Ŋwà’ne Jâŋ 19:11 - Nouveau Testament en Ngienboum

¹¹ Yěsô tsɔ́’ɔ mbwo yé ngie: E Ssé lɔɔn ńnyé té ńná metʉ̀ mbwo gù, ɔ́ le ku’u légÿo tsɔ́ mmó ná mèŋ wɔ́. Áa mmó gie á ka gÿo tá nyìŋ gẅie à ka sẅiŋe wɔ̀ɔn mbwo gù, à yé nò tepòŋ cʉa jú.

Ŋwà’ne Jâŋ 19:11 Iomraidhean Croise

Matio 26:65

*Nùŋe pwɔ́’ we lÿò jú’ pú’u, ésele *shʉate menzsǒ mé, ńgɔɔn ngie: À zoonté Ssé, pege giŋé fa’a pɔ́ yɛ̌ ntí pàjÿò ngyá. Kwà’ pi gí jǔ’ pá’ à zoonté Ssé.

Matio 27:2

ńgÿo mé kwɛ́ɛ yé, ńdɔgɔ yé ńgʉa ńnáa mbwó ngúmnɔ́ɔn *Pilato.

Matio 6:13

Tè zẅíŋ ngie peg kúu tsɛ̀ɛ nkwà’te, kẅé wég mbwó Sátà. [Á nue gù zɔɔ fùɔ, metʉ̀ ntsèm piŋ ńgwɔ́ pɔ́ mú, mé ne ńgu’te pɔ́ ndà’ gú mengù’u mengù’. Ameŋ].

Malékuse 14:44

Á gwaa gwɔ́, mbà ngàŋ menáŋ la shwóŋó wɔ́b pá’ à ge gÿo tá pɔ́ liŋe Yěsô. Yɛ̌ liŋé gwɔ́ ngie: yé lɔɔn ńtsyɛ’te nyìŋ, ńtáŋte yé, pɔ́ zsé ngie aa yé, ńdeen ńgwóon ye, ḿbiŋ ńnyɛte ńgẅiin yé mboŋó tá ńdɔg ńgʉa.

Lukase 22:53

Mbà mèŋ n kaa lyɛ̌’ ntsèm, ńké ńně ńgwɔ́ pɔ́ tsetsɛ̀ɛ pi tsɛ̀ɛ *jʉ’ʉ Ssé, pi ké tè fa’a légwoon wɔ̀ɔn mɔ́. Tá’, agí fʉ̀’ yɔɔn, mbà á léen ńké ńku’, ńgwɔ́ fʉ̀’ gie afùɔ menò nzěm tǒ tà ne sá’a lá’ yé.

Ŋwà’ne Jâŋ 18:13

Pɔ́ kwɛ́ɛ Yěsô pú’u, ńdɔgɔ yé ḿvɔg ńgʉa nɔ’ɔ Ánnɔ́ɔn. Ánnɔ́ɔn gwɔ́ pú’u, ńgwɔ́ tákẅì’ Kaifa gẅie à laa ngù’ áyɛ̌, ńgwɔ́ tándá pànuŋe pwɔ́’.

Ŋwà’ne Jâŋ 18:3

Jẅidas ńnéŋe tà ńtó, ńgwɔ́ mvfò nùɔ pàlÿɔ́’ ncù pà *Roma pâ pà pyɛ́bɛ *jʉ’ʉ Ssé, é pie metándá pànuŋe pwɔ́’ pâ pà *farisay ně ńtúm. Pɔ́ gẅiinte menkà’ mmɔ̌g, lâ melâm, mbɔɔ shúm ncù.

Ŋwà’ne Jâŋ 19:10

*Pilato lêen ńké ńgɔɔn né yé ngie: Mèŋ n gɔɔn nò ɔ̀ tě ńtsɔ́’ɔ wɔ́ la? Ɔ̀ tè ne ńzsé ngie mèŋ n ku’u légÿo mé nyé gú, pá’ mèŋ n giŋé ńku’u légÿo, mé kime gú nà tÿǒ nkǐ wɔ́ ka?

Ŋwà’ne Jâŋ 3:27

Jâŋ tsɔ́’ɔ mbwo pɔ́b ngie: E Ssé gẅie aa tÿǒ lepwó zɔ náa fà’ ye wɔ̌wɔ́ɔ.

Ŋwà’ne Jâŋ 7:30

Pɔ́ jú’u yɔɔn nò, éfa’a légwoon yé, tá nyìŋ ké tè pwó ná yé záb, mélà’mie à yé fʉ̀’ la nyé tè ku’.

Ŋwà’ne Jâŋ 9:41

Yěsô tsɔ́’ɔ mbwo pɔ́b ngie: Pi ké gwé’e ńgwɔ́ pàfʉ̀ menÿɔ́g, mbà pi tě ńdɔgɔ ńgÿo tsɔ́ nò tepòŋ wɔ́. Tá pá’ pi gɔ̌ɔn ngie: Peg ne ńgyá jʉ’ lá, menò tepòŋ mí lɔgɔ ńgwóŋo ná pi.

Megàŋ ntúm 2:23

Wɔɔn aa nyìŋ gẅie mé la ńnéŋe mbwo pi, á gwɔ́ pɔ́ pá’ e Ssé la lá’ ńkwaŋte ńzáb. Pi lêen ńké gÿo pàtezsě Ssé kime yé nà tÿǒ nkǐ, ńzẅé yé.

Megàŋ ntúm 3:13

Á gwɔ́ pɔ́ ngie e Ssé Ábalam, ńgwɔ́ Ssé Esâg, mbɔɔ yé Yakwɔ́b, ńgwɔ́ Ssé pàmangʉa njʉ’ pégè, kéen náa legú’ á mbwo ngàŋa fà’ we Yěsô. Mbà pi ka sẅíŋe yé mbwo pàsá’a lá’, ḿmoŋe yé mvfò *Pilato. Tá, mbà à la ŋag ntsaŋ ye tà ńzáb ngie mé nyé yé.

Megàŋ ntúm 4:28

Pɔ́ la táŋa yé pú’u, ńdêen ḿbú ńgÿo kɔ̀ɔkɔ́ɔ gie gù Ssé, ɔ̀ lá lá’ ńtʉ́ njÿó ńkwaŋte ńzáb ngie á ge lá’ gwɔ́ pú’u.

Roma 11:36

Kɔ̀ɔkɔ́ɔ zɔɔn fóo pɔ́ mbwo ye. Kɔ̀ɔkɔ́ɔ gwaa gwɔ́ wó yé zɔ̌ gÿo tá á gwɔ́ wó, á piŋ ńgwɔ́ pɔ́ yé. Mé gu’te yé, é mengù’u mengù’. *Amen.

Roma 13:1

Á ne ńzɛ́te ngie wɛ̌ nyìŋ wɔ́ tsetsɛ̀ɛ pi jú’ ncwò pʉ̀a pie é sá’a ngwòŋ, mélà’mie lesǎ’ ngwòŋ fóo pɔ́ mbwo Ssé. E Ssé zɔ la záb pàsá’ ngwòŋ pie ée wó.

Ŋwà’ne Jâg 1:17

Afù’ gie á poŋ tɛ’, mbɔɔ ntsɔ’ɔ́ fà’ we mbòŋo pú fóo pɔ́ tÿǒ lepwó, á mbwo Ssé gẅie à la nyɛte nèm lâ mecÿɔ́’ saŋ á lefaŋ. À tè kúbe, ńké tè nzěm gẅiin.

Ŋwà’ne Jâg 4:17

Pú’u la, nyìŋ gẅie à zsé légÿo nò gie áa mbòŋ, ḿbiŋ ńké tè gÿo, à lɔgɔ ńgÿo nò tepòŋ, ńdɔgɔ ńgwe ntsaŋ.