Ŋwà’ne Jâŋ 15:2 - Nouveau Testament en Ngienboum

² Á gyá pwó tÿǒ gie à té ne ńzéme wɔ́, ńkɔ́’, ńtóo ná gie à ne ńzéme mentɔ̌ɔn, ńnyɛte ńkwɔ́gɔ wé wɛ̌, á cwoŋo ńzém mentɔ̌ɔn mboŋó.

Ŋwà’ne Jâŋ 15:2 Iomraidhean Croise

Matio 13:12

Nyìŋ lɔɔn ńgẅiin mmó, mbà mé ge kẅi’i tsɔ́ né yé à lɔg ńgẅiin tà á gyɔ́ɔn. Tá ńké ńgʉ́a ná nyìŋ gẅie à tè mmó gẅiin, mbà mé ge kẅé méjʉ’ gẅie à zɔɔn ńgẅiin

Matio 13:33

Yěsô gíŋe ńgɔɔn yɔɔn sagá nò ngie: Ànò *lefùɔ Ssé gwɔ́ pɔ́ pá’ méjʉ’ʉ *mvòŋ gẅie manzwě lɔg ḿvoŋo faline gie à fʉ̌’ ngʉ̀a sétá ńtsab, ḿbú ḿbú’ pú’ tà méjʉ’ʉ *mvòŋ ŋwɛ́ gÿo, faline ye ntsab ŋwɛ́ pú ńkwɔ́’.

Matio 15:13

Yěsô tsɔ́’ɔ mbwó pɔ́b ngie: Mé ge gÿo pú tsɔ́’ɔ kɔ́ɔkɔ́ gie Tá wɔ̀ɔn mie aa tÿǒ lepwó zɔ la tè pye.

Matio 21:19

Á gyá tÿǒ mbÿě ngem ngʉ̀ŋe mánzsè, ńgʉa tsìŋe wó, ńgyá pɔ́ ndà’ meffo mǒ, ńgɔɔn né tÿǒ ayɛ̌ ngie: Ɔ̀ tě ńdá’a ńgíŋe ńzéme ntɔ̌ɔn wɔ́! Àtÿǒ ayɛ̌ gwóon ńjúm.

Matio 25:29

mélà’mie nyìŋ lɔɔn ńkag tʉ̀ tá ńgẅiin mmó, mbà mé ge kẅi’i, à gẅiin à gyɔ́ɔn, tá nyìŋ ké tè kag tʉ̀ wɔ́, mbà mé ge fó mbwó yé kẅé mbàa mejʉ’ gẅie à gẅiin.

Matio 3:10

Mé ně ńzɔɔn ndá’ ńkaa ńzɔɔn lélɔg ńkɔ́’ɔ yɛ̌ yɛ̌ tÿǒ wɔ́ gie á té zém ntɔ̌ɔn mbòŋo wɔ́, éfó ssé kɔ́’ɔ yé, e ké ma’ pɔ́ mmɔ̌g

Matio 3:12

À ge tó tyɛ́te shúm sie mé lagá nká’. E néŋ sé mbòŋo tsɛ̀ɛ nkìŋ. E cʉ́’ kʉ̀ŋe, à pÿɛɛ tsɛ̀ɛ mmɔ̌g gẅie é té ńdá’a ḿbyé wɔ́.

Matio 7:19

Àtÿǒ gie á té zém ntɔ̌ɔn mbòŋo wɔ́, mé kɔ́’ ńtuɔ mmɔ̌g.

Malékuse 4:20

Mbyè mmó gie e gwě nà tsetsá’a mbòŋo, lɔgɔ ńgwɔ́ pʉ̀a pie pɔ́ jú’u shwóŋè Ssé, ńzẅíŋ, ḿbiŋ ńně ńgÿo pá’ nò Ssé ne ńzɛ́te, ńdɔgɔ ńgee mvfò, pɔ́ lɔgɔ ńgwɔ́ pá’ mbyè mmó gie tsɔ̌ mvòm gwɔ̌ sá’ tó ńná memvòm móm ntá, yetsɔ̌ ná móm ntɔgɔ́, yetsɔ̌ ná nkÿo.

Lukase 8:13

Ajʉ’ ye metóon é gwɔ́ pʉ̀a pie pɔ́ jú’u shwóŋè Ssé, ésẅɛte ńzẅíŋ nê lekág tá á té lyɛ menŋaŋ wɔ́, ńgwɔ́ pʉ̀a lyɛ̌’ɛ lá’, ngɔ́’ gwɔ́ tà ńtó, pɔ́ gwóon ńgwá’.

Ŋwà’ne Jâŋ 15:1

Yěsô gíŋe ńgɔɔn ngie mèŋ n gee kwà’ letsiŋé tÿó. Tá wɔ̀ɔn gwɔ́ nyìŋ gẅie à fa’a mǒ.

Ŋwà’ne Jâŋ 15:16

Pi zɔ la tè tsɔ́’ɔ wɔ̀ɔn mɔ́, mèŋ n zɔ la tsɔ́’ɔ gẅí, ńtúmo gẅi ngie pi gʉa fa’a fà’ yɔ́ɔn. Ammó gie pi gÿǒ lá’a ńgwɔ́ pɔ́ wó, á le cʉa sẅɛɛ wɔ́. À cʉa pú’u, ńgwɔ́ gie pi lɔɔn ńdɔg lezíŋ sɔ́ɔn ńdúɔ pɔ́ kɔ́ mbwo Tá wɔ́, mbà à ge náa mbwo pi.

Ŋwà’ne Jâŋ 15:3

Ammó gie mèŋ n ka zí’i gẅi kéen ńdá’ ńgÿo pi gwɔ́ mbòŋ.

Ŋwà’ne Jâŋ 15:6

Nyìŋ lɔɔn tè la nnɛ́ ná mèŋ wɔ́, á gwɔ́ pá’ pwó tÿǒ gẅie mé *kɔ̌’, ḿma’a nzèm nká’ á júm. Mé gÿo ḿbí ńtuɔ mmɔ̌g.

Ŋwà’ne Jâŋ 15:8

Ammó gie á lɔɔn ńgwɔ́ á gÿo mé gu’te Tá wɔ̀ɔn, aa pá’ à lɔɔn ńgwɔ́ pi gÿo shúm mbòŋo tɛ’, ḿbiŋ ńgwɔ́ *ngàŋa kwò yɔ́ɔn.

Ŋwà’ne Jâŋ 17:12

Á kaa fʉ̀’ gie peg lâ pɔ́ ka gwɔ̌, mèŋ n ne ńdɔgɔ metʉ̀ mú, é metʉ̀ mie ɔ̀ la náa mbwo mèŋ la, ḿbyɛ́bɛ wɔ́b. N ka tÿɔ́’te wɔ́b tà tsɔ̌ tà’ nyìŋ ná pɔ́b tè pyé. Nyìŋ gẅie á la ne ńzɛ́te ngie à pyé zɔ ká pyě. Á lɔgɔ ḿbumte nà nò gie mé la ŋwe’e tsɛ̀ɛ ŋwà’ne Ssé.

Roma 11:17

Alá’a pà Israel áa pá’ tÿǒ mèvɛ olive nyìŋ, mbà ngàŋ ka kɔ́’ tsɔ́ mbwó mǒ ńgwá’. Gù gẅie ɔ̀ tè nyìŋ Yuda wɔ́, ɔ̀ gwɔ́ pá’ pwó tÿǒ mèvɛ olive gie á gwɔ́ pɔ́ mbím, mbà mé ka lɔgɔ gú ńtó ńdaa nùɔ mbwó mie é ka nyě ńgwɔ́ nà tÿǒ ŋwɛ́. Ɔ̀ɔ nà fʉ̀’ɔɔn ńne ńzẅɛ́’ɛ metse tÿǒ mie é ne fóo ná menŋàŋ ńkúu ná pia pɔ̌ métsèm.

Roma 11:22

Zsé ngie e Ssé lɔɔn ńgwɔ́ gie e gẅiin pòŋo ntʉ́m, mbà e giŋé ńcÿɔ́g. E la cÿɔ́g pʉ̀a pie pɔ́ la gwe ssé. E piŋ ne ńgẅiin pòŋo ntʉ́m ná gù. Tá’ á ne ńzɛ́te ngie ɔ̀ ké ne ńkẅi’i ńgÿo pɔ́ mmó gie á poŋo yé, tà á té pú’u wɔ́, mbà e ge zá’a gú jú gwá’ pá’ pwó tÿǒ la.

Roma 8:28

Pege giŋé ne ńzsé ngie menò mie é gÿo pʉ̀a pie pɔ́ ne ńkwoŋo Ssé, e Ssé gÿo mɛ̌ menò gÿo pɔ́ nò mbòŋo ná pɔ́b, á wɔ́b gẅie à la tsɔ́’ɔ nà ntí gie à la tʉ́ njÿó ńkwaŋ.

1 Korento 13:1

N dɔɔn ńzsé léshwóŋó meshwóŋè mie mé shwóŋó tsɛ̀ɛ mengwòŋ ntsèm tà mbɔɔ mie *mecÿɔ́’ Ssé shwóŋó, tá ḿbiŋ tè kwoŋo nyìŋ mesoŋ wɔ́, mbà mèŋ m bege pɔ́ jʉ’ pá’ mmó tʉ̌ gie mé pǔ’, mbɔɔ pá’ kẅì’ fùɔ gẅie à zẅɛ zẅɛ.

Titus 2:14

Kwà’ yé à la náa twó yé ńtí wégè, lélɔg cu’u wégè mbwo menò tepòŋ mégè ntsèm. À la nyɛ́te wégè, pege cʉ́’ pʉ̀a pé, ńgwɔ́ pà tè *lɔ̌’, ńcʉ́’ ńnéŋe twó ńgÿo pɔ́ shúm sie ée mbòŋ.

Heber 12:15

Pi pɔ́ɔn pá’ à lɔɔn ńgwɔ́ nyìŋ tém nzèm Ssé gẅie à ne ńdɔgɔ lékwoŋo wégè ńcÿó gʉm yégè, ḿbɔ́ɔn nyìŋ gẅi lésele, tà ngÿǒ menò mé cʉ́’ lelaŋ tepòŋ, mbà à ge nɔ́g petsɔ́ pʉ̀a tsɛ̀ɛ cú’tè gí, pʉ̀a tà ńgyɔ́ɔn gÿo pá’ ye.

1 Jâŋ 2:19

Megàŋ mbù fǒ pɔ́ tsɛ̀ɛ cú’tè yégè ńkẅɛ ńgʉa. Pɔ́ ka zɔ̌ɔn tè pʉ̀a pégè wɔ́. Pɔ́ kaa pé’è ńgwɔ́ pʉ̀a pege, mbà pɔ́ ka zso tsetsɛ̀ɛ pege. Tá’, á ka kě ḿboŋ ngie à kẅɛ pɔ́ pú’u, ná pɔ́b, áwɔ̌wɔ́ɔ gyá ngie pɔ́ ka tè pʉ̀a pege wɔ́,

Ŋwà’ne Ngyà jʉ’ 3:19

Mèŋ n gʉa ná pʉ̀a pie mèŋ n kwoŋo wɔ́b, ńkaga wɔ́b métsèm, ńcúa mbɔɔ cǔa. Pú’u la, pi zeŋe nnɛ́ éfa’a fà’, ḿbiŋ ńkúbe mà gẅi.