Ŋwà’ne Jâŋ 14:2 - Nouveau Testament en Ngienboum

² Mejʉ’ʉ leńnéŋe, ée ndá Tá wɔ̀ɔn tà ńgyɔ́ɔn. Mèŋ n ge gʉa cwoŋte jʉ’ʉ gí. Á kě tè pú’u wɔ́, mbà n tè gẅi shwóŋ. Mèŋ n ge gʉa cwoŋte jʉ’ʉ gí.

Ŋwà’ne Jâŋ 14:2 Iomraidhean Croise

Lukase 14:22

Á gʉa tà ḿbiŋ, ńgɔɔn né tá we ngie: Andè, mèŋ, m bǔ ńgÿo mmó gie ɔ̀ ně ńtsẅi, n něŋ pʉ̀a ndá tá’, ajʉ’ nyé pɔ́ wó.

Ŋwà’ne Jâŋ 13:33

Pènkʉ́ pɔ́ɔn, pege tè gíŋe ńnéŋe tà ntyě sag wɔ́. Pi ge gÿo ne gwá fa’a wɔ̀ɔn pá’ mèŋ n ka gɔɔn mbwo pà Yuda ngie: Ajʉ’ gie mèŋ n gee nê wó, pi tè ku’u létóo wó wɔ́. Mèŋ n giŋé ńgɔɔn yɛ̌ nò mbwo pi fʉ̀’ɔɔn.

Ŋwà’ne Jâŋ 13:36

Símo Piɛ zɛ́te yé ngie: Andè, ɔ̀ gee pɔ́ ne nzɔ̌. Yěsô tsɔ́’ɔ mbwo yé ngie: Ajʉ’ gie mèŋ n gee nê wó, ɔ̀ tè ku’u lécʉ́me nzèm mèŋ fʉ̀’ɔɔn wɔ́. Ɔ̀ ge táa tá cʉ́me nzèm mèŋ.

Ŋwà’ne Jâŋ 14:28

Pi jǔ’ pá’ mèŋ n gɔ̌ɔn ngie: Mèŋ n ge gʉa tá gíŋe piŋ nzèm gyá gẅí. Pi é kě ńgwɔ́ pé’e ńne ńkwoŋo wɔ̀ɔn, mbà pi kág kǎg pá’ mèŋ n gee né lejʉ́ŋ Tá, á nue Tá à fǎŋ ńcʉa wɔ̀ɔn.

Ŋwà’ne Jâŋ 16:4

Tá’, n kě ḿvɔg shwóŋó gẅí, tá fʉ’ó gÿo ńgwɔ́, pi kímte ngie mèŋ n ka zɔɔn shwóŋó gẅí. N ka gwaa zye, mèŋ n tè shwóŋó gẅi yɔɔn nò wɔ́, mélà’mie n ka nyé tsetsɛ̀ɛ pi.

Ŋwà’ne Jâŋ 17:24

Tá wɔ̀ɔn, ɔ̀ la náa wɔ́b né mèŋ. Mèŋ m biŋ ne ńkwoŋo ngie pɔ́ gwɔ́ jʉ’ gie mèŋ n gee ne wó, ńgyá wɔ̀ɔn legú’, á legú’ gẅie ɔ̀ la náa mbwo mèŋ, á nue ɔ̀ la kwoŋo wɔ̀ɔn tà fó ńnyé pɔ́ tè nyɛte njÿó.

Megàŋ ntúm 9:16

Kwà’ mèŋ n ge zɔɔn gÿo, à pú ńzsé nzẅìŋ ngɔ́’ gie à ge gyá é tí nò yɔ́ɔn.

2 Korento 5:1

Peg zɔɔn ne ńzsé ngie ntàb wɔɔn gẅie pege ee tsoló, é gwɔ́ mbùm yege lɔɔn, é lɔɔn fó lyɛ̌’ ńkeme, mbà pege gẅiin ndá tÿǒ lepwó, é gwɔ́ gie e ge lá’a gwɔ́ pɔ́ wó. Epʉ̀a mesoŋ zɔ la tè pwóon, e Ssé zɔ la pwóon.

1 Tesalonika 5:9

E Ssé la zɔɔn tè tsɔ́’ɔ wégè pɔ́ légyáŋa lóŋ ná pege, pege gyá ngɔ́’ wɔ́, à la tsɔ́’ɔ wégè pɔ́ légÿo pege cʉa nzèm Cʉ̀apʉ̀a wege Yěsô Kristo ńgẅiin letsẅɛ́.

Titus 1:2

Pú’u mé ńnéŋe ne ńzẅí’te légwɔ́ tèmì gẅie e Ssé la lá’ ńnyé pɔ́ tè pú’ ngwòŋ, ńka’a mbwo pʉ̀a pé. Mé zsé ngie àa těen ńgɔɔn nò mé fa’a kékáŋ wɔ́.

Heber 11:10

Ábalam la gÿo pú’u, á nue à la ne ńzẅí’te tÿǒsoŋ gie á gẅiin cÿǒ gie á tʉ́te. E Ssé lê twó yé zɔ̌ ne ńzsé pá’ yɛ̌ tÿǒsoŋ ge gÿo gwɔ́, yé lê twó yé zɔ piŋ ńkwɛ́.

Heber 13:14

Á nue à tÿǒsoŋ yégè ye ndùmo ssé tsetsá’ jʉ’ɔɔn á té gie á ge lá’a gwɔ́ pɔ́ wó wɔ́, tá peg ké ńně fa’a gie á ge gÿo tá tó.

Heber 6:20

Á nue Yěsô la vɔg ńkúu wó ńtí wégè. À piŋ ńgwɔ́ wó fʉ̀’ɔɔn, ńgwɔ́ nùŋe pwɔ́’ wege we lÿò, á nà ngù’u nkɔ́ɔn nê nkɔ̌ɔn, á nà ntí ye Melekisedeg.

Heber 9:8

A Zẅìge Ndʉalʉ̌a lɔ́ɔn ńdɔgɔ pú’u, ńnyɛɛ ngie wɔɔn ndùŋ mvfò ntàb lɔɔn ńké ńdá’ ńnyé ńgwɔ́ pɔ́ wó, mbà mánzsè létɔ́g tà ńkúu ná kwà’ jʉ’ gie e Ssé ee wó, à tè tsɔ́’ɔ wɔ́.

Ŋwà’ne Ngyà jʉ’ 1:5

Yěsô Kristo gẅie aa njÿò ńgyá we nénʉ́, ńgwɔ́ ndùŋ mvfò múɔ, ńgwɔ́ ndùŋ mvfò nyìŋ gẅie à la kwé ḿbiŋ ńzím, ńgwɔ́ Fùɔ cʉa mefùɔ pie ée ndùmo ssé tsetsá’, á gíŋe ńne ńgwɔ́ né pi, ńgíŋe ńne ńnéŋe sẅétè ntʉ́m pi. Yé Kristo kwoŋo wégè tɛ’, à la lɔg metse mé ńkyɛ́’ nkÿo menò tepòŋ ná pege.

Ŋwà’ne Ngyà jʉ’ 21:2

M biŋ ńgyá tÿǒsoŋo Ndʉalʉ̌a, á Yerósalem ye sẅé, á ne fóo lejʉ́ŋ Ssé sẅɛ́’ɛ, ńgwɔ́ pá’ nzwě ngʉ̀ gẅie à kẅǐŋ mbùm ye ńne ńzẅí’te ndǔm we la.

Ŋwà’ne Ngyà jʉ’ 3:12

Nyìŋ gẅie à ge lÿɔ́’ ncù tà cʉa nò tepòŋ, Mèŋ n ge gÿo lɔgɔ ngàŋ é tÿɔ́g ntóon nà jʉ’e Ssé yɔ̀ɔn, angàŋ le lá’ fóo jʉ’ó, ńgʉ́a tsɔ́ jʉ’ wɔ́. Mèŋ n ge gÿo ŋwe’e lezíŋ Ssé yɔ̀ɔn á ná ngàŋ, é gíŋ ŋwe’e lezíŋ tÿǒsoŋ ye Ssé yɔ̀ɔn á nà ngàŋ. Yɛ̌ tÿǒsoŋ gwɔ́ Yerósalem ye sẅé gie á fóo tÿǒ lepwó, á lejʉ́ŋ Ssé yɔ̀ɔn, ésẅɛ́’ɛ. Mèŋ n ge gíŋ ŋwe’e mbɔɔ lezíŋ sɔ́ɔn se sẅé á ná ngàŋ.

Ŋwà’ne Ngyà jʉ’ 3:21

Á ge gÿo gʉa ná nyìŋ gẅie à lÿɔ̌’ ncù tà ńcʉa nò tepòŋ, mèŋ n zẅíŋ à ńnéŋe nà lʉŋe lefùɔ á ngʉ̀ŋe yɔ́ɔn, pá’ mèŋ yɔ́ɔn n da lÿɔ́’ ncù tà ńcʉa nò tepòŋ, Tá wɔ̀ɔn zẅíŋ mèŋ n ńnéŋe ná lʉŋe lefùɔ á ngʉ̀ŋe yé la.