Ŋwà’ne Jâŋ 3:10 - Nouveau Testament en Ngienboum

¹⁰ Yěsô tsɔ́’ɔ mbwo yé ngie: Ɔ̀ɔ Israel ńgwɔ́ tà’ tsítsà tà mé zsé gú tɛ’, ɔ̀ piŋ tè yɔɔn nò zsé la?

Ŋwà’ne Jâŋ 3:10 Iomraidhean Croise

Matio 11:25

Yěsô gÿo ńgɔɔn ngie: Tá wɔ̀ɔn, Cʉ̀apʉ̀a, gù gẅie ɔ̀ sá’a tÿǒ lepwó mbɔɔ tsetsá’, mèŋ sǐe gú pá’ ɔ̀ keen ńnyɛ mɔɔn menò á mbwó mecʉ̀cʉ̀ŋ, ńdÿoon mbwó mengye pâ pʉ̀a pie é la zí’i.

Matio 15:14

Pi nyé wɔ́b! Pɔ́ ée pàfʉ̀ menÿɔ́g pie é kíbe pwó petsɔ́. Àfʉ̀ menÿɔ́g lɔɔn ńkíbe pwó wetsɔ́, mbà pɔ́b yé mépʉ́a ge cʉ́me tsɛ̀ɛ gem.

Matio 22:29

Yěsô tsɔ́’ɔ mbwó pɔ́b ngie: Legye sí ne fʉʉ gẅi á nue pi tè mmó gie áa tsɛ̀ɛ ŋwà’né Ssé zsé, ḿbiŋ ńké tè zsé pá’ metʉ̀ Ssé ée pú’u, wɔ́.

Lukase 2:46

é gwɔ́ lẅíŋe lyɛ̌’ tá, pɔ́ gyá yé, á *jʉ’ʉ Ssé, á ńnéŋe tsetsɛ̀ɛ *pàkyàgte mbʉ̌ Ssé, ńné ńjú’u menò mie pɔ́ ne ńgɔɔn ḿbiŋ ńgíŋe ně ńzɛ́te wɔ́b tsɔ́.

Lukase 5:17

Yěsô gwɔ́ lyɛ̌’, ńně ńda’te nò Ssé, pʉ̀a *farisay pâ *pàkyàgte mbʉ̌ Ssé tó ńnéŋe lejʉ́ŋ yé, éfóo ná melá’ mie ée tsɛ̀ɛ pàga ngwòŋ Galilea pɔ́ Jẅideá tà mbɔɔ tÿǒsoŋo Yerósalem. Metʉ̀ Cʉ̀apʉ̀a Ssé gwɔ́ nà Yěsô, á lɔgɔ ńzeŋe megùɔ.

Ŋwà’ne Jâŋ 3:9

Nikodem leen ńké ńzɛ́te Yěsô ngie, á gwaa gwɔ́ pú’u, ńcʉa lêkɔ́?

Megàŋ ntúm 5:34

Tá’, atsɔ̌ nyìŋ wɔ́b, mé tóŋo yé lê Gamaliel, lu ssé ńtsẅi ngie mé gÿo megàŋ ntúm ná’a ńkẅɛɛ pí. Pú’u, ńgwɔ́ nyìŋ nà nùɔ pà *farisay, ńgwɔ́ nyìŋ ndÿò nà lékyagte mbʉ̌ Mǒsê, àlá’ ná mekù’ mé tɛ’.

Roma 2:28

Mé zɔɔn tè gwɔ́ zsé kwà’ nyìŋ pà Yuda, á nyìŋ Ssé, ńdɔg pɔ́ mmó gie mé ne ńgyá nà ye á nzème pǐ wɔ́, lézsé nyìŋ gẅie mé la pú’u yé á té gwɔ́ pɔ́ ndà’ légyá pá’ mé la zá’a jʉ’ʉ nnɛ́ yé wɔ́.

Filipo 3:3

Pege pɔɔn zɔ ee pʉ̀a pie mé la kwà’ ḿbú’u wégè. Pege zɔ̌ gwɔ́ pʉ̀a pie é gwɔ ne gu’te Ssé, ńne ńzẅí’te nò ncwò Zẅìge yé. Pege lɔgɔ pɔ́ Yěsô ńka’te, à lɔɔn ńgwɔ́ pege zɔɔn le lɔg shúm sie pʉ̀a mesoŋ gÿo ńtí mà lá’ gwɔ́b ńdɔg ńka’te wɔ́ le.

Kolosia 2:11

Pi lâ Kristo la gwɔ́ tà ńtemte, e Ssé gÿo liŋé ná pi. Á gwɔ́ gie á nyɛɛ ngie pi ee pʉ̀a pé. À laa tsɔ́ fʉ̀’ ńtsẅii mbwo pà Yuda ngie pɔ́ gÿo mé pú’u wɔ́b, á gwɔ́ liŋé, tá’ á ké ńgʉa ná pi, mbà liŋé gie a gÿǒ ná pi, á téen fóo mbwo pʉ̀a mesoŋ wɔ́, á fóo pɔ́ mbwo Kristo. Yɛ̌ liŋé kéen fó mbwo mmó gie áa soŋ nnɛ́ pege, ńtsóte wégè ńnéŋe ná nò tepòŋ, ńkẅile wégè.