Ŋwà’ne Jâŋ 15:4 - Nouveau Testament en Ngienboum

⁴ Pi temté ná mèŋ, pá’ mèŋ n temté yɔ́ɔn ná pi! Apwó tÿǒ lɔɔn tè temte nà letsiŋé tÿó wɔ́, mbà à té ku’u lézém mentɔ̌ɔn wɔ́. Áa ndʉŋ ndʉŋ pá’ pi lɔɔn tè temte ná mèŋ wɔ́, pi le ku’u légÿo tsɔ́ mmó tà á poŋ wɔ́.

Ŋwà’ne Jâŋ 15:4 Iomraidhean Croise

Matio 12:33

Yěsô gíŋe ngie: Àtÿǒ lɔɔn ńgwɔ́ tÿǒ mbòŋo, mbà á ge zém pɔ́ ntɔ̌ɔn mbòŋo. Àtÿǒ ké ńgwɔ́ yé tepòŋ, mbà á ge zém pɔ́ ntɔ̌ɔn tepòŋ. Mé zɔ́ɔn ńzsé yɛ̌ tÿǒ wɔ́ pɔ́ nà mentɔ̌ɔn mé.

Lukase 8:15

Mbyè mmó gie e gwě nà tsetsá’a mbòŋo lɔgɔ ńgwɔ́ pʉ̀a pie pɔ́ jú’u shwóŋè Ssé, ńzẅíŋ lê ntʉ́m mbòŋo, ńgÿo pá’ á ne ńzɛ́te, ḿbiŋ ne ńkaga tʉ̀ lékú’te fʉ̀’ ntsèm, ḿbiŋe ne ńzéme ntɔ̌ɔn.

Ŋwà’ne Jâŋ 14:20

À gwɔ́ lyɛ̌’ó, pi zsé ngie peg Tá wɔ̀ɔn pǔ ńgwɔ́ pɔ́ tà’a mmó, é gíŋe zsé ngie pi ee nê mèŋ, mèŋ n gwɔ́ ntʉ́m pi.

Ŋwà’ne Jâŋ 17:23

Mèŋ n gwɔ́ nê pɔ́b, ɔ̀ gwɔ́ nê mèŋ. Pɔ́ gẅiin tà’ ncwò. Pà tsɛ̀ɛ njÿó lêen ńké ńzsé ngie ɔ̀ la túmo wɔ̀ɔn, ńgíŋe ńzsé ngie ɔ̀ kwoŋ pʉ̀a pɔɔn pá’ ɔ̀ kwoŋo wɔ̀ɔn.

Ŋwà’ne Jâŋ 6:56

Nyìŋ pfɛ́ mbab nnɛ́ yɔ̀ɔn, ńnú metse mɔ́ɔn, mbà à temté ná mèŋ, mèŋ n temte ná yé.

Ŋwà’ne Jâŋ 8:31

Yěsô gɔɔn mbwo pà Yuda pie pɔ́ zǎb ntʉ́m ná yé ngie: Pi lɔɔn ńkú’te shwóŋè yɔ́ɔn, mbà pi ge gwɔ́ kwà’ *ngàŋa kwò yɔ́ɔn.

Megàŋ ntúm 11:23

Á gʉa tà ńkúu wó, ńgyá yé pá’ Ssé ne ńdíe pʉ̀a pie pɔ́ zǎb ntʉ́m ná yé pú’u, ànò poŋo yé tɛ’. Á kẅiŋte wɔ́b métsèm, ngie pɔ́ ké ńzsé pɔ́ ndà’ Cʉ̀apʉ̀a, ḿbiŋ ńcʉŋe pɔ́ ná yé.

Megàŋ ntúm 14:22

ńgiŋe ńtóonte ntʉ́m pʉ̀a Kristo ngie tà pɔ́ kʉ́a ná lézáb ntʉ́m nà Yěsô, ńne ńgɔɔn né pɔ́b ngie: Á ne ńzɛ́te ngie pâ pɔ̌ cʉa tsɛ̀ɛ ngʉ̀ngʉ̀ tà ńgyɔ́ɔn tá ńkúu tsɛ̀ɛ *lefùɔ Ssé.

2 Korento 13:5

Pi lê twó gí pi líe mbùm gí ńgyá. Kà pi ne ńgiŋe ndʉŋ ndʉŋ ná nò Kristo gie pi la zẅíŋ wɔ́. Pi nyɛte ńtsa’. Pi tè ne ńgyá ngie Kristo aa tsɛ̀ɛ ntʉ́m pi wɔ́ ka? Á gwé’e pé’è á té pú’u wɔ́, mbà á lɔgɔ ńgwɔ́ ngie pi tè pʉ̀a Kristo wɔ́.

Galatia 2:20

Mèŋ n zɔ tè pá’ɔɔn ńgíŋe sá’a twó mbùm yɔ́ɔn mɔ́, Kristo zɔ cʉ̌’ ńgwɔ́ soŋ nnɛ́ mèŋ ésá’a wɔ̀ɔn. N dɔɔn ńgÿo pɔ́ kɔ́ wɔ́, mbà á gwɔ́ pɔ́ ngie m bǔ ńzáb ntʉ́m wɔ̀ɔn ná Míŋ Ssé. Àa nyìŋ gẅie à la kwoŋo wɔ̀ɔn kwoŋ tà ńkwé nà twó yɔ́ɔn.

Efeso 3:17

Mèŋ n giŋé ne sẅíŋte yé ngie à gÿo pi ké ne ńzába ntʉ́m pɔ́ ná Yěsô Kristo. Kristo lɔg pú’u, ńké ne ńnéŋe ńgwɔ́ pɔ́ tsɛ̀ɛ ntʉ́m gẅí. N giŋé ne sẅíŋte ngie à gÿo pi kwoŋ Ssé, ḿbiŋ ńgẅiin nkwòŋe tsetsɛ̀ɛ pi, à cʉa pú’u, pi tyé ńtʉ pá’ tÿǒ gie menŋàŋ mé kúu ssé, mbɔɔ pá’ ndá gie à cÿǒ á kúu ssé.

Filipo 1:11

Yěsô ge gÿo pi ké ne fa’a pɔ́ mefà’ mbòŋo, ńzsé ngie pʉ̀a ge ne gyá, é gu’te Ssé, é gé’e lezíŋ sé.

Kolosia 1:23

Tá’, á ké ne ńzɛ́te ngie pi záb ntʉ́m ná yé Yěsô ńzsé ngie pi ge tyé té zóŋe, nkwaŋá gẅi e ké ńtyé pɔ́ nà mmó gie pi ne ńzẅí’te mbwo Ssé, mbà pi la jú’u yɛ̌ mmó á fʉ̀’ gie mé la ne ńtsẅii nkʉ̀ mbòŋo mbwo pi, é gwɔ́ pɔ́ wɛ̌ gẅie mé tsẅii mbwo nyìŋ mesoŋ ntsèm. Mèŋ Pɔl à yɔ́ɔn fà’ kéen ńcʉ́’ʉ létsẅi wɛ̌ nkʉ̀.

Kolosia 1:27

Á nue e Ssé ka gyǎ ngie à ge gÿo pʉ̀a pé zsé mmó gie á la zɔɔn ńdyeen menÿɔ́g pʉ̀a lyeen, ńgwɔ́ gie à la ka’a légÿo ná metúmo metúm, yɛ̌ mmó gẅiin fù’, ḿbiŋ ḿboŋ tɛ’. Yɛ̌ ntsem gwɔ́ ngie pi zsé ngie Kristo aa tsɛ̀ɛ ntʉ́m gẅí, ńne ńgÿo pi zẅí’te fʉ̀’ gie pi ge lá’ kúu tsɛ̀ɛ legú’ Ssé.

Kolosia 2:6

Pá’ pi ka kě ńzẅíŋ ngie Yěsô Kristo aa Cʉ̀apʉ̀a gẅi la, á ne ńzɛ́te ngie gẅi leńnéŋe gwɔ́ pá’ à ne ńkwoŋo.

1 Tesalonika 3:5

Áa mmó gie á ka gÿo tá mèŋ n te gíŋe ńku’u lézẅí’te wɔ́, éfó ńtúmo Timoté, ńgie à gʉa ńgyá pá’ gẅi lézáb ntʉ́m nà Ssé ka cʉ̌’ ńgwɔ́ pú’u, ńgwɔ túmo yé, ńne ḿbɔ́gɔ ngie Sátà ka cʉ̌’ ńkwa’te gẅi tà fà’ gie peg la fa’ cʉa sẅɛ̀ɛ.

Heber 10:39

Tá á ké ńgʉa ná pege, mbà pege tè ntí pʉ̀a pie pɔ́ piŋe nzèm, ńkúu pyé wɔ́. Pege ee pá’ɔɔn ńzába ntʉ́m nà Ssé, à cʉa pú’u, à gÿo ńgÿo pege tsẅɛ́.

1 Jâŋ 2:6

Nyìŋ lɔɔn ńgɔɔn ngie: Peg Ssé léen ńtemte, á zɛ́te ngie ngÿǒ menò mé gwɔ́ pá’ me Yěsô Kristo laa pú’u.

2 Jâŋ 1:9

Nyìŋ lɔɔn tè kú’te pɔ́ ndà’ nò gie Kristo la zí’i wégè wɔ́, ńgʉa mǒ ńkẅi’i tsɔ́ mmó, mbà ngàŋ pɔ́ Ssé té temte. Nyìŋ gẅie à kú’te nò gie Kristo la zí’i wégè pɔ́ Tá temte, mbɔɔ pɔ́ múɔ gíŋe ńtemte.