Ŋwà’ne Jâŋ 15:11 - Nouveau Testament en Ngienboum

¹¹ Mèŋ n gɔɔn yɔɔn nò mbwo pi légwɔ́ gie lekág gẅie aa tsɛ̀ɛ ntʉ́m mèŋ ge gíŋe gwɔ́ tsɛ̀ɛ ntʉ́m gẅí, pi gẅiin kwà’ lekág.

Ŋwà’ne Jâŋ 15:11 Iomraidhean Croise

Lukase 15:23

Pi fa’a mûɔ fòŋ gẅie à fǎŋ tɛ’ la, ńzẅé pege pfɛ́, ńkág,

Lukase 15:32

Tá’, á kɔ’ɔ́ ḿboŋ ngie pege kág kwà’ mboŋó, mélà’mie afɛ̌ gù wɔɔn à ka kwě, à zimé nà legwé, à kà pyě, mèŋ n gǐŋ ńgyá yé.

Lukase 15:5

À ge fa’ tà gyá, é pú kág, é kaa zába mekẅí yé,

Lukase 15:9

À ge gyá, é tóŋ mesǒ pé mbɔɔ ngàŋ nkwɔ’ɔ́ mbʉ̀a, é gɔɔn né pɔ́b ngie: Pi tó pege kág ńtí pá’ n gyǎ pàga nkáb yɔ́ɔn gie á ka pyě.

Ŋwà’ne Jâŋ 16:24

Tà ńkú fʉ̀’ɔɔn, pi laa zɔɔn ńdɔg lezíŋ sɔ́ɔn ńdúɔ tsɔ́ mmó mbwo Ssé wɔ́. Pi lúɔ à ná né pi, lekág nyɛte ńdúe tsɛ̀ɛ ntʉ́m gẅí.

Ŋwà’ne Jâŋ 16:33

Mèŋ n tʉ́ njÿó shwóŋó gẅi mɔɔn menò légwɔ́ gie pi ge la nnɛ́ ná mèŋ, mbʉ́lè gwɔ́ ntʉ́m pi. Pi ge gÿo gyá ngɔ́’ tsɛ̀ɛ njÿó, tá’ tà pi cÿɔ’. N kéen ńcʉa njÿó.

Ŋwà’ne Jâŋ 17:13

Áa nà fʉ̀’ɔɔn mèŋ n ne ńtóo né lejʉ́ŋ gù. Tá’ n kě ńtyé tsɛ̀ɛ njÿó ńgɔɔn yɔɔn shwóŋè légwɔ́ gie pɔ́ ge gẅiin wɔɔn lekág ntʉ́m pɔ́b, á kwà’ lekág.

Ŋwà’ne Jâŋ 3:29

Nyìŋ gẅie à zɔ́’ɔ manzwě zɔ aa ndǔm manzwě. Ashǔ ndǔm tyé lejʉ́ŋ ndǔm, á gɔɔn nò, á jú’ ngyè ye, anò poŋo yé tɛ’. Mèŋ n ne ńkága yɔ́ɔn pɔ́ pú’u, ḿbiŋe ńkága tà ḿmaga ntʉ́m wɔ̀ɔn.

Roma 15:13

Pú’u, mèŋ n ne ńtsɔ́ɔn ngie e Ssé gẅie yé zɔ gÿo tá mé ńnéŋe ne ńzẅí’te mmó, à cʉa ná pá’ pi záb ntʉ́m ná yé, ńgÿo lekág pɔ́ sẅéte à pú ńjÿó ntʉ́m gẅí, ńzsé ngie Zẅìge Ndʉalʉ̌a ge lɔg metʉ̀ mé é gÿo pi gwɔ́ kwà’ pà ńnéŋe ńzẅí’te mmó gie Ssé la ká’.

2 Korento 1:24

Peg ne ńzsé ngie gẅi lézáb ntʉ́m ná Yěsô Kristo à tʉte, peg tě fa’a létó sẅɛ́ɛ gẅí, ńzáb pá’ pi ge gÿo wɔ́. Peg tsɔ́ɔn pɔ́ létó ńkẅéte gẅi pi mege ńjú’ mboŋó.

Efeso 5:18

Tà pi nú melù’ tà é jÿó gẅí. Legÿo pú’u, aa lecʉmé ná mánzsè tepòŋ. À Zẅìge ndʉalʉ̌a zɔ pu njÿó gẅí.

Filipo 1:25

Mèŋ n ne ńnyɛte ńzsé pú’u. Pege ge gíŋe ńnéŋe mèŋ n ne ńkẅéte gẅi métsèm lécwoŋo ńzẅíŋe nò Yěsô, ńgẅiin lekág.

1 Tesalonika 5:16

Pi ne ńkága kǎg fʉ̀’ ntsèm.

1 Piɛ 1:8

Pi laa Yěsô gyá, tá’ ńké ńne ńkwoŋo yé. Pi ne ńzába ntʉ́m ná ye, tá mbɔɔ pá’ pi nyě tè gwǒon ńgyá yé. Máamáa lekág gwɔ́ ntʉ́m pi tà à lɔɔn ńgwɔ́ pi le zsé léshwóŋó nyìŋ wɔ́.

1 Jâŋ 1:4

Peg ŋwe’e yɔɔn nò ńnáa mbwo pi, légwɔ́ gie tsɔ́ mmó té ge zága nà weg lekág wɔ́.

2 Jâŋ 1:12

Mèŋ n kě ńgẅiin menò tà é gyɔ́ɔn gyɔ̌ɔn mie ńgwɔ́ mèŋ shwóŋó gẅí, tá mèŋ n gyǎ ngie mèŋ n tè ŋwe’e ŋwe’e wɔ́, á nue mèŋ n ne ńkwaa létóo lá’ pi, anò kẅɛɛ ncwò mèŋ ńkúu ncwò pi, ńzsé ngie lekág wege aa pú cʉ́me.