Ŋwà’ne Jâŋ 3:6 - Nouveau Testament en Ngienboum

⁶ Nyìŋ gẅie mámbàŋa pɔ́ manzwě zyě yé, à gwɔ́ pɔ́ nyìŋ mesoŋ, nyìŋ gẅie à Zẅìge Ssé zyě yé, á gẅiin le gwɔ́ gẅie à gwɔ́ pɔ́ we Zẅìge Ssé.

Ŋwà’ne Jâŋ 3:6 Iomraidhean Croise

Ŋwà’ne Jâŋ 1:13

Legwɔ̌ pú’u, à tě fóo nà ntí gie mámbàŋa pɔ́ manzwě kwǒŋ ńzyé wɔ́, ńké tě fóo ná lekwoŋ we nyìŋ mesoŋ wɔ́, mé gɔɔn légwɔ́ púɔ Ssé, mbà Ssé zɔ kwǒŋ yɛ̌ ntí lezyé.

Ŋwà’ne Jâŋ 3:7

Pɔ́ɔn lémɔɔn pá’ mèŋ n gɔ̌ɔn né gù ngie mé gẅiin légíŋe ńzyé gẅi tsɔ́ legʉ̀a.

Roma 7:18

Mèŋ n ne ńzsé ngie nò mbòŋo léen tè wɔ̀ɔn jÿó, n gɔɔn wɔ̀ɔn nyìŋ mesoŋ gẅie mèŋ fege fege. N tsɔ́ɔn légÿo nò mbòŋo fʉ̀’ ntsèm tá ńké tè ku’u légÿo wɔ́.

Roma 7:25

E Ssé zɔ ge tóo tsoló kẅile wɔ̀ɔn. Á cʉa ná Cʉ̀apʉ̀a wege Yěsô Kristo, agù’te gwɔ́ mbwo yé. Áa pú’u, legyè sɔ́ɔn ne shwóŋó wɔ̀ɔn ngie n kú’te *lepʉ̌ Ssé, tá mbab nnɛ́ nyìŋ mesoŋ gie mèŋ n gẅiin ne ńtsóte wɔ̀ɔn n kú’te pɔ́ *lepʉ̌ nò tepòŋ.

Roma 7:5

Á ka zɔɔn ńgwɔ́ fʉ̀’ gie mbùm yege zɔ ka nyě sá’a wégè, letsɔ̌ɔn légÿo nò gie á te poŋ pʉ́’te mbùm yege, a nue *lepʉ̌ tɔ́’, ńgíŋe ńkẅi’i ḿbʉ́’te wégè, pege fa’ pɔ́ mefà’ mie é ge tóŋ pɔ́ legwé é ńnéŋe ná pege.

Roma 8:13

Pi lɔɔn ńnéŋe nà ntí gie mbùm nnɛ́ gi ne shwóŋó gẅí, mbà pi ge kwéte, tá ńké ńgwɔ́ gie pi lɔɔn ńdɔg metʉ̀ Zẅìge Ssé ḿbyága mà tepòŋ gẅie à fóo ná mbùm nnɛ́, mbà pi ge gwɔ́ wó.

1 Korento 6:17

Tá’, nyìŋ gẅie à laa ye nɛ́ pɔ́ nà Cʉ̀apʉ̀a, pɔ́ yé cʉ́’ ńgẅiin pɔ́ tà’a Zẅìge.

2 Korento 5:17

Nyìŋ gwɔ̌ tá ńda nnɛ́ ná Kristo, ńcʉ́’ ńgwɔ́ pɔ́ nyìŋ we sẅé, ńgwɔ́ tsɛ̀ɛ ntʉ́m yé à tè gíŋe ńgwɔ́ pá’ à ka zɔɔn ńgwɔ́ wɔ́, mbà à zyě léńnéŋe we sẅé.

Galatia 5:24

Pʉ̀a pie ée pe Yěsô Kristo léen ńgwá’ shúm tepòŋ sie é póŋ mbùm nnɛ́ yɔb, lâ sie mbùm nnɛ́ ŋwɛ́ zɔ tsɔ̌ɔn, tá á gwɔ́ pɔ́ pá’ fʉ̀’ gie pɔ́ léen ńkim mbùm nnɛ́ ŋwɛ́ nà tÿǒ nkǐ la.

Efeso 2:3

Pege metsèm ka zɔɔn ńgwɔ́ pɔ́ pá’ pɔ́b, ńne ńgÿo pɔ́ mmó gie ntʉ́m nyìŋ mesoŋ ne ńtsɔ́ɔn, éshúm sie ntʉ́m nyìŋ mesoŋ lâ nkwaŋá wé tyé mǒ, mbà mé la zyé wégè pege gwɔ́ pɔ́ pʉ̀a pie e Ssé ne ńgyáŋa lóŋ ná pɔ́b pá’ à ne ńgyáŋa lóŋ ná petsɔ́ pʉ̀a.

Kolosia 2:11

Pi lâ Kristo la gwɔ́ tà ńtemte, e Ssé gÿo liŋé ná pi. Á gwɔ́ gie á nyɛɛ ngie pi ee pʉ̀a pé. À laa tsɔ́ fʉ̀’ ńtsẅii mbwo pà Yuda ngie pɔ́ gÿo mé pú’u wɔ́b, á gwɔ́ liŋé, tá’ á ké ńgʉa ná pi, mbà liŋé gie a gÿǒ ná pi, á téen fóo mbwo pʉ̀a mesoŋ wɔ́, á fóo pɔ́ mbwo Kristo. Yɛ̌ liŋé kéen fó mbwo mmó gie áa soŋ nnɛ́ pege, ńtsóte wégè ńnéŋe ná nò tepòŋ, ńkẅile wégè.

1 Jâŋ 3:9

Wɔ̌wɔ́ɔ gẅie à vɔg tà ńcʉ́’ʉ míŋ Ssé, à tè gíŋe ńnéŋe ńgÿo nò tepòŋ wɔ́, á nue le gwɔ́ gẅie à fóo ná Ssé aa ná yé ńgwɔ́ pá’ mbyè mmó la. À tè gíŋe ńku’u légÿo nò tepòŋ wɔ́, á nue aa míŋ Ssé.