Ŋwà’ne Jâŋ 13:4 - Nouveau Testament en Ngienboum

⁴ Ńńnéŋe tà ńdu ssé, ésẅɛ nzsǒ fÿɔ́g ye, ńnuŋe ssé, ḿbíi tágwele ńtʉ́me zẅɛ̌’ yé.

Ŋwà’ne Jâŋ 13:4 Iomraidhean Croise

Lukase 12:37

Pàshÿó mbòŋo ée ngàŋa fà’ gie tá fà’ wɔ́b gwaa tó, mbà pɔ́ kaa lyé. Oon, mèŋ shwóŋó gẅí, á gwɔ́ nénʉ́, à ge tém nzsǒ fà’, é tsẅi megàŋa fà’ pé ńnéŋe ssé, à lɔg shúm ńcʉa, ńgab pɔ́ pfɛ́.

Lukase 17:7

Pege pí fʉ̀’ ngie nyìŋ gẅi gẅiin ngàŋa fà’, à lɔɔn ńzɔ́gɔ tsẅɛ ńjʉ́’ ngwóŋ, kà ńzɔ́g ḿpféle pɔ́ menɔ̀ɔn wɔ́, ńgÿo ḿbiŋ nzèm, mbà yé gẅie aa tá fà’ ge gɔɔn mbwo yé ngie: Gʉa ńnéŋe ssé letʉ ḿpfɛ́ɛ mmó?

Lukase 17:8

Né ngie à ge gɔɔn né yé pɔ́ ngie: Kúbe menzsǒ, ńcwoŋte shúm léjÿó sɔ́ɔn ńtÿɔ́g né mèŋ, ńzẅí’te mèŋ m pfɛ́, ńnú melù’ tá ɔ̀ lêen ńké ḿpfɛ́ shú shúm ḿbiŋ ńnú mú melù’ lá?

Lukase 22:27

Pi zɔɔn shwóŋó wɔ̀ɔn: Á gʉ́a ná nyìŋ gẅie á neŋé Ssé ńne ḿpfɛ́ɛ mmó pɔ́ nyìŋ gẅie à ně ńdɔ́ɔn ńkaa ńtÿɔ́g pé’e, awɔ̌ gwɔ́ ndÿò? Nyìŋ gẅie à ńnéŋe ssé ḿpfɛ́ɛ zɔ tè ndÿò wá? Tá’, mèŋ n kě ńgwɔ́ tsetsɛ̀ɛ pi, ńgwɔ́ pɔ́ nyìŋ gẅie à fa’a mbwo pi.

Ŋwà’ne Jâŋ 13:12

Yěsô sɔg mekwò mɔ́b tà ńtsẅé jʉ’, ḿma’ nzsǒ ye, ńgíŋe ńnéŋe ssé léjÿó mmó, ńgɔɔn né pɔ́b ngie tà pi ju’ú mmó gie mèŋ fóo légÿo ná pi?

2 Korento 8:9

Pi zɔɔn ne ńzsé mmó gie Cʉ̀apʉ̀a Yěsô Kristo la lɔg pɔ́ ntʉ́m mbòŋo ńná. À la gẅiin shúm ntsèm, tá’, ńcʉ́’ʉ mbóŋ ńtí gẅí, pá’ pi ge fó nà póŋ yé, é cʉ́’ pʉ̀a pie e Ssé náa shúm sé né pɔ́b tɛ’.

1 Jâŋ 3:11

Anò gie pi la jú’ tà fó nzyeté á gwɔ́ pɔ́ ngie: Pege gẅiin nkwòŋe tsetsɛ̀ɛ pege.