Ŋwà’ne Jâŋ 19:23 - Nouveau Testament en Ngienboum

²³ Pàlÿɔ́’ ncù la kime Yěsô ná tÿǒ nkǐ tà ńtsẅé jʉ’, ḿbí menzsǒ mé, ńgabte nzsè lekùa. Awɔ̌wɔ́ɔ pí ye nzsè, tà é cʉ́’ nzsǒ ye ye lÿò, é gie mé la tè vfo vfo wɔ́. Mé la pú ḿbá’ pá’, éfó tÿǒ ńtyé ssé.

Ŋwà’ne Jâŋ 19:23 Iomraidhean Croise

Matio 27:35

Pàlÿɔ́’ ncù leen ńké ńkime yé ná tÿǒ nkǐ, ḿma’a tyéente ńdɔg ńgab menzsǒ mé, ńná ye wɔ̌wɔɔ tsetsɛ̀ɛ pɔ́b

Malékuse 15:24

Pɔ́ kime yé nà tÿǒ nkǐ, ḿbí menzsǒ mé, ḿma’a tyèente ńdɔg ńgabte ńná ye wɔ̌wɔ́ɔ.

Lukase 23:34

Yěsô gɔɔn ngie: Tá wɔ̀ɔn, lege mefʉ̀a mɔ́b, mélà’mie pɔ́ té ne ńzsé mmó gie pɔ́ gÿo wɔ́. Pàlÿɔ́’ ncù pie é laa jʉ’ó ma’a tyeente tá ńdɔg ńgabte menzsǒ mé.

Megàŋ ntúm 12:4

*Herôd tsẅi mé gwoon Piɛ pú’u, ńdɔgɔ yé ńgʉa ńjÿɔ́’ɔ ndá tsǎŋ. Á táŋte pàlÿɔ́’ ncù lekùa lekùa ngʉ̀a lekùa ńtÿɔ́gte ngie pɔ́ ne ḿbyɛ́bɛ yé, ńne ńzẅí’te pá’ línɔ́ɔn *Páskà ge cʉa, à tÿɔ́gɔ yé mvfò lá’, mé ŋaga yé.