Ŋwà’ne Jâŋ 13:1 - Nouveau Testament en Ngienboum

¹ Á la cʉ́’ pɔ́ pá’ njÿó ge lʉ́a mé jÿó línɔ́ɔn *Páskà, Yěsô ne ńzsé ngie ayé fʉ̀’ kǔ’ pá’ à ge fó tsɛ̀ɛ yɔɔn njÿó é gʉa kẅɛ́te Tá we. Pá’ yé Yěsô lɔ̌ɔn ńkwoŋo pʉ̀a pie ée tsɛ̀ɛ njÿó ńgwɔ́ pé la, á kẅi’i ńkwoŋo wɔ́b tà ńcʉ́me.

Ŋwà’ne Jâŋ 13:1 Iomraidhean Croise

Matio 26:45

ńgÿo pú’u, ńgíŋe fó jʉ’ó ḿbiŋ nzèm, ńkẅɛ́te *ngàŋa kwò yé, ńgɔɔn né pɔb ngie: Pi cwoŋo ńdyé, ńzẅɛte mboŋó. Pi leen ńké ńgyá, áfʉ̀’ ku’ú! Mé ge sẅiŋe *Míŋ Nyìŋ á mbwó pʉ̀a tepòŋ.

Matio 28:20

ńzí’i wɔ́b létÿɔ́gɔ kwò ná menò ntsèm mie mèŋ n da zí’i gẅí. Pi zsé ngie, kwà’ mèŋ n ge lá’a gwɔ́ pɔ́ tsetsɛ̀ɛ pi tà njÿó lá’ ḿmag.

Lukase 22:53

Mbà mèŋ n kaa lyɛ̌’ ntsèm, ńké ńně ńgwɔ́ pɔ́ tsetsɛ̀ɛ pi tsɛ̀ɛ *jʉ’ʉ Ssé, pi ké tè fa’a légwoon wɔ̀ɔn mɔ́. Tá’, agí fʉ̀’ yɔɔn, mbà á léen ńké ńku’, ńgwɔ́ fʉ̀’ gie afùɔ menò nzěm tǒ tà ne sá’a lá’ yé.

Lukase 9:51

Afʉ̀’ gie Ssé ge kaa Yěsô lɔg piŋ ne tÿǒ lepwó gÿo ńku’, Yěsô gyá ngie á zebé pá’ à ge gʉa Yerósalem, ńdêen ńké ńdu ssé ńcʉ́me mánzsé té pɔ́g,

Ŋwà’ne Jâŋ 11:55

Alínɔ́ɔn Páska pà Yuda la ne ńtóo, lelÿò pà Yuda ne fóo tsɛ̀ɛ lá’ ńtʉ́ʉ njÿó ḿvɔgɔ Yerósalem, á lésɔg *melɔ̌’ ná pɔ́b.

Ŋwà’ne Jâŋ 12:23

Yěsô tsɔ́’ɔ mbwo pɔ́b ngie afʉ̀’ gie mé ge gyá legú’ we *Míŋ Nyìŋ á kǔ’.

Ŋwà’ne Jâŋ 13:29

Tsɔ́ pʉ̀a ne ńkwaŋa ngie à gɔɔn ngie Jẅidas gʉa ńjú sɔ́ba pɔ̌ shúm línɔ́ɔn, ka pɔ́ ngie à náa mmó mbwo mepóŋ wɔ́, á nue yé zɔ lɔ̌ɔn ńgẅiin mûɔ pɔ̀ɔn nkáb wɔba pɔ̌.

Ŋwà’ne Jâŋ 13:3

Yěsô ne ńzsé ngie Tá we la pú ńnéŋ shúm ntsèm mbwo yé, ńgíŋe ne ńzsé ngie à la fó mbwo Ssé, à piŋ ne ńgee né lejʉ́ŋ Ssé.

Ŋwà’ne Jâŋ 13:34

Mèŋ n ge ná *lepʉ̌ se sẅé né pi, e gwɔ́ ngie: Pi kwoŋe pi né pi. Pá’ mèŋ n da kwoŋo gẅi lá, pi gí kwoŋe pi né pi.

Ŋwà’ne Jâŋ 14:28

Pi jǔ’ pá’ mèŋ n gɔ̌ɔn ngie: Mèŋ n ge gʉa tá gíŋe piŋ nzèm gyá gẅí. Pi é kě ńgwɔ́ pé’e ńne ńkwoŋo wɔ̀ɔn, mbà pi kág kǎg pá’ mèŋ n gee né lejʉ́ŋ Tá, á nue Tá à fǎŋ ńcʉa wɔ̀ɔn.

Ŋwà’ne Jâŋ 14:31

Tá mé zẅǐŋ ngie à tó pú’u, epʉ̀a mesoŋ tsɛ̀ɛ njÿó lêen ńke ńzsé ngie mèŋ kwoŋo Tá wɔ̀ɔn, n ne ńgÿo pɔ́ mmó gie à tsẅǐ ngie mèŋ n gÿo. Pi lu ssé pege fó jʉ’ɔɔn ńgʉa.

Ŋwà’ne Jâŋ 16:28

Mèŋ n da fóo mbwo Tá wɔ̀ɔn, ńtóo tsɛ̀ɛ njÿó, mèŋ m biŋ ńgwɔ́ fʉ̀’ɔɔn ńne fóo tsɛ̀ɛ njÿó ńgee ne ńtsɛ́ Tá wɔ̀ɔn.

Ŋwà’ne Jâŋ 17:1

Yěsô la gɔɔn yɔɔn nò tà ńtsẅé jʉ’, ḿbʉ’ʉ twó yé, ńdíe tÿǒ, ńgɔɔn ngie: Tá wɔ̀ɔn, afʉ̀’ ku’ú, gÿo pʉ̀a gyá legú’ Míŋ gù, Míŋ gù gÿo yé, epʉ̀a gyá legú’ gù.

Ŋwà’ne Jâŋ 17:16

Pɔ́ té pʉ̀a njÿó wɔ́, ndʉŋ ndʉŋ pá’ mèŋ yɔ́ɔn n tè nyìŋ njÿó wɔ́.

Ŋwà’ne Jâŋ 17:26

Mèŋ n ka zí’i wɔ́b lézsé nyìŋ gẅie ɔ́ɔ wɛ̌, mèŋ n ge ké ne gÿo pɔ́ ne ńzsé gú zsě, ńkwoŋe pɔ́b nê pɔ́b pá’ ɔ̀ kwoŋo wɔ̀ɔn, mèŋ m biŋ ńgwɔ́ ntʉ́m pɔ́b. Gÿo pɔ́ zsé lezíŋ shú, mèŋ n ge gíŋe gÿo pɔ́ zsé gú. À cʉa pú’u, nkwòŋe gie ɔ̀ la lɔg ńkwoŋo wɔ̀ɔn, e gwɔ́ ná pɔ́b. Mèŋ n gwɔ́ yɔ́ɔn né pɔ́b.

Ŋwà’ne Jâŋ 17:5

Áa nà fʉ̀’ɔɔn me Tá wɔ̀ɔn, mèŋ n ne ńdúɔ ngie ɔ̀ gíŋe náa wɔ̀ɔn legú’ gẅie mèŋ n da gẅiin lejʉ́ŋ gù, á legú’ gẅie n da gẅiin lejʉ́ŋ gù, tà yɔɔn njÿó nyé té gwɔ́ wó.

Ŋwà’ne Jâŋ 18:4

Yěsô zsé nò gie á ne ńtóo ná yé, ésẅɛ’te nnɛ́ né mvfò pɔ́b ńgɔɔn ngie: Pi fa’a wɔ́?

Ŋwà’ne Jâŋ 19:28

Mɔɔn menò la tɔ́g, Yěsô zsé fʉ̀’ɔɔn ngie akɔ́ɔkɔ́ɔ kǔ’, ńgɔɔn ngie: Agág yɔ́ɔn shÿǒ, ńgɔɔn pá’ɔɔn légwɔ́ gie mmó gie mé la ŋwe’e tsɛ̀ɛ ŋwà’ne Ssé ge pumte.

Ŋwà’ne Jâŋ 2:13

Alínɔ́ɔn *Páskà pà Yuda la ne ḿbɔ́ɔnte, Yěsô leen ńké ḿbʉ né Yerósalem,

Ŋwà’ne Jâŋ 6:4

Á gwaa gwɔ́, afʉ̀’ gie pà Yuda gee ńjÿó línɔ́ɔn yɔ́b gie mé tóŋo le *Páskà ne ńku’u.

Ŋwà’ne Jâŋ 7:30

Pɔ́ jú’u yɔɔn nò, éfa’a légwoon yé, tá nyìŋ ké tè pwó ná yé záb, mélà’mie à yé fʉ̀’ la nyé tè ku’.

Ŋwà’ne Jâŋ 7:6

Yěsô tsɔ́’ɔ mbwo pɔ́b ngie: Ayɔ́ɔn fʉ̀’ nyé tè ku’, tá ńgʉa ná pi, mbà fʉ̀’ʉ kɔ́ wɔ́ áa mbwo pi ńgwɔ́ pɔ́ mbòŋ.

Ŋwà’ne Jâŋ 8:20

Yěsô la gwaa gɔɔn mɔɔn menò pá’ɔɔn, ńgwɔ́ tsɛ̀ɛ *jʉ’ʉ Ssé, ńne ńzí’i pʉ̀a nò Ssé, ńgwɔ́ ngʉ̀ŋe jʉ’ gie mé ńnéŋe nkáb gie mé náa mbwo Ssé wó. Nyìŋ ké tè yé gwoon, mélà’mie á la gwaa gwɔ́, mbà yé fʉ̀’ kaa ku’u.

Roma 8:37

Tá’ á ké ńgʉa ná shúm sɛ̌ ntsèm, pege gwɔ́ pà tántʉ̀, pà cʉa sɛ̌ shúm ńzẅɛ́’ɛ nyìŋ gẅie à la kwoŋo wégè.

1 Korento 1:8

Yé Yěsô Kristo ge gÿo pi tʉte tʉte tà ndá’ ńcʉ́me, à lá’a lyɛ’ gie yé Cʉ̀apʉ̀a wege, ge lá’ gíŋe tó mé le ne ńda’a gẅi nà tsɔ́ mmó wɔ́.

Heber 3:14

Pega Kristo zɔɔn ńcʉ́’ ḿbú ńgwɔ́ pɔ́ ná tà’a nò, tá’ á ne ńzɛ́te tà’a mmó wémɔ’ɔ́, á gwɔ́ lékú’te mmó gie mé la shwóŋó wégè tá pege záb ntʉ́m nà Ssé, ńkú’te kú’te tà ńdá’ ńkúu nà lyɛ’ɛ́ nzsoté.

Heber 3:6

Tá á gʉa ná Kristo, á gwɔ zsé yé pɔ́ ndà’ mmó gie e Ssé la gɔɔn ngie à gÿo wɔ́, ńgwɔ́ múɔ ndá, gẅie mé la tÿɔ́gɔ yé pá’ à ge sá’ pʉ̀a Ssé. Epʉ̀a Ssé lɔgɔ ńgwɔ́ pɔ́ wégè, pá’ pege lɔɔn ńkú’te mmó gie pege la zẅíŋ tà pege tè mʉ́’te, ńgíŋ ńnéŋe ńne ńdɔgɔ pɔ́ ka’te ńzẅí’te mmó gie e Ssé la ka’a mbwo pege.

Heber 6:11

Ammó gie peg ké ne ńtsɔ́ɔn gwɔ́ pɔ́ ngie àwɔ̌wɔ́ɔ tsetsɛ̀ɛ pi wɔ́, à ké ne ńkaga tʉ̀ pɔ́ pú’u, ńdɔgɔ ńgee lê mvfò, tà ńdá’ ńkúu nzsoté légwɔ́ gie kɔ̀ɔkɔ́ɔ gie à ne ńzẅí’te mbwo Ssé, á ge gÿo pumte.

1 Piɛ 1:13

Pú’u, legyè sí tyé pɔ́ nà legÿo mmó nà ntí ye pʉ̀a Ssé, tà pi gwá’a lÿɔg, pi ńnéŋe ńne ńnyɛte ńzwí’te fù’ gie Ssé ge gÿo ná né pi, á ná fʉ̀’ gie Yěsô Kristo ge gÿo tó.

1 Jâŋ 4:19

Á gʉa ná peg, peg kwoŋo nyìŋ mesoŋ, á gwɔ́, mélà’mie e Ssé la vɔg ńkwoŋo wég.

Ŋwà’ne Ngyà jʉ’ 1:5

Yěsô Kristo gẅie aa njÿò ńgyá we nénʉ́, ńgwɔ́ ndùŋ mvfò múɔ, ńgwɔ́ ndùŋ mvfò nyìŋ gẅie à la kwé ḿbiŋ ńzím, ńgwɔ́ Fùɔ cʉa mefùɔ pie ée ndùmo ssé tsetsá’, á gíŋe ńne ńgwɔ́ né pi, ńgíŋe ńne ńnéŋe sẅétè ntʉ́m pi. Yé Kristo kwoŋo wégè tɛ’, à la lɔg metse mé ńkyɛ́’ nkÿo menò tepòŋ ná pege.