Ŋwà’ne Jâŋ 15:10 - Nouveau Testament en Ngienboum

¹⁰ Pi lɔɔn ńkú’te mbʉ̌ mɔ́ɔn, mbà mèŋ n ge ne kwoŋo gẅi kwoŋ. Ndʉŋ ndʉŋ pá’ mèŋ n da kú’te mbʉ̌ Tá wɔ̀ɔn á piŋ ne ńkwoŋo wɔ̀ɔn kwoŋ.

Ŋwà’ne Jâŋ 15:10 Iomraidhean Croise

Ŋwà’ne Jâŋ 10:18

Atsɔ̌ nyìŋ zɔɔn tè ku’u lézẅé wɔ̀ɔn mɔ́, mèŋ n zɔ kwoŋo náa twó yɔ́ɔn. Mèŋ n ku’u léná, ḿbiŋ ńgíŋ ńkẅé. Áa mmó gie tá wɔ̀ɔn la tsẅi ngie mèŋ n gÿo.

Ŋwà’ne Jâŋ 12:49

Á nue n da tè gɔɔn pɔ́ nò gie á fóo né mèŋ wɔ́, n da gɔɔn pɔ́ nò gie Tá wɔ̀ɔn mie à la túmo wɔ̀ɔn la tsẅi ngie mèŋ n gɔɔn, mbɔɔ nò gie mèŋ n ge gɔɔn nò mǒ.

Ŋwà’ne Jâŋ 14:15

Pi lɔɔn ńkwoŋo wɔ̀ɔn, mbà pi ge gÿo kú’te mbʉ̌ mɔ́ɔn.

Ŋwà’ne Jâŋ 14:21

Nyìŋ lɔɔn ńkú’te mbʉ̌ mɔ́ɔn, ńne ńgíŋe mǒ, mbà ngàŋ aa nyìŋ gẅie à ne ńkwoŋo wɔ̀ɔn. Tá wɔ̀ɔn ge kwoŋo nyìŋ gẅie à kwoŋo wɔ̀ɔn, mbɔɔ mèŋ yɔ́ɔn n gíŋe ńkwoŋo wɛ̌ nyìŋ, ńgÿo à zsé wɔ̀ɔn.

Ŋwà’ne Jâŋ 14:23

Yěsô tsɔ́’ɔ mbwo yé ngie: Nyìŋ lɔɔn ńkwoŋo wɔ̀ɔn, mbà à ge kú’te shwóŋè yɔ́ɔn. Tá wɔ̀ɔn piŋ ńkwoŋo yé, peg Tá wɔ̀ɔn tó ńtsɛ́ɛ yé, ńcʉ́’ʉ ńnéŋe pɔ́ tsɛ̀ɛ ntʉ́m ye.

Ŋwà’ne Jâŋ 14:31

Tá mé zẅǐŋ ngie à tó pú’u, epʉ̀a mesoŋ tsɛ̀ɛ njÿó lêen ńke ńzsé ngie mèŋ kwoŋo Tá wɔ̀ɔn, n ne ńgÿo pɔ́ mmó gie à tsẅǐ ngie mèŋ n gÿo. Pi lu ssé pege fó jʉ’ɔɔn ńgʉa.

Ŋwà’ne Jâŋ 17:4

N ka gÿo mé gyá legú’ gù ndùmo ssé tsetsá’. Mèŋ m magá fà’ gie ɔ̀ ka náa mbwo mèŋ.

Ŋwà’ne Jâŋ 4:34

Yěsô gɔɔn mbwo pɔ́b ngie: Ayɔ́ɔn mmó léjÿó gwɔ́ pɔ́ légÿo mmó gie nyìŋ gẅie à ka túmo wɔ̀ɔn à ne ńkwoŋo, mbɔɔ lémege fà’ gie à ka nǎ né mèŋ.

Ŋwà’ne Jâŋ 8:29

Nyìŋ gẅie à la túmo wɔ̀ɔn, peg yé zɔ gwɔ̌, à kaa nyé wɔ̀ɔn gílé mèŋ wɔ́, mélà’mie mèŋ n gee fʉ̀’ʉ kɔ́ wɔ́, ńgÿo pɔ́ mmó gie á poŋo yé.

Ŋwà’ne Jâŋ 8:55

Ńké tè ne ńzsé yé wɔ́, mèŋ n kě ne ńzsé yé. N dɔɔn ngie mèŋ n tè ne ńzsé yé wɔ́, mbà mèŋ n ge cʉ́’ʉ ngàŋa cÿɔ nò pá’ pi. Tá’ mèŋ n né zsé yé, ḿbiŋe ne ńgiŋe nà shwóŋè yé.

1 Korento 7:19

Legwɔ́ gie mé la pú’u nyìŋ kà mé la tè yé pú’ wɔ́ tè tsɔ́ nò mvfò Ssé wɔ́. Leku’té mbʉ̌ Ssé zɔɔ nò.

1 Tesalonika 4:1

Mefɛ́ mefɛ́, anò gie peg ge lɔg cʉ́me á gwɔ́ pɔ́ ngie peg ka shwóŋó gẅi ntí gie à lɔɔn ńgwɔ́ pi lɔg ńnéŋe pú’u, anò gí poŋ Ssé. Á ge gǎ wɔ́ pi ne ńnéŋe pɔ́ pú’u. Tá’ peg giŋé ne sẅíŋte gẅí, tà ḿbú’u pɔ́ mbwo nà lezíŋ Cʉ̀apʉ̀a Yěsô ngie, pi gÿo pɔ́ pú’u, ńdɔg ńgee mvfò.

Heber 7:26

À lɔgɔ ńgwɔ́ *nùŋe pwɔ́’ we lÿò gẅie á la ne ńzɛ́te mbwo pege. Àa kwà’ Míŋ Ssé, ńgwɔ́ mbú’ nà kɔ̀ɔkɔ́ɔ, ńgwɔ́ té tsɔ́ nò tepòŋ ná ye, pâ pàgÿo menò tepòŋ té tsɔ́ nò tem, mbà Ssé la ńnéŋe yé tàa tÿǒ tà tsɔ́ mmó té gíŋe ńtɔ́gɔ yé ńgwɔ́ tÿǒ wɔ́.

2 Piɛ 2:21

Mvfò kaa pá’ à lɔɔn ńgwɔ́ pɔ́ le zsé mánzsè ndʉŋ ndʉŋ wɔ́, ńcʉa pá’ pɔ́ ge zsé mbʉ̌ Ssé mie mé ka zí’i wɔ́b e piŋ gwa’.

1 Jâŋ 2:3

Pege lɔɔn ńgÿo mmó gie Ssé ne ńtsẅii né pege, mbà wɛ̌ légwɔ́ ge nyɛɛ wégè ngie pege zsé Ssé

1 Jâŋ 2:5

Tá nyìŋ gẅie à kú’te shwóŋè Ssé, aa nyìŋ gẅie à kwa’ ńkwoŋ Ssé tà shwóŋó nò. Wɔɔn aa pá’ pege lɔg ńzsé ngie pega Ssé léen ńtemte.

1 Jâŋ 2:6

Nyìŋ lɔɔn ńgɔɔn ngie: Peg Ssé léen ńtemte, á zɛ́te ngie ngÿǒ menò mé gwɔ́ pá’ me Yěsô Kristo laa pú’u.

1 Jâŋ 5:3

Á nue lekwoŋ Ssé aa pege létÿɔ́gɔ kwò ná mbʉ̌ mé, mbʉ̌ mé piŋ ńké tè tʉ ńcʉa wégè wɔ́.

Ŋwà’ne Ngyà jʉ’ 22:14

Pàshÿó mbòŋo ée pʉ̀a pie pɔ́ sɔgɔ menzsǒ mɔ́b tà é lʉ́a, légwɔ́ gie pɔ́ ge ku’ léfó nà mencwò nká’, ńkúu tÿǒsoŋ, ńjÿó ntɔ̌ɔn tÿó ya gie á gÿo mé kwa’ ńgwɔ́ wó.