Ŋwà’ne Jâŋ 13:10 - Nouveau Testament en Ngienboum

¹⁰ Yěsô gɔɔn né yé ngie: Á té ne ńzɛ́te ngie mé gíŋe sɔg mbùm nyìŋ gẅie à sɔ̌g nnɛ́ wɔ́. Á nue ngàŋ pǔ ńdʉ́a. Pi ee pɛ́’ɛ̀, mbà mbùm gi lʉ̌a, e ké tè gi metsèm wɔ́,

Ŋwà’ne Jâŋ 13:10 Iomraidhean Croise

Matio 6:12

lege mefʉa még, ńná né peg, pá’ peg ne ńdege yég ńnáa mbwó pʉ̀a pie pɔ́ fʉ̌a nò mbwó peg la.

Ŋwà’ne Jâŋ 13:18

Mèŋ n kě tě ńgɔɔn yɔɔn nò mbwo pi metsèm wɔ́, mèŋ n ne ńzsé pʉ̀a pie mèŋ n da tsɔ́’ɔ wɔ́b. Tá á poŋ ngie ammó gie mé la ŋwe’e tsɛ̀ɛ ŋwà’ne Ssé à pumte. Mé la ŋwe’e ngie nyìŋ gẅie peg yé né ńteme shúm léjÿó ńjÿó kéen ńcʉ́’ʉ ngàŋ mbù wɔ̀ɔn.

Ŋwà’ne Jâŋ 13:9

Símo Piɛ gɔɔn né yé ngie: Á lɔɔn ńgwɔ́ pú’u, me Nde, tè sɔg pɔ́ ndà’ mekwò mɔ́ɔn, ɔ̀ pú sɔg mbwo mɔ́ɔn pâ twó yɔ́ɔn.

Ŋwà’ne Jâŋ 15:3

Ammó gie mèŋ n ka zí’i gẅi kéen ńdá’ ńgÿo pi gwɔ́ mbòŋ.

2 Korento 5:17

Nyìŋ gwɔ̌ tá ńda nnɛ́ ná Kristo, ńcʉ́’ ńgwɔ́ pɔ́ nyìŋ we sẅé, ńgwɔ́ tsɛ̀ɛ ntʉ́m yé à tè gíŋe ńgwɔ́ pá’ à ka zɔɔn ńgwɔ́ wɔ́, mbà à zyě léńnéŋe we sẅé.

2 Korento 5:21

Pá’ ndòon laa twó pege la, e Ssé la kaa menò tepòŋ mégè, ńzába twó Kristo, mbà à la tè tsɔ́ nò tepòŋ gẅiin. À la gÿo pú’u, pá’ pege ge lɔgɔ léla nnɛ́ ná Kristo, é gwɔ́ pʉ̀a pie ée mbwo Ssé ńgwɔ́ ndʉŋ ndʉŋ.

2 Korento 7:1

Mefɛ́ pɔ́ɔn pe ntʉ̀ nzẅìŋ, pá’ e Ssé la ka’ mɔɔn menò á mbwo pege la, á ne ńzɛ́te ngie kwà’ pege lê twó yégè kÿo menò mie é té Ssé poŋ, é mie mé gÿo gÿo, tà mbɔɔ mie mé kwaŋa kwaŋ, ńkẅi’i ńdɔgɔ légwɔ́ tè *lɔ̌’ ńgʉa lê mvfò tà ńcʉ́me, ńgwɔ gwɔ́ ne ḿbɔ́gɔ Ssé.

1 Tesalonika 5:23

Peg ne ńdúɔ ngie e Ssé lê twó yé, gẅie aa ngàŋ mbʉ́lè, à gÿo pi gwɔ́ pʉ̀a pé tà ńcʉ́me, ńgie à pyɛ́bɛ zẅìge gí, ḿbyɛ́b ntʉ́m gẅí, ḿbyɛ́b mbùm gi, à gÿo ńgwɔ́ lyɛ̌’ gie Cʉ̀apʉ̀a wege Yěsô Kristo gé gÿo tó, pi gwɔ́ té sɔɔn *lɔ̌’ ná pi.

Heber 9:10

Yɛ̌ ntí legu’te Ssé ee ntí gie e lǐe pɔ́ mbùm nyìŋ, á gwɔ́ nò ńdíe shúm léjÿó, ńdíe melù’, ńdíe lésɔg *melɔ̌’. Metʉ̀ mɛ̌ mbʉ̌ la gẅiin légwɔ́ wó tà ńdá’ ńkú pɔ́ fʉ̀’ gie e Ssé lɔ̌ɔn ńge gíŋe gÿo kɔ̀ɔkɔ́ɔ pɔ́ sẅe sẅé.

Ŋwà’ne Jâg 3:2

Pege pǔ fʉate menò ntí ntí pɔ́ tè vʉ’ʉ nyìŋ. Nyìŋ lɔɔn ńgwɔ́ nyìŋ gẅie à laa tóo ńgɔɔn nò é fʉa wɔ́, mbà aa nyìŋ té *lɔ̌’, ńku’u légwoonte mbùm ye ntsèm.