Ŋwà’ne Jâŋ 11:51 - Nouveau Testament en Ngienboum

⁵¹ À lɔ̌ɔn ńgɔɔn pú’u, yé zɔ tě ńgɔɔn wɔ́, pá’ á la gwaa gwɔ́ yé zɔ́ gwɔ́ tándá pànuŋe pwɔ́’ ná yɛ̌ ngù’ la, á tsẅi nkʉ̀ Ssé ngie Yěsô ge kwé nà twó lá’ pà Yuda.

Ŋwà’ne Jâŋ 11:51 Iomraidhean Croise

Matio 20:28

Ndʉŋ ndʉŋ pá’ *Míŋ Nyìŋ la te tóo ndùmo ssé tsetsá’, pɔ́ pá’ epʉ̀a mesoŋ gee fa’a mbwó yé wɔ́, á la tó pɔ́ lefa’a mbwó pʉ̀a mesoŋ, éfa’ fa’ tà gíŋe náa twó yé lélɔg ncu’ pʉ̀a tà ńgyɔ́ɔn.

Ŋwà’ne Jâŋ 10:15

Ndʉŋ ndʉŋ pá’ Tá wɔ̀ɔn ne ńzsé wɔ̀ɔn, mèŋ n gíŋe ne ńzsé Tá wɔ̀ɔn. Mèŋ n náa twó yɔ́ɔn ńtí *menjʉ̀njÿò mɔ́ɔn.

Ŋwà’ne Jâŋ 11:49

Atsɔ́ tà’ nyìŋ laa tsetsɛ̀ɛ pɔ́b, lezíŋ sé gwɔ́ Kaifa. Á gwɔ́ tándá pànuŋe pwɔ́’ ná yɛ̌ ngù’. Á gɔɔn ngie: Pi pǔ kaa tsɔ́ mmó nà nò gie pi gɔɔn lɛ̂ jú’u!

Ŋwà’ne Jâŋ 18:13

Pɔ́ kwɛ́ɛ Yěsô pú’u, ńdɔgɔ yé ḿvɔg ńgʉa nɔ’ɔ Ánnɔ́ɔn. Ánnɔ́ɔn gwɔ́ pú’u, ńgwɔ́ tákẅì’ Kaifa gẅie à laa ngù’ áyɛ̌, ńgwɔ́ tándá pànuŋe pwɔ́’.

1 Korento 13:2

Á lɔɔn ńgwɔ́ e Ssé cÿó gem yɔ́ɔn mèŋ n tsẅi nkʉ̀ gẅie é fóo mbwo ye, ńzsé nò nà kɔ̀ɔkɔ́ɔ gie áa lelyěen, ḿbiŋ ńzsé nò nà shúm ntsèm. À lɔɔn ńgwɔ́ mèŋ n záb ntʉ́m wɔ̀ɔn nà Ssé, tà ńku’u légÿo mekwɛ́ sẅɛ́’te nnɛ́, tá ńké ńgwɔ́ gie n dɔɔn tè kwoŋo nyìŋ mesoŋ wɔ́, mbà mèŋ n tè tsɔ́ mmó wɔ́.

2 Korento 5:21

Pá’ ndòon laa twó pege la, e Ssé la kaa menò tepòŋ mégè, ńzába twó Kristo, mbà à la tè tsɔ́ nò tepòŋ gẅiin. À la gÿo pú’u, pá’ pege ge lɔgɔ léla nnɛ́ ná Kristo, é gwɔ́ pʉ̀a pie ée mbwo Ssé ńgwɔ́ ndʉŋ ndʉŋ.

Galatia 3:13

Tá’, pá’ mánzsè we *lepʉ̌ gÿo pege kaa pɔ́ ndòon la, Kristo la tó ńgÿo pege tsẅɛ́ ndòon ŋwɛ́. À la zyɛ́b ńkaa ḿbi’, ńcʉ́’ʉ ngàŋ ndòon ńtí wégè. Mé gɔɔn nue mé la ŋwe’e ngie: Ndòon ee twó nyìŋ gẅie mé kimé yé nà tÿǒ.

1 Piɛ 2:24

Kwà’ yé Kristo la kaa menò tepòŋ mégè ńnéŋe soŋ nnɛ́ yé, á fʉ̀’ gie mé la kime yé nà tÿǒ nkǐ. À la gÿo pú’u, légwɔ́ gie pege ge cʉ́’ gwɔ́ mbwo nò tepòŋ, é gwɔ́ pɔ́ mepfó, é lêen ké ku’u légÿo mmó gie áa ndʉŋ ndʉŋ mvfò Ssé. Pi la zẅɛ́’ pɔ́ mefʉ̌ŋ mé tá ńzeŋe.

1 Piɛ 3:18

Kristo la zɔɔn ńgyá yé ngɔ́’ tà ńkwé lélɔg ńzyɛ́b menò tepòŋ pʉ̀a mesoŋ, ńké ńkwé ndà’ tà’ legʉ̀a, á ku’. Yé tè fʉa kwé ńtí ngàŋ mefʉa, pú’u, lélɔgɔ gẅi ńtóo mvfò Ssé. Mé la zẅé mbab nnɛ́ ye, tá Zẅìge Ndʉalʉ̌a gÿo á gíŋe ńgwɔ́ wó.

1 Jâŋ 2:2

À la zɔɔn ńdɔgɔ twó yé, ńnuŋe pwɔ́’ pá’ à lɔɔn ńgwɔ́ e Ssé lege menò tepòŋ mégè. Pá’ à lɔɔn ńgwɔ́ á le lege pɔ́ ndà’ mégè wɔ́, pá’ ńgwɔ́ á gíŋe ńdege me pʉ̀a mesoŋ ntsèm tsɛ̀ɛ njÿó.