Ŋwà’ne Jâŋ 16:3 - Nouveau Testament en Ngienboum

³ Pɔ́ ge gÿo pú’u, mélà’mie pɔ́ kaa Tá zsé, ńké tè wɔ̀ɔn zsé.

Ŋwà’ne Jâŋ 16:3 Iomraidhean Croise

Lukase 10:22

Yěsô gíŋe ńgɔɔn ngie: Tá wɔ̀ɔn léen ńnyé kɔ̀ɔkɔ́ɔ nà mbwo mɔ́ɔn. Ngwɔ́ tsɔ̌ nyìŋ le zsé múɔ wɔ́, ńdà’ Tá we zɔ zsé yé. Nyìŋ ké le Tá zsé, ńdà’ Míŋ we zɔ zsé yé, ḿbiŋ ńgÿo nyìŋ gẅie múɔ kwoŋó lényɛɛ Tá we mbwo yé.

Ŋwà’ne Jâŋ 15:21

Pɔ́ gÿo pú’u ná pi ńtí nue pi ee pʉ̀a pɔ́ɔn, pɔ́ piŋ ńké tè ne ńzsé nyìŋ gẅi à la túmo wɔ̀ɔn mɔ́.

Ŋwà’ne Jâŋ 15:23

Nyìŋ lɔɔn ḿbʉa wɔ̀ɔn, mbà à lɔgɔ ḿbʉa Tá wɔ̀ɔn.

Ŋwà’ne Jâŋ 17:25

Tá wɔ̀ɔn, ɔ́ɔ nénʉ́, tá pʉ̀a tsɛ̀ɛ njÿó ka tè gú zsé, mèŋ n kě ńne ńzsé gú, pɔɔn pʉ̀a kéen ńzsé ngie gù zɔ la túmo wɔ̀ɔn.

Ŋwà’ne Jâŋ 17:3

Legwɔ́ tèmì wéwɛ̌, á gwɔ́ pá’ pɔ́ ge zsé gú, gù gẅie ɔɔ kwà’ ndà’ Ssé ye nénʉ́ gílé gù, é gíŋe zsé nyìŋ gẅie ɔ̀ la túmo yé, á gwɔ́ Yěsô Kristo.

Ŋwà’ne Jâŋ 8:19

Pɔ́ zɛ́te yé ngie: Tá gù aa nzɔ̌? Yěsô tsɔ́’ ngie: Pi tè ne ńzsé wɔ̀ɔn mɔ́, ńgíŋe tè ne ńzsé mbàa Tá wɔ̀ɔn mɔ́. Pi ka zɔɔn ńgwɔ́ pé’e ńne zsé wɔ̀ɔn, mbà pi ka giŋé ńzsé Tá wɔ̀ɔn yé.

Ŋwà’ne Jâŋ 8:55

Ńké tè ne ńzsé yé wɔ́, mèŋ n kě ne ńzsé yé. N dɔɔn ngie mèŋ n tè ne ńzsé yé wɔ́, mbà mèŋ n ge cʉ́’ʉ ngàŋa cÿɔ nò pá’ pi. Tá’ mèŋ n né zsé yé, ḿbiŋe ne ńgiŋe nà shwóŋè yé.

Megàŋ ntúm 3:17

Mefɛ́ pɔ́ɔn, mèŋ n cwoŋo ne ńzsé mboŋó ngie pi lâ mefùɔ pí ka lɔg pɔ́ gʉ̀gʉ̀ tá ńgÿo yɔɔn ntí nò nà Yěsô.

1 Korento 2:8

Tsoon tà’ nà shúm tepòŋ sie é sá’a yɔɔn njÿó laa zsé yɛ̌ zsé nò wɔ́. Pɔ́ la gwé’e ńzsé yɛ̌ zsé nò, mbà pɔ́ la tè gÿo mé kime Ndè nà tÿǒ nkǐ, á Ndè gẅie à gẅiin legú’ wɔ́.

2 Tesalonika 1:8

À ge lá’ gwaa tó pege gyá mmɔ̌g tÿɔ́’ɔ yé ńnéŋ soŋ, à gÿo pʉ̀a pie pɔ́ la lʉ’ Nkʉ̀ Mbòŋo wé gyá ngɔ́’.

1 Timote 1:13

Tà mbɔɔ pá’ á laa tsɔ́ fʉ̀’, mèŋ shwóŋó ná yé té poŋ, ńtsɔ́’ɔ kwò pʉ̀a pé té poŋ, ńzoonte yé. E Ssé la tsɔ́ɔn mezìŋe mɔ́ɔn, mélà’mie n dɔ̌ɔn ńgÿo té zsé mmó gie mèŋ n gÿo yɛ̌, mbà mèŋ n kaa záb ntʉ́m ná yé wɔ́.

1 Jâŋ 2:23

Nyìŋ lɔɔn ńdʉ’ʉ lézẅíŋe nò Múɔ, mbà à lʉ’ʉ lézẅíŋe nò Tá wege, nyìŋ gẅie à zẅiŋé nò Mùɔ, à giŋé ńzẅíŋe ye Tá wege.

1 Jâŋ 3:1

Pi gyá pá’ Tá wege kwoŋo wégè kwoŋ tà ńtóŋo wégè lê púɔ pé, éshwóŋó nò pege gwɔ́ pɛ̌. Tá pʉ̀a njÿó té wégè zsé, á nue pɔ́ la tè zsé nyìŋ gẅie e Ssé ee yé wɔ́.

1 Jâŋ 4:8

Nyìŋ lɔɔn tè nyìŋ mesoŋ kwoŋ, mbà à nyě tè zsě Ssé, á nue e Ssé gẅiin pɔ́ nkwòŋe.

1 Jâŋ 5:20

Pege ne ńzsé ngie Míŋ Ssé la tó ńnáa wégè legyè pá’ pege ge lɔg zsé kwà’ Ssé ye nénʉ́, peg la zẅɛ́’ pɔ́ yé Yěsô Kristo tá pega Ssé ye nénʉ́ cʉ́’ ńnéŋe, mbà pega pɔ́ léen ńtemte.