Ŋwà’ne Jâŋ 18:4 - Nouveau Testament en Ngienboum

⁴ Yěsô zsé nò gie á ne ńtóo ná yé, ésẅɛ’te nnɛ́ né mvfò pɔ́b ńgɔɔn ngie: Pi fa’a wɔ́?

Ŋwà’ne Jâŋ 18:4 Iomraidhean Croise

Matio 16:21

Á fó fʉ̀’ ayɛ̌, Yěsô Kristo shʉashʉa ḿbÿe mbwó *ngàŋa kwò yé ngie: Á ne ńzɛ́te ngie à gʉa Yerósalem. À ge kúu wó gyá ngɔ́’ tɛ’ mbwó mekěme lá’, pâ *metándá pànùŋe pwɔ́’, mbɔɔ *pàkyagte lepʉ̌ Mǒsê, pɔ́ gÿo mé zẅé yé. A piŋ nzime na legwé na ḿbɔ́ɔnte lyɛ̌’ tá.

Matio 26:2

Pi zsé ngie, é cʉ́’ʉ ńzága pɔ́ lyɛ̌’ sépʉ́a mé jÿó línɔ́ɔn *Páskà. Mé ge sẅiŋe *Míŋ Nyìŋ, mé kime yé ná tÿǒ nkǐ.

Matio 26:21

Pɔ́ ne ḿpfɛ́ɛ mmó, Yěsô gɔɔn ngie: Mèŋ shwóŋó gẅí, kwà’ nénʉ́, àtsɔ̌ tà’ nyìŋ tsetsɛ̀ɛ pi gee sẅiŋ mèŋ.

Matio 26:31

Pɔ́ ne ńgee, Yěsô gɔɔn né pɔ́b ngie: Á ge gÿo gwɔ́ letsẅɛ́’ lyɛ̌’ yɔɔn, pi metsèm pú ńgwá’a wɔ̀ɔn ńkÿo, á pumte pá’ mé la ŋwe’e tsɛ̀ɛ ŋwà’ne Ssé ngie: «Mèŋ n ge lá’ zẅé mbyɛ̀b mvfó, *menjʉ̀njÿò mé saa tsẅɛ».

Lukase 24:44

MÀpfɛ́ tà ḿmag, ńgɔɔn né pɔ́b ngie: Pi gyá mmó gie n kɔ̌ɔn shwóŋó gẅí, á fʉ̀’ gie pege ka nyě ńzɔ́gɔ. Mèŋ n da shwóŋó gẅi ngie á ne ńzɛ́te ngie yɛ̌ kɔ́ wɔ́ gie mé la ŋwe’e ná mèŋ wɔ́ à pumte. Menò ŋwɛ́ ntsèm ntsèm ée tsɛ̀ɛ ŋwà’ne Mǒsê, mbɔɔ tsɛ̀ɛ ye *pàntsẅì nkʉ̀ Ssé lâ ye Mezɔ́bɔ Ntse.

Ŋwà’ne Jâŋ 13:1

Á la cʉ́’ pɔ́ pá’ njÿó ge lʉ́a mé jÿó línɔ́ɔn *Páskà, Yěsô ne ńzsé ngie ayé fʉ̀’ kǔ’ pá’ à ge fó tsɛ̀ɛ yɔɔn njÿó é gʉa kẅɛ́te Tá we. Pá’ yé Yěsô lɔ̌ɔn ńkwoŋo pʉ̀a pie ée tsɛ̀ɛ njÿó ńgwɔ́ pé la, á kẅi’i ńkwoŋo wɔ́b tà ńcʉ́me.

Ŋwà’ne Jâŋ 13:11

ńgɔɔn pú’u, mélà’mie à la ne ńzsé nyìŋ gẅie à ge gÿo sẅiŋe yé tá ńgɔɔn ngie mbùm gi metsèm kaa lʉ́a.

Ŋwà’ne Jâŋ 18:5

Pɔ́ tsɔ́’ɔ mbwo yé ngie: Á Yěsô ye Nǎzarɛd. Á tsɔ́’ɔ mbwo pɔ́b ngie: Àa mèŋ. Yěsô gwɔ́ gɔɔn pá’ɔɔn, Jẅidas gẅie à ně sẅiŋe yé gwɔ́ nùɔ.

Ŋwà’ne Jâŋ 18:7

Yěsô gíŋe ńzɛ́te wɔ́b ngie: Pi fa’a wɔ́? Pɔ́ gɔɔn ngie: Á Yěsô ye Nǎzarɛd.

Ŋwà’ne Jâŋ 19:28

Mɔɔn menò la tɔ́g, Yěsô zsé fʉ̀’ɔɔn ngie akɔ́ɔkɔ́ɔ kǔ’, ńgɔɔn ngie: Agág yɔ́ɔn shÿǒ, ńgɔɔn pá’ɔɔn légwɔ́ gie mmó gie mé la ŋwe’e tsɛ̀ɛ ŋwà’ne Ssé ge pumte.

Ŋwà’ne Jâŋ 6:64

Tà mbàa pú’u, etsɔ́ pʉ̀a tsetsɛ̀ɛ pi té ne ńzẅíŋe wɔ́. Á gwaa gwɔ́, mbà Yěsô la lá’ ńzsé pʉ̀a pie é té ne ńzába ntʉ́m ná yé wɔ́, ńgíŋe ńzsé nyìŋ gẅie à ge gÿo sẅiŋe yé.

Megàŋ ntúm 2:28

Ɔ̀ ka nyɛɛ wɔ̀ɔn memánzsè mie n ge pfó mǒ tá tsẅɛ́. Mèŋ n ge tó gwɔ́ jʉ’ gie ɔ́ɔ wó, anò poŋo wɔ̀ɔn. M bú ńkág tɛ’.

1 Piɛ 4:1

Pá’ Kristo la gyá ngɔ́’ ná mbab nnɛ́ la, pi gí pi gwɔ́ twó pi, ńtyé légyá ngɔ́’ pá’ yé, ńne ńzsé ngie yé Kristo gẅie à la gyá ngɔ́’ nà mbab nnɛ́, à la maga nò nò tepòŋ.