Ŋwà’ne Jâŋ 2:2 - Nouveau Testament en Ngienboum

² Mé gíŋe ńtóŋo Yěsô yé pâ ngàŋa nkwò yé, á jʉ’ʉ lɔ́ɔn ndá ŋwɛ́.

Ŋwà’ne Jâŋ 2:2 Iomraidhean Croise

Matio 12:19

À tè gÿo fa’ ntsaŋ wɔ́, é ké le gɔɔn nò tà ngyè yé kwɔ́’ɔ tÿǒ wɔ́. Mé ké le jú’ á tyé metwó nzsè ńnáa shwóŋò wɔ́.

Matio 25:40

Àfùɔ tsɔ́’ɔ mbwó pɔ́b ngie: Mèŋ shwóŋó gẅí, kwà’ nénʉ́, mbàa yɛ̌ fʉ̀’ wɔ́ gie pi la gÿo mɔɔn menò, ná wɛ̌ mûɔ ményìŋ gẅie aa fɛ́ wɔ̀ɔn mɔ́, mbà pi lɔ̌ɔn ńgÿo pɔ́ ná mèŋ.

Matio 25:45

Fùɔ tsɔ́’ɔ mbwó pɔ́b ngie: Mèŋ shwóŋó gẅí, kwà’ nénʉ́, mbàa yɛ̌ fʉ̀’ wɔ́ gie pi la tè gÿó mɔɔn menò á ná wɛ̌ mûɔ ményìŋ gẅie aa fɛ́ wɔ̀ɔn mɔ́, mbà pi la gíŋe tè mmó ná mèŋ gÿo.

Ŋwà’ne Jâŋ 2:12

Yɔɔn nò tɔ́g, Yěsô pâ má we, lâ mefɛ́ pé, ńgÿo *ngàŋa kwò yé, gʉa ne tÿǒsoŋo Kapernawúm, ńkúu wó, ńnéŋe pɔ́ lyɛ̌’ shÿɔ́’ɔ tsɔ́ wɔ́.

Ŋwà’ne Jâŋ 2:17

*Ngàŋa kwò Yěsô leen ńké ńkímte jʉ’ʉ ŋwà’ne Ssé gie á gɔɔn ngie: «Mèŋ, n kwoŋo jʉ’ jú kwoŋ tà mèŋ n ge lá’ kwé pɔ́ mǒ».

Ŋwà’ne Jâŋ 2:22

Áa yɛ̌ tá à la gÿo ńzíme nà legwé, *ngàŋa kwò yé kímte ngie à la gɔɔn yɔɔn nò, ńdeen ńké ńzẅíŋ, ńgíŋe ńzẅíŋe gie ŋwà’ne Ssé la gɔɔn ná yé.

Ŋwà’ne Jâŋ 2:3

Melù’ gÿo ḿmag, má pà Yěsô gɔɔn né yé ngie: Epʉ̀a té gíŋe ńgẅiin melù’ mie pɔ́ ge nú wɔ́.

Ŋwà’ne Jâŋ 3:22

Yɔɔn nò tɔ́g, Yěsô pâ *ngàŋa kwò yé gʉa ne tsɛ̀ɛ pàga ngwòŋ Jẅidea, pâ pɔ̌ ná’a ńzye ńnéŋe, à ne ńnu’u pʉ́a ntse.

Ŋwà’ne Jâŋ 4:2

Ńzɔɔn ńké ńgwaa gɔɔn pú’u, kwà’ Yěsô zɔ tě ńnu’u pʉ̀a ntse wɔ́, *ngàŋa kwò yé zɔ̌ ne ńnu’u wɔ́b.

Ŋwà’ne Jâŋ 4:33

*Ngàŋa kwò yé jú’ pú’u, ésele ńzɛ́te tsetsɛ̀ɛ pɔ́b ngie: Tsɔ̌ nyìŋ cʉ̌’ ńdɔgɔ mmó léjÿó ńtó ná né yé keen?

Ŋwà’ne Jâŋ 4:8

Á gwaa gwɔ́, mbà *ngàŋa kwò Yěsô gʉ̌a tÿǒsoŋ léjú shúm léjÿó.

Ŋwà’ne Jâŋ 6:12

Pʉ̀a metsèm pfɛ́ɛ mmó tà ńzẅɛ́, Yěsô gɔɔn né *ngàŋa kwò yé ngie: Pi lag mekèm mie é vʉ’ʉ́ tà mmó le pyé.

Ŋwà’ne Jâŋ 6:16

Á gÿo ńgwɔ́ ncwò nzém, *ngàŋa kwò Yěsô cwóŋ ńgʉa né nkʉ̀ŋ ntse Galilea.

Ŋwà’ne Jâŋ 6:60

*Ngàŋa kwò Yěsô jú’u shwóŋè yé, lelÿò zye légɔɔn ngie: Ashwóŋe yɛ̂ á tʉ̌ tà ńcʉa! À lɔɔn ńgwɔ́ à wɔ̌ zẅí’te?

Ŋwà’ne Jâŋ 6:66

Á fó fʉ’ó, lelÿò *ngàŋa kwò Yěsô kÿo, pâ pɔ̌ té gíŋe ńgiŋ wɔ́.

Ŋwà’ne Jâŋ 6:67

Yěsô gÿo ńgɔɔn mbwo pʉ̀a ntsɔ̀b pʉ́a nê legém ngie: Pi tè ne ńkwoŋo gí légʉa wɔ́ ka?

Ŋwà’ne Jâŋ 6:70

Yěsô tsɔ́’ɔ mbwo pɔ́b ngie: Pi pɛ̂ ntsɔ̀b pʉ́a nê legém, mèŋ n zɔ ka tè tsɔ́’ɔ gẅi wâ? Tsɔ̌ nyìŋ kě ńgwɔ́ tsetsɛ̀ɛ pi, ńgwɔ́ nyìŋ Sátà.

Ŋwà’ne Jâŋ 6:71

Yěsô gɔɔn pú’u, ńgɔɔn Jẅidas, míŋ Símo Iskariod. Yé zɔ lɔ̌ɔn ge gÿo sẅiŋe Yěsô, tà mbɔɔ pá’ à laa nùɔ pʉ̀a ntsɔ̀b pʉ́a nê legém.

Ŋwà’ne Jâŋ 6:8

Atsɔ̌ *ngàŋa kwò Yěsô gwɔ́ jʉ’ó, lezíŋ sé gwɔ́ le Ndeléya, á gwɔ́ fɛ́ Símo. Á gɔɔn né Yěsô ngie:

Ŋwà’ne Jâŋ 7:3

Mefɛ́ Yěsô gɔɔn né yé ngie: Fóo jʉ’ɔɔn ńgʉa né Jẅidea tá *ngàŋa kwò ɔ́ gie ée jʉ’ó gyá yɔ́b menò mie ɔ̀ ne ńgÿo.

Megàŋ ntúm 11:26

ńkúu wó, ńgyá yé, ńdɔgɔ yé ḿbiŋ lê Antiokia. Pɔ́ mépʉ́a pâ pʉ̀a Kristo pú ńnéŋe Antiokia ná tà’ ngù’u lá’. Pɔ́ ne ńzí’i pʉ̀a tà ńgyɔ́ɔn mmó. Mé la zye pɔ́ Antiokia ŋwɛ́ létóŋ *ngàŋa kwò Yěsô lê Pʉ̀a Kristo.

Megàŋ ntúm 11:29

Agabus gɔɔn pá’ɔɔn, epʉ̀a Kristo záb ngie awɔ̌wɔ́ɔ náa yé mmó gie à ku’u mǒ, mé túm, ńdɔg ńkẅéte mefɛ́ mefɛ́ pie pɔ́ tsẅé tsɛ̀ɛ pàga ngwòŋ Jẅidea.

1 Korento 10:31

N ge gɔɔn yɔ́ɔn ngie, pi lɔɔn ne ńjÿó pɔ́ mmó, kà ne ńnúu pɔ́ mmó wɔ́, kà ne ńgÿo pɔ́ kɔ́ wɔ́, pi gÿo sɛ̌ shúm ntsèm pɔ́ nà ntí gie mé ge gu’te Ssé.

1 Korento 7:39

Á gʉa ná manzwě gẅie à zɔ̌’, à ké ńgẅiin pɔ́ léla nnɛ́ nà ndúm we á nà fʉ̀’ gie ndúm we nyé wó. Andúm we ké ńkwé, á gẅiin lézɔ́’ɔ nyìŋ gẅie yé manzwě kwǒŋ. Anò gwɔ́ pɔ́ ngie wɛ̌ mámbàŋa gwɔ́ nyìŋ Kristo.

Kolosia 3:17

Pi lɔɔn ne ńgÿo pɔ́ kɔ́ wɔ́, kà shwóŋó pɔ́ kɔ́ wɔ́, pi záb pɔ́ lezíŋ Cʉ̀apʉ̀a Yěsô mvfò, ńne ńnáa ndǎg mbwo Tá wege Ssé, ńcʉa ná Yěsô

Heber 13:4

Á poŋ ngie lɔ́ɔndá gwɔ́ mbwo mânyìŋ ntsèm ńgwɔ́ mmó mekù’, mámbàŋa zsé ndà’ nzwě we, manzwě zsé ndà’ ndúm we, e Ssé ge zɔɔn lá’ ŋag pʉ̀a pie pɔ́ pumo wɔ̌wɔ́ɔ pâ pɔ̌ nuŋe, mbɔɔ pàgÿo gÿɛ́.

Ŋwà’ne Ngyà jʉ’ 3:20

Mèŋ wɔɔn, mbà mèŋ n tǒ ńtyé ńne ńkwá’te ncwò ndá, ńgwɔ́ gie nyìŋ lɔɔn ńjú’ ngyè yɔ̀ɔn, ńtsɔ́’ ncwò ndá, mbà mèŋ n ge kúu ndá ngàŋ, é ńnéŋe ssé peg ngàŋ pfɛ́ɛ mmó, angàŋ piŋ ńnéŋe ssé peg yé pfɛ́ɛ mmó.