Ŋwà’ne Jâŋ 16:12 - Nouveau Testament en Ngienboum

¹² Mèŋ n giŋé ńgẅiin menò mie mèŋ n ge shwóŋó gẅi tɛ’, tá’ ńgwɔ́ pi le jú’ fʉ̀’ɔɔn wɔ́.

Ŋwà’ne Jâŋ 16:12 Iomraidhean Croise

Malékuse 4:33

Wɔɔn aa pá’ Yěsô lɔ̌ɔn ńzí’i pʉ̀a mmó pú’u, ńdɔgɔ pɔ́ mesagá nò pá’ mɔɔn, tá shwóŋó nò Ssé, éshwóŋó nà ntí gie ńgwɔ́ lá’ á ku’u lé jú’.

Ŋwà’ne Jâŋ 14:30

Tà fó fʉ̀’ɔɔn pege tè gíŋe ńgee shwóŋe wɔ́. Á nue fùɔ gẅie à sá’a yɔɔn njÿó ne ńtóo. À tè gẅiin shÿó légÿo mmó ná mèŋ wɔ́.

Ŋwà’ne Jâŋ 15:15

Mèŋ n tè gíŋe ńtóŋo gẅi le pènkʉ́ wɔ́, á nue mênkʉ́ fà’ tè zsé mmó gie tá fà’ we ne ńgÿo wɔ́. Mèŋ n tóŋo gẅi le meshǔ pɔ́ɔn, mélà’mie ngwòŋo nò ntsèm gie mèŋ n ka jú’u mbwo Tá wɔ̀ɔn, mèŋ n gÿǒ pi zsé.

Ŋwà’ne Jâŋ 16:11

Pɔ́ zsé ngie Ssé ge lá’ ŋaga wɔ́b, mélà’mie fùɔ gẅie à sá’a yɔɔn njÿó kéen ńgwe ntsaŋ.

Ŋwà’ne Jâŋ 16:13

À zẅìge Ndʉalʉ̌a ge gÿo tó, é gÿo pi zsé nò nénʉ́ ntsèm, á nue yé zɔ la’te nò nénʉ́, à tè gÿo gɔɔn pɔ́ yé nò wɔ́. À ge gÿo gɔɔn pɔ́ nò gie à jǔ’, é piŋ shwóŋó gẅi menò mie é ne ńtóo.

Megàŋ ntúm 1:3

À la gyá ngɔ́’ tà ńkwé, ńgÿo ńzíme nà legwé. Ńdɔg mentí tà ńgyɔ́ɔn, ńnyɛ mbùm ye mbwo pɔ́b pɔɔn, ngie aa ntentʉ́, tà ńgwaa ńgwɔ́ pɔ́ le gíŋe ḿmʉ́’te wɔ́, ńkẅɛɛ mvfò pɔ́b kẅɛ nà melyɛ̌’ móm lekùɔ, ńně shwóŋó wɔ́b nò nà nò *lefùɔ Ssé.