Ŋwà’ne Jâŋ 4:1 - Nouveau Testament en Ngienboum

¹ Pa *farisay jú’ mé ne ńgɔɔn ngie nzẅìŋ pʉ̀a pie é ne ńcʉ́me nzèm Yěsô cʉa pe Jâŋ, á gíŋe ńne ńnu’u pʉ̀a ntse é gyɔ́ɔn ńcʉa pe Jâŋ.

Ŋwà’ne Jâŋ 4:1 Iomraidhean Croise

Lukase 1:76

Sakarîɛ gíŋe ńgɔɔn ngie: Á gʉa ná gù míŋ wɔ̀ɔn, mbà mé ge lá’a tóŋo ɔ́ lé *ntsẅì nkʉ̀ Ssé, e Ssé gẅie à pi’i kɔ̀ɔkɔ́ɔ Cʉ̀apʉ̀a gwaa tó, mbà ɔ̀ vɔ̌g ńgwɔ́ mvfò ńnyɛte mánzsé we.

Lukase 19:31

Pi lɔɔn ne ńkyɛ́’ɛ, nyìŋ zɛ́te gẅi ngie pi kyɛ’ɛ nzikáase yɛ mélà’akɔ́ wɔ́? Pi tsɔ́’ ngie Andè zɔ ne ńtsɔ́ɔn.

Lukase 19:34

Pɔ́ tsɔ́’ ngie: Andè zɔ ne ńtsɔ́ɔn.

Lukase 2:11

Mé la’á tÿǒsoŋ fùɔ Ndavíd lyɛ̌’ɔɔn, ńzyé Nyìŋ gẅie à ge gÿo pi tsẅɛ́. Aa Kristo gẅie Cʉ̀apʉ̀a Ssé la ka’.

Lukase 7:13

Cʉ̀apʉ̀a Yěsô gyá mpfɔ̌g ŋwɛ́, mezìŋe mé kúu yé, á gɔɔn né yé ngie: Tè gíŋe ńdʉa,

Lukase 7:19

ńtúmo wɔ́b ngie pɔ́ gʉa ńzɛ́te Yěsô ngie aa *Nzà’nkÿo gẅie mé ka ne ńzẅí’te kà mé gíŋe ńzẅí’te pɔ́ tsɔ̌ nyìŋ ndyɛ̀’ɛ wɔ́?

Ŋwà’ne Jâŋ 3:22

Yɔɔn nò tɔ́g, Yěsô pâ *ngàŋa kwò yé gʉa ne tsɛ̀ɛ pàga ngwòŋ Jẅidea, pâ pɔ̌ ná’a ńzye ńnéŋe, à ne ńnu’u pʉ́a ntse.

Ŋwà’ne Jâŋ 3:26

*Ngàŋa kwò Jâŋ gʉa ńgyá Jâŋ, ńgɔɔn né yé ngie Tsítsà, ɔ̀ ne ńkímte nyìŋ wá gẅie pi yé kaa ná yétsɔ̌ nzǐŋ ntse Jurdeŋ la? Á nyìŋ wá gẅie ɔ̀ ka gɔɔn nò gie ɔ̀ zsé ná yé la? À ne ńnu’u yé pʉ̀a ntse fʉ̀’ɔɔn, tà lá’ menùɔ menùɔ ne ńgee ńgyá pɔ́ yé.

Megàŋ ntúm 10:36

E Ssé ka túmo shwóŋè yé mbwo púɔ Israel. E gwɔ́ nkʉ̀ mbòŋo, ńgɔɔn nò na mbʉ́lè gie mé cʉa ná Yěsô Kristo gẅie aa Cʉ̀apʉ̀a pʉ̀a metsèm, ńgẅiin.

1 Korento 1:17

Kristo la zɔɔn tè túmo wɔ̀ɔn ngie n gʉa ńgÿo pʉ̀a kẅé ntse mbwo mèŋ wɔ́. A là túmo wɔ̀ɔn pɔ́ ngie n gʉa ńtsẅi nkʉ̀ mbòŋo. Tá ńké lelɔg pɔ́ zse nò nyìŋ mésoŋ ńtsẅi wɔ́, ḿbɔ́gɔ légÿo metʉ̀ mie é fóo nà pá’ Kristo la kwé nà tÿǒ nkǐ é mag.

1 Korento 15:47

E Ssé la cʉ́’ʉ lépwóon ndùŋ mvfò nyìŋ mesoŋ, ńdɔgɔ tsetsá’ ḿbwóon yé. Wɛ̌ nyìŋ lɔgɔ pú’u, éfóo ndùmo ssé tsetsá’, tá’ nyìŋ mbɔ́ɔntè yépʉ́a á fóo pɔ́ tÿǒ lepwó.

1 Korento 2:8

Tsoon tà’ nà shúm tepòŋ sie é sá’a yɔɔn njÿó laa zsé yɛ̌ zsé nò wɔ́. Pɔ́ la gwé’e ńzsé yɛ̌ zsé nò, mbà pɔ́ la tè gÿo mé kime Ndè nà tÿǒ nkǐ, á Ndè gẅie à gẅiin legú’ wɔ́.

2 Korento 4:5

Peg tè ne ńgwɔ tsẅii nkʉ̀ mbòŋo, éfa’a pɔ́ pá’ mé ge zsé wég wɔ́, peg fa’a pɔ́ pá’ mé ge zsé ngie Yěsô Kristo aa Cʉ̀apʉ̀a. Peg tyé ńgwɔ́ pɔ́ pafa’a fà’ pie éfa’a mbwo pi ńtí Yěsô,

Ŋwà’ne Jâg 2:1

Mefɛ́ pɔ́ɔn tà pi ne ńzába ntʉ́m ná Cʉ̀apʉ̀a Yěsô Kristo wege gẅie à gẅiin máamáa legú’, ńgíŋe ńgẅiin tyɛ̀’te tsetsɛ̀ɛ pi.

Ŋwà’ne Ngyà jʉ’ 19:16

Mbà mé ŋwe’é tsɔ́ lezíŋ nà nzsǒ fÿɔ́g ye, mbɔɔ nà ntɔ́ɔn wé, é gwɔ́ lê: Fùɔ ncʉ̀a mefùɔ, mbɔɔ lê Cʉ̀apʉ̀a mecʉ̀apʉ̀a.