’ne Jâŋ 16:3

Pɔ́ ge gÿo pú’u, mélà’mie pɔ́ kaa Tá zsé, ńké tè wɔ̀ɔn zsé.

Ŋwà’ne Jâŋ 17:3

Legwɔ́ tèmì wéwɛ̌, á gwɔ́ pá’ pɔ́ ge zsé gú, gù gẅie ɔɔ kwà’ ndà’ Ssé ye nénʉ́ gílé gù, é gíŋe zsé nyìŋ gẅie ɔ̀ la túmo yé, á gwɔ́ Yěsô Kristo.

Ŋwà’ne Jâŋ 3:16

Á nue ntí gie e Ssé la lɔg ńkwoŋ njÿó pú’u la gwɔ́ tà á náa Míŋ we wémɔ’ɔ́, légwɔ́ gie wɛ̌ nyìŋ wɔ́ gẅie à zǎb ntʉ́m wé ná Míŋ we ŋwɛ́, à tě ńdá’a ńkaa ndòon tèmì wɔ́, à ge lá’ gẅiin le gwɔ́ tèmì.

Ŋwà’ne Jâŋ 4:14

Tá nyìŋ nú ntse gẅie mèŋ n zɔ nǎ mbwo yé, mbà gág yé té ńdá’a ńgíŋe shÿó wɔ́. Mbà ntse mɛ́ ge kúu mbùm yé, é cʉ́’ pɔ́ lesá’a ntse, á jʉ’ gie ntse ge ne fóo wó cwoŋo, é náa yé le gwɔ́ tèmì.

Ŋwà’ne Jâŋ 6:35

Yěsô tsɔ́’ɔ mbwo pɔ́b ngie: Eshúm léjÿó sie é gÿo nyìŋ gwɔ́ wó, à gwɔ́ pɔ́ mèŋ. Nyìŋ lɔɔn ńtó ńtsɛ́ɛ wɔ̀ɔn, mbà nzyè tè lá’ gíŋe gyáŋa yé wɔ́. Nyìŋ záb ntʉ́m ná mèŋ, mbà gag yé té lá’ gíŋe shÿó wɔ́.

Ŋwà’ne Jâŋ 6:51

Mèŋ máŋwɛ́, mèŋ n gee mmó léjÿó gie á ku’u légÿo mé gwɔ́ wó, á gie á fóo tÿǒ lépwó sẅɛ́’ɛ. Nyìŋ lɔɔn ńjÿó yɛ̌ mmó léjÿó, mbà à ge lá’a gwɔ́ pɔ́ wó mengù’u mengù’. Yɛ̌ mmó léjÿó gie mèŋ n ge ná, ee mbab nnɛ́ yɔ̀ɔn. Mèŋ n ge ná tá à cʉa pú’u, epʉ̀a mesoŋ tsɛ̀ɛ njÿó e gwɔ́ wó.

Megàŋ ntúm 9:11

Cʉ̀apʉ̀a gíŋe ńgie: Ɔ̀ ge lu ssé gʉa ná lǎŋ gie mé tóŋo le Ndʉŋ ndʉŋ, é kúu ndá Jẅidas, é zɛ́te tsɔ̌ nyìŋ gẅie mé tóŋo yé le Sɔ̂l, á gwɔ́ mûɔ Tarso. Aa wó ne sẅíŋte Ssé.

Roma 8:32

Yé gẅie à la tè pɔ́ɔn kwà’ Míŋ we légyá ngɔ́’ wɔ́, yé gẅie à la gÿo mé zẅé yé ńtí wégè métsèm, á ge gǎ tá á le gíŋe ńcÿó pɔ́ gem yégè ńdɔg pɔ́ yé ńná setsɔ́ shúm ntsèm né pege wɔ́?

1 Korento 1:30

Yé Ssé zɔ la temte gẅia Yěsô Kristo, ńdɔgɔ yé ńgÿo yégè zsé nò. E Ssé fó ná ye ńgyá wégè pá’ pà tè fʉa, ńdɔgɔ wégè ńgÿo pʉ̀a pé, ńzá’ nkÿo pù’ nò tepòŋ ná pege.

1 Korento 10:4

Mbɔɔ pá’ pɔ́ la gíŋe ḿbúte ńnú ntse gẅie é gíŋe fóo mbwo Ssé. Pɔ́ lɔ́ɔn ńnúu wɛ̌ ntse é fóo ná máa tóon gẅie e Ssé la gÿo ngie à gwɔ́ nzèm pɔ́b. Wɛ̌ máa tóon laa pú’u, ńdɔgɔ ńgwɔ́ Kristo.

2 Korento 9:15

Pú’u la, á poŋ ngie pege ná ndǎg mbwo Ssé, ńtí fù’u té fʉ̀’ gie à la ná né pege.

Efeso 2:8

À la cÿó gʉm gí, ńgÿo pi tsẅɛ́, éfóo ná pá’ pi la záb ntʉ́m ná Yěsô. Á té fóo né pi wɔ́, à la lɔg pɔ́ pòŋo ntʉ́m yé ńgÿo.

Heber 6:4

Mé gẅiin lényé nue pʉ̀a pie e Ssé gÿo, pɔ́ gyá jʉ’ʉ fɔ̌g, ńgÿo ńtém nzèm Ssé, á tʉ pá’ à lɔɔn ńgwɔ́ nyìŋ shwóŋó wɔ́b nò tà pɔ́ gíŋe ḿbiŋe mbwo Ssé. Mé gɔɔn pʉ̀a pá’ pie pɔ́ la zẅí’i mmó gie e Ssé fǒ tÿǒ lepwó ńná pɔ́ sẅɛ̀ɛ sẅɛ̀ɛ. E Ssé náa Zẅìge Ndʉalʉ̌a né pɔ́b, pɔ́ zẅí’i shwóŋè Ssé tà ńjú’ pá’ á poŋ pú’u, ńgíŋ ńzsé mbɔɔ pá’ metʉ̀ mie é ge lá’ tá tó ée pú’u. Pɔ́ lɔɔn ńkÿo Ssé, mbà á tʉ pá’ à lɔɔn ńgwɔ́ mé gÿo tà pɔ́ gíŋe ḿbiŋe mbwo Ssé, mélà’mie pɔ́ lɔgɔ légÿo pú’u, ńgíŋe ńkíme Míŋ Ssé nà tÿǒ nkǐ, ńtsɔ́’ɔ yé ńtÿɔ́g mé zoonte yé.

1 Jâŋ 5:20

Pege ne ńzsé ngie Míŋ Ssé la tó ńnáa wégè legyè pá’ pege ge lɔg zsé kwà’ Ssé ye nénʉ́, peg la zẅɛ́’ pɔ́ yé Yěsô Kristo tá pega Ssé ye nénʉ́ cʉ́’ ńnéŋe, mbà pega pɔ́ léen ńtemte.

Ŋwà’ne Ngyà jʉ’ 21:6

ńgíŋ ńgɔɔn né mèŋ ngie: Á zsoté. Mèŋ n gee Alfa, ńgwɔ́ Omega, ńgwɔ́ ndùŋ mvfò, ńgwɔ́ nzsònzèm. Agága nyìŋ lɔɔn ńne shÿó, mbà mèŋ n ge ná ntse gẅie é gÿo mé ké ńgwɔ́ pɔ́ wó á mbwó yé. Wɛ̌ ntse fóo nà lesa’á ntse sɔ́ɔn, mèŋ n ge ná pɔ́ sẅɛɛ sẅɛɛ.

Ŋwà’ne Ngyà jʉ’ 22:17

A Zẅìge Ndʉalʉ̌a pɔ́ nzwě ngʉ̀ ne ńgɔɔn ngie tóo. Á poŋ ngie nyìŋ gẅie à jú’u yɔɔn nò à gɔɔn yé ngie tóo. Nyìŋ gẅie nzyè ntse ne ńgyáŋa yé à tó. Nyìŋ gẅie à kwǒŋ à nú ntse gẅie é gÿo mé kwa’ ńgwɔ́ wó, ńnú pɔ́ tè náa tsɔ́ mmó.

Ŋwà’ne Ngyà jʉ’ 7:17

Á nue mûɔ *Njʉ̀njÿò gẅie à tyé tsetsɛ̀ɛ lʉŋe lefùɔ ge gwɔ́ ngàŋa pyɛ́bɛ wɔ́b, é lɔgɔ wɔ́b é gʉa nà meti’í ntse, á jʉ’ gie ntse ge gÿo mé gwɔ́ wó. E Ssé gÿo ḿbú ńtsí’i ntse nÿɔ́g mɔ́b ntsèm.