Ŋwà’ne Jâŋ 15:6 - Nouveau Testament en Ngienboum

⁶ Nyìŋ lɔɔn tè la nnɛ́ ná mèŋ wɔ́, á gwɔ́ pá’ pwó tÿǒ gẅie mé *kɔ̌’, ḿma’a nzèm nká’ á júm. Mé gÿo ḿbí ńtuɔ mmɔ̌g.

Ŋwà’ne Jâŋ 15:6 Iomraidhean Croise

Matio 13:41

*Míŋ Nyìŋ ge lá’ túm mecÿɔ́’ pé, pɔ́ fó nùɔ pʉ̀a pé ńkẅile ngàŋ nkwà’te mbɔɔ pʉ̀a tepòŋ,

Matio 27:5

Jẅidas ma’ nkáb á *jʉ’ʉ Ssé, éfó jʉ’ó ńgʉa, ńdeen ńké ńgʉa ńcʉŋe.

Matio 3:10

Mé ně ńzɔɔn ndá’ ńkaa ńzɔɔn lélɔg ńkɔ́’ɔ yɛ̌ yɛ̌ tÿǒ wɔ́ gie á té zém ntɔ̌ɔn mbòŋo wɔ́, éfó ssé kɔ́’ɔ yé, e ké ma’ pɔ́ mmɔ̌g

Matio 7:19

Àtÿǒ gie á té zém ntɔ̌ɔn mbòŋo wɔ́, mé kɔ́’ ńtuɔ mmɔ̌g.

Ŋwà’ne Jâŋ 15:2

Á gyá pwó tÿǒ gie à té ne ńzéme wɔ́, ńkɔ́’, ńtóo ná gie à ne ńzéme mentɔ̌ɔn, ńnyɛte ńkwɔ́gɔ wé wɛ̌, á cwoŋo ńzém mentɔ̌ɔn mboŋó.

Heber 10:27

Pege cʉ̌’ ńgẅiin pɔ́ légwɔ zẅí’te mmó gie á ne ńtóo, ńgíŋe ne ḿvɛɛ, yɛ̌ mmó wɔ́ ngie mé ge gÿo ŋag pʉ̀a mesoŋ mbɔɔ ngie, nkʉ̀’ʉ pà mmɔ̌g e ge gÿo tuɔ pàtʉʉ twó mbwo Ssé.

2 Piɛ 2:20

E pʉ̀a lɔɔn ńzɔɔn ńdɔg pá’ pɔ́ zsé Cʉ̀apʉ̀a Yěsô Kristo gẅie à gÿo pege tsẅɛ́ɛ, éfó nà ncÿǒ gẅie ée tsɛ̀ɛ njÿó ńkẅɛ, ńgÿo ńgíŋ ḿbiŋe tsoló, ńzẅíŋ sɛ̌ shúm pú ńjÿó wɔ́b, mbà pɔ́ ge pÿɔ́g tà cʉa pá’ pɔ́ ka zɔɔn ńgwɔ́.

1 Jâŋ 2:19

Megàŋ mbù fǒ pɔ́ tsɛ̀ɛ cú’tè yégè ńkẅɛ ńgʉa. Pɔ́ ka zɔ̌ɔn tè pʉ̀a pégè wɔ́. Pɔ́ kaa pé’è ńgwɔ́ pʉ̀a pege, mbà pɔ́ ka zso tsetsɛ̀ɛ pege. Tá’, á ka kě ḿboŋ ngie à kẅɛ pɔ́ pú’u, ná pɔ́b, áwɔ̌wɔ́ɔ gyá ngie pɔ́ ka tè pʉ̀a pege wɔ́,

Ŋwà’ne Ngyà jʉ’ 20:15

Wɔ̌wɔ́ɔ gẅie mé la tè gyá lezíŋ sé tsɛ̀ɛ ŋwà’ne gie mezíŋ pʉ̀a pie pɔ́ gẅiin le gwɔ́ tèmì ée tsoló wɔ́, mé ma’a yé tsɛ̀ɛ lepÿé mmɔ̌g.

Ŋwà’ne Ngyà jʉ’ 21:8

Tá ńké ńgʉa nà metsóon, mbɔɔ ná pàzẅíŋ ḿbiŋ ńdʉ’, mbɔɔ ná pàgÿo menò ncÿǒ, mbɔɔ ná pàzẅéte pʉ̀a, mbɔɔ ná pàgÿo menò mpfwɔ́’, mbɔɔ ná pàgẅiin mekàŋ, mbɔɔ ná pàgu’te shúm ngie ee messé, ńgÿo megàŋa cÿɔ̌ nò metsèm, mbà yɔ́b mmó gie mé ge gÿo lɔg tsɔ́’ɔ fà’ yɔ́b áa pá’ mé ge gÿo ma’a wɔ́b á tsɛ̀ɛ lepÿé mmɔ̌g *mekʉ̀a, á lɔgɔ ńgwɔ́ lekwé ńgʉa mbʉ́a.