Ŋwà’ne Jâŋ 21:7 - Nouveau Testament en Ngienboum

⁷ *Angàŋa kwò gẅie Yěsô lɔ̌ɔn ńkwoŋo yé tɛ’ gɔɔn né Piɛ ngie: Aa pá’a ńgwɔ́ Cʉ̀apʉ̀a! Piɛ jú’ ngie aa Cʉ̀apʉ̀a, ḿbí nzsǒ ye gie à ně sẅɛ, ḿma’, ńdeen ńké ńzyɛ́’ ńkúu ntse.

Ŋwà’ne Jâŋ 21:7 Iomraidhean Croise

Malékuse 11:3

Pi lɔɔn ne ńkyɛ́’ɛ nyìŋ zɛ́te gẅi ngie: Pi kyɛ́’ɛ nzìkáasè yɛ ńdɔgɔ ńgee nzɔ̌, pi tsɔ́’ ngie: Andè zɔ ne ńtsɔ́ɔn, mbà ngàŋ ge gwóon nyé pi lɔg ńtó.

Lukase 12:35

Pi cwoŋte mbùm gi, ńdyɛ melâm, ńtÿɔ́gte!

Lukase 2:11

Mé la’á tÿǒsoŋ fùɔ Ndavíd lyɛ̌’ɔɔn, ńzyé Nyìŋ gẅie à ge gÿo pi tsẅɛ́. Aa Kristo gẅie Cʉ̀apʉ̀a Ssé la ka’.

Lukase 7:47

Á cʉa pú’u, tá mèŋ shwóŋó ɔ́ ngie, manzwě wɔɔn nyɛɛ yɔɔn ntí nkwòŋo pá’ɔɔn, mélà’mie mé pú ńdege menò tepòŋ mé mie é ke ńgyɔ́ɔn tɛ’, ńnáa mbwó yé. Tá ńgʉa ná nyìŋ gẅie à gyǎ ngie menò tepòŋ mé mie mé legé ké tè tsẅe ńgyɔ́ɔn tɛ’ wɔ́, mbà ye nkwòŋe ge gíŋ gwɔ́ pɔ́ méjʉ’.

Ŋwà’ne Jâŋ 13:23

Atsɔ̌ tà’ ná *ngàŋa kwò yé gẅie à lɔ̌ɔn ńkwoŋo yé tɛ’, á gwɔ́ lejʉ́ŋ yé ńne ńjÿó mmó.

Ŋwà’ne Jâŋ 19:26

Yěsô gyá pá’ má we tyé lejʉ́ŋ *ngàŋa kwò we gẅie à lɔ̌ɔn ńkwoŋo yé tɛ’, ńgɔɔn né má we ngie: Má wɔ̀ɔn, mìŋ gù wɛ.

Ŋwà’ne Jâŋ 20:2

Á kÿote, ńgʉa ńgyá Símo Piɛ pɔ́ wetsɔ̌ *ngàŋa kwò Yěsô gẅie Yěsô lɔ̌ɔn ńkwoŋo yé tɛ’, ńgɔɔn né pɔ́b ngie: Mé ně fó tsɛ̀ɛ lesyè, ńkẅile pfó Cʉ̀apʉ̀a. Peg tè ne ńzsé jʉ’ gie mé ně ńzába wó wɔ́.

Ŋwà’ne Jâŋ 20:20

Á gɔɔn pú’u, ńnyɛɛ wɔ́b mbwó mé, mbɔɔ gwoŋó nnɛ́ yé. *Ngàŋa kwò yé gyá yé, ḿbú ńkág tɛ’.

Ŋwà’ne Jâŋ 20:28

Tomáse tsɔ́’ɔ mbwo yé ngie: Cʉ̀apʉ̀a wɔ̀ɔn, ńgwɔ́ Ssé yɔ̀ɔn.

Ŋwà’ne Jâŋ 21:20

Piɛ sele nnɛ́, ńgyá *ngàŋa kwò gẅie Yěsô kwoŋo yé tɛ’ la, á gẅie mé la ne ńjÿó shúm, á ŋwe’e letuŋó Yěsô ńzɛ́te yé ngie: Cʉ̀apʉ̀a awɔ̌ gee sẅǐŋ gù wɔ́ la?

Ŋwà’ne Jâŋ 21:24

Wɛ̌ *ngàŋa kwò Yěsô gẅie mé gɔɔn, la gyá mɔɔn menò, yé zɔ la ŋwe’e. Peg piŋ ne ńzsé ngie nò gie à gɔɔn áa nénʉ́.

Ŋwà’ne Jâŋ 21:8

Yetsɔ́ *ngàŋa kwò Yěsô lɔgɔ kanú’ ńne ńtóo, ńne shwóŋó lekÿo, mbà messó kǔ tsoló tà ńdúe. Pɔ́ la zɔɔn tè séen ńgwɔ́ pɔ́ taa soŋ ntse wɔ́. Lefǒ ngʉ̀ŋe ntse ńkúu jʉ’ gie pɔ́ laa wó laa mmó mita nkÿo.

Megàŋ ntúm 10:36

E Ssé ka túmo shwóŋè yé mbwo púɔ Israel. E gwɔ́ nkʉ̀ mbòŋo, ńgɔɔn nò na mbʉ́lè gie mé cʉa ná Yěsô Kristo gẅie aa Cʉ̀apʉ̀a pʉ̀a metsèm, ńgẅiin.

Megàŋ ntúm 2:36

Pú’u la, ngwòŋ ngẅɛ ndá Israel, pi gẅiin lekwà’ ńzsé mboŋó ngie, Yěsô gẅie pi ka kime yé nà tyǒ nkǐ la, àa yé gẅie e Ssé ka lɔgɔ yé ńgÿo Ndè, ńgíŋe ńdɔgɔ yé ńgÿo *Nzà’nkÿo.

1 Korento 15:47

E Ssé la cʉ́’ʉ lépwóon ndùŋ mvfò nyìŋ mesoŋ, ńdɔgɔ tsetsá’ ḿbwóon yé. Wɛ̌ nyìŋ lɔgɔ pú’u, éfóo ndùmo ssé tsetsá’, tá’ nyìŋ mbɔ́ɔntè yépʉ́a á fóo pɔ́ tÿǒ lepwó.

2 Korento 5:14

Ayég gwɔ́ pɔ́ ngie pá’ Kristo kwoŋo wégè la, peg ne ńjú’u pɔ́ ncwò yé. Peg ne ńkwa’a ńzsé ngie tà’ nyìŋ wémɔ’ɔ́ la kwé nà twó mânyìŋ ntsèm. Á lɔgɔ pú’u, ńgwɔ́ ngie pâ pʉ̀a metsèm la pú ńkwé.

Ŋwà’ne Jâg 2:1

Mefɛ́ pɔ́ɔn tà pi ne ńzába ntʉ́m ná Cʉ̀apʉ̀a Yěsô Kristo wege gẅie à gẅiin máamáa legú’, ńgíŋe ńgẅiin tyɛ̀’te tsetsɛ̀ɛ pi.