Ŋwà’ne Jâŋ 21:5 - Nouveau Testament en Ngienboum

⁵ Á gɔɔn né pɔ́b ngie: Ńgie mbà pʉ̀a pɔ́ɔn, tà pi fǒ ńgẅiin mbaŋ ssó lá? Pɔ́ gɔɔn ngie ngǎŋ.

Ŋwà’ne Jâŋ 21:5 Iomraidhean Croise

Matio 14:15

Á gÿo ńgwɔ́ ncwò nzèm, *ngàŋa kwò Yěsô tóo lejʉ́ŋ yé ńgɔɔn ngie: Pege ee jʉ’ɔɔn nkwòŋo tsẅɛ, mbà za’ pǐŋ ńcʉa. Tsẅi né pʉ̀a, pɔ́ gʉa jʉ’ gie membʉ̀a ée wó, éfa’ shúm léjÿó ńjú.

Malékuse 8:7

Á gwaa gwɔ́ pɔ́ gíŋe ńgẅiin tsɔ́ mbɔ́ púɔ messó, tá’ é té gyɔ́ɔn. Yěsô gíŋe ńkẅé ńná ndǎg mbwo Ssé mǒ, ńná ngie pɔ́ gabte mbwo lá’.

Filipo 4:19

E Ssé yɔ̀ɔn ge lɔg ntí gie aa gẅiin shúm pú’u, é cʉa ná Yěsô Kristo, é náa kɔ̀ɔkɔ́ɔ gie á ne ńzága mbwo pi té sáŋ.

Heber 13:5

Tà pi kwoŋ nkáb kwoŋ tà é cʉ́’ʉ sá’a gẅi sá’, pi kág kág nà kɔ́ wɔ́ gie pi gẅiin, á nue e Ssé la gɔɔn né nyìŋ mesoŋ ngie: «N te lá’ gwá’a gú wɔ́, é ké le nyé té ne ńdíe gú wɔ́.»

1 Jâŋ 2:13

N ne shwóŋó gẅi melÿò ngie: Pi ee pɛ́’ɛ̀ ńne zsé Nyìŋ gẅie aa wó tà fó nzyeté, ńne shwóŋó gẅi pûɔ shum ngie pi kéen ńtʉ ńcʉa nyìŋ tepòŋ.

1 Jâŋ 2:18

Penkʉ́ pɔ́ɔn, afʉ̀’ʉ nzsònzèm ne ńku’u. Pi la jú’ mé gɔɔn ngie, angàŋ mbù Kristo ge lá’ tó. Áa fʉ̀’ɔɔn, mbà megàŋ mbù Kristo kěen ńtó tà ńgyɔ́ɔn gyɔ́ɔn. Áa mmó gie á gÿǒ pege zsé ngie à fʉ̀’ʉ nzsònzèm ne ńku’u.