Ŋwà’ne Jâŋ 21:15 - Nouveau Testament en Ngienboum

¹⁵ Pɔ́ pfɛ́ɛ mmó tà ńtẅé jʉ’, Yěsô gɔɔn né Símo Piɛ ngie: Símo, míŋ Jâŋ, tà ɔ̀ kwoŋo wɔ̀ɔn tà ńcʉa pʉ̀a pɔɔn? Á tsɔ́’ ngie oon, mbà Cʉ̀apʉ̀a, ɔ̀ zsě ngie mèŋ n nkwoŋo gú. Yěsô lêen ńké ńzɛ́te yé ngie: Pféle púɔ *menjʉ̀njÿò pɔ́ɔn.

Ŋwà’ne Jâŋ 21:15 Iomraidhean Croise

Matio 10:37

Nyìŋ kwoŋo tá we ka pɔ́ má we wɔ́, tà ńtɔ́gɔ wɔ̀ɔn, mbà ngàŋ tè ku’u légwɔ́ wɔ̀ɔn nyìŋ wɔ́. Nyìŋ kwoŋo míŋ we we mbàŋa ka we manzwě wɔ́ tà ńtɔ́gɔ wɔ̀ɔn, mbà à tè ku’u légwɔ́ wɔ̀ɔn nyìŋ wɔ́.

Matio 16:17

Yěsô leen ńké ńgɔɔn né yé ngie: Símo míŋ Jâŋ, ɔ́ɔ shÿó mbòŋo, á nue nyìŋ mesoŋ zɔ kaa gÿo, tá ɔ̀ zsé yɔɔn nò nénʉ́ wɔ́. Tá wɔ̀ɔn gẅie aa tÿǒ lepwó zɔ nyɛ̌ gú.

Matio 18:10

Pi laga twó gí légwága tsɔ̌ tà’ ná gígyé penkʉ́ pɔɔn. Tà mèŋ shwóŋó gẅí, *mecÿɔ́’ Ssé pie é lie wɔ́b tyé mvfo Ssé fʉ’ ntsem. [

Matio 26:33

Piɛ gɔɔn né yé ngie: Petsɔ́ pʉ̀a lɔɔn ńgwá’a gú ńkÿo metsèm, mbà à lɔɔn ńgwɔ́ mèŋ n de gú gwá’.

Matio 26:35

Piɛ gɔɔn né yé ngie: Mé lɔɔn fó ḿbúte wɔ́gɔ́ ne ńdɔgɔ ńge pɔ́ nzẅě, mbà à lɔɔn ńgwɔ́ n de gú moŋe! Yetsɔ́ *ngàŋa kwò yé metsèm gíŋe ńgɔɔn yɔ́b pɔ́ pú’u.

Malékuse 14:29

Piɛ gɔɔn né yé ngie: Petsɔ́ pʉ̀a lɔɔn ńgwá’a gú ńkÿo metsèm, mbà à lɔɔn ńgwɔ́ mèŋ n de ɔ́ gwá’.

Lukase 12:32

Epʉ̀a pɔ́ɔn, pi gwɔ̌ pɔ́ mbó ntá’ tá’, tà pi pɔ́g, mélà’mie Tá gẅi Ssé ka gyǎ ngie à ge ná lefùɔ mbwo pi.

Lukase 22:32

Tá’, mèŋ n ně sẅíŋte Ssé nà twó ɔ́, légwɔ́ gie ɔ̀ tè pú kʉ́a kʉ́a nà lezǎb ntʉ́m ná mèŋ wɔ́. Ɔ̀ gÿo ńgwɔ́ tà ḿbiŋe nzèm mèŋ, ɔ̀ ne ńnéŋe ntʉ́m mefɛ́ pú.

Ŋwà’ne Jâŋ 1:42

Ńdɔgɔ Símo, ńgʉa lejʉ́ŋ Yěsô, Yěsô cwoŋo ńdíe Símo tà ńgɔɔn né ye ngie: Ɔ̀ɔ Símo míŋ Jâŋ. Mé ge gÿo tóŋo gú le Kéfas. Yěsô tóŋo le Kéfas pá’ɔɔn, á lɔgɔ ńgíŋe ńgɔɔn ngie Piɛ.

Ŋwà’ne Jâŋ 13:37

Piɛ gɔɔn né Yěsô ngie: Andè, akɔ́ ge gÿo tá mèŋ n de gwóon ńcʉ́me nzèm gù wɔ́? Mèŋ n ge náa twó yɔ́ɔn e tí gú.

Ŋwà’ne Jâŋ 16:27

Á nue kwà’ yé Tá wɔ̀ɔn kwoŋo gẅí. À kwoŋo gẅí, mélà’mie pi ka kwoŋo wɔ̀ɔn, ḿbiŋe ne ńzẅíŋe ngie yé zɔ la túmo wɔ̀ɔn.

Ŋwà’ne Jâŋ 21:12

Yěsô gɔɔn né pɔ́b ngie: Pi tó ḿpfɛ́ɛ mmó. Tsoon tà’ nyìŋ ná *ngàŋa kwò Yěsô tè shÿɔg tà ńzɛ́te ngie: Ɔɔ wɔ̌ wɔ́? Á nue pɔ́ ne ńzsé ngie aa Cʉ̀apʉ̀a.

Ŋwà’ne Jâŋ 21:7

*Angàŋa kwò gẅie Yěsô lɔ̌ɔn ńkwoŋo yé tɛ’ gɔɔn né Piɛ ngie: Aa pá’a ńgwɔ́ Cʉ̀apʉ̀a! Piɛ jú’ ngie aa Cʉ̀apʉ̀a, ḿbí nzsǒ ye gie à ně sẅɛ, ḿma’, ńdeen ńké ńzyɛ́’ ńkúu ntse.

Ŋwà’ne Jâŋ 8:42

Yěsô gɔɔn né pɔ́b ngie: E Ssé kě pé’e ńgwɔ́ tá gẅi, mbà pi kwoŋo wɔ̀ɔn. Mèŋ n da zɔɔn fó pɔ́ mbwo Ssé ńtó. N gwaa gwɔ́ jʉ’ɔɔn yé zɔ̌ tsẅi. Mèŋ n zɔ la tè záb ngie mèŋ n ge tó wɔ́, yé zɔ la túmo wɔ̀ɔn.

Megàŋ ntúm 20:28

Pi pɔ́ɔn gí twó kwà’ mboŋó, ḿbiŋ ḿbɔ́ɔn ye nùɔ *njʉ̀njÿò gie Zẅìge Ssé ka cʉ́me mbwo pi ngie pi ne ḿbyɛ́bɛ. Pi líe cú’tè pʉ̀a Ssé mboŋó. À la pfɛte metse Míŋ we ńdɔg ńgÿo pɔ́ tsẅɛ́.

Megàŋ ntúm 20:29

N zsé ngie mèŋ n ge gwɔ́ tá gʉa, menɔ̀ɔn ngẅi kúu nà nùɔ *njʉ̀njÿò yɔ́ɔn, ńzába nò.

Roma 14:1

Mefɛ́ pɔ́ɔn, pi ne ńzsé ngie áa tsetsɛ̀ɛ pege, tsɔ́ pʉ̀a lɔg pá’ pɔ́ ne ńjú’u yɔ́b nò Ssé, ńne ńdÿɔ́’te tsɔ́ shúm, pi kú’te wɔ́b kú’te tà pia pɔ̌ zoŋo nò ná yɔ́b mmó gie pɔ́ ne ńkwaŋa.

Roma 15:1

Ammó gie pege gẅiin légÿo áa ngie pʉ̀a pie pɔ́ lɔgɔ nò Ssé ńzsé mmó gie pɔ́ ge gÿo, gẅiin lélɔg ntʉ́m mbòŋo ńkẅéte pʉ̀a pie pɔ́ té ne ńzsé pá’ pɔ́b wɔ́. Nyìŋ tè gẅiin légÿo mmó gie á poŋ pɔ́ yé wɔ́.

1 Korento 8:11

Á gwɔ́ pú’u, à cʉa nà mmó gie ɔ̀ ne ńzsé, nyìŋ gẅie à nyě ḿbÿɛ́ pÿɛ́, à kúu pyé. Tá ńgwɔ́ fɛ́ wege gẅie Kristo la kwé nà twó yé.

Galatia 5:6

Á nue nyìŋ lɔɔn ńda nnɛ́ ná Kristo, mbà mé lépú’u yé kà lényé té pú’u yé wɔ́, á té tsɔ́ nò wɔ́. Lezǎb ntʉ́m ná Kristo ḿbiŋ ńkwoŋ pʉ̀a mesoŋ zɔɔ nò.

Efeso 4:14

À cʉa pú’u, pege é le gíŋe ńgwɔ́ mecʉ̀cʉ̀ŋ penkʉ́ pie ée pá’ kanú’ gie ntse shwoŋo ńdɔgɔ ńgee jʉ’ɔɔn, ńgee jʉ’ʉ wɔ́. Mé le gíŋe shwóŋó wégè ngie pege pʉ pʉ kà ngie pege cwóŋ cwóŋ wɔ́, tà pege jú’ mɛ̌ ménò mie mé zí’i pʉ̀a ńzẅíŋ wɔ́. Á fó pú’u, pege le gíŋe ńgwɔ́ pá’ mecʉ̀cʉ̀ŋ pie pɔ́ zẅíŋe, epʉ̀a kwaŋa menò ńdɔgɔ fʉte wɔ́b pɔ́ zẅíŋe cÿɔ̌ nò wɔ́.

Efeso 6:24

E Ssé ne ńgwɔ́ né mânyìŋ ntsèm gẅie à kwoŋo Cʉ̀apʉ̀a wege Yěso Kristo lê ntí nkwòŋe gie e tě ńdá’a ḿmaga wɔ́.

Heber 13:20

E Ssé gẅie e mbʉ́lè fóo mbwo ye, à la gÿo Yěsô Cʉ̀apʉ̀a wege fó lá’ mepfó ńkwɔ́’. Yé Cʉ̀apʉ̀a wege la lɔg pá’ à pfɛté metse mé, e Ssé lɔg ńgwaa *kʉ̀a gie á té ńdá’a ḿmaga wɔ́, ńcʉ́’ʉ mbyɛ̀b mvfó we lÿò, pá’ à ge pyɛ́bɛ *njʉ̀njÿò yé.

Heber 4:13

Áa mvfò Ssé tsɔ́ mmó té lelyěen wɔ́, á tsɛ̀ɛ yɔɔn njÿó gie à la nyɛte. À gyá shúm ntsèm, à má’ nÿɔ́g ḿbú ńgyá kɔ̀ɔkɔ́ɔ pɔ́ pá’ á gwɔ́. Pege ge gÿo pú tyé mvfò ye é píte ncwò wégè.

1 Piɛ 1:8

Pi laa Yěsô gyá, tá’ ńké ńne ńkwoŋo yé. Pi ne ńzába ntʉ́m ná ye, tá mbɔɔ pá’ pi nyě tè gwǒon ńgyá yé. Máamáa lekág gwɔ́ ntʉ́m pi tà à lɔɔn ńgwɔ́ pi le zsé léshwóŋó nyìŋ wɔ́.

1 Piɛ 2:2

Pi lêen ńgwɔ́ pɔ́ pá’ púɔ mepÿɛ́ pie pɔ́ tsɔ́ɔn lepʉ́, ashwóŋè Ssé ée *lepʉ̌ té *lɔ̌’, pi ne ńnóŋo, ńzsé ngie pi ge gú’, e Ssé gÿo pi tsẅɛ́.

1 Piɛ 2:25

Á gwɔ́ ngie pi laa tsɔ́ fʉ̀’ ńgwáa ḿbúu pá’ *menjʉ̀njÿò mie é fʉ̌a mánzsè. Tá’ pi kéen ńké ḿbiŋ nzèm, ńcʉ́me nzèm nyìŋ gẅie à ne ńdíe gẅí, yé zɔ̌ ne ḿbyɛ́bɛ gẅí.

1 Jâŋ 4:19

Á gʉa ná peg, peg kwoŋo nyìŋ mesoŋ, á gwɔ́, mélà’mie e Ssé la vɔg ńkwoŋo wég.

1 Jâŋ 5:1

Nyìŋ gẅie à zẅǐŋ ngie Yěsô aa *Nzà’nkÿo, aa míŋ Ssé. Nyìŋ gẅie à kwoŋ Ssé Tá, à giŋé ńkwoŋ mbɔɔ púɔ Ssé.

Ŋwà’ne Ngyà jʉ’ 2:23

N ge zẅéte gubé yé. À cʉa pú’u, mecú’tè pʉ̀a Kristo ntsèm zsé ngie mèŋ n gee nyìŋ gẅie à zsé nkwaŋá pʉ̀a mesoŋ, ńgíŋe ńzsé mbɔɔ mmó gie pɔ́ ne ńtsɔ́ɔn. Mèŋ n ge gÿo fó pɔ́ nà mmó gie wɔ̌wɔ́ɔ gÿǒ, tá zsé pá’ mèŋ n ge gÿo ná ngàŋ.