Ŋwà’ne Jâŋ 11:11 - Nouveau Testament en Ngienboum

¹¹ Yěsô gɔɔn yɔɔn tà ńtsẅé jʉ’, ńgíŋe ngie: Ashǔ wege Nǎzalo ne ńdyé, tá mèŋ n ge gʉa zyeen yé.

Ŋwà’ne Jâŋ 11:11 Iomraidhean Croise

Matio 27:52

metwó mesyè tsɔ́’ɔ ńtyé, mepfó pie pɔ́ la záb ntʉ́m ná Ssé zyeente tà ńgyɔ́ɔn,

Matio 9:24

Pi gʉate, múɔ manzwě kaa kwé, à lye lyě. Àlá’ jú’ ńgẅe yé gẅe.

Malékuse 5:39

Yěsô kúu ndá ńgɔɔn né pɔ́b ngie: Pi pǔ ḿbége jʉ’, ńdʉa nzẅìŋ wɛ̂ mélà’a kɔ́? Múɔ kaa kwé, à lye lyě.

Ŋwà’ne Jâŋ 11:10

Nyìŋ lɔɔn ńké ne ńgiŋe lêtsẅɛ́’, mbà à ge kwɔɔnte, mélà’mie mmó gie á ge kyɛ’ jʉ’ ná né yé á té wó wɔ́.

Ŋwà’ne Jâŋ 11:12

*Ngàŋa kwò yé leen ńké ńgɔɔn né ye ngie: Andè, à lɔɔn ńgwɔ́ gie à lyě, mbà à ge tsẅɛ.

Ŋwà’ne Jâŋ 11:13

Ńgwaa gwɔ́ pú’u, Yěsô ne shwóŋó wɔ́b ngie Nǎzalo kwě. Tá pɔ́ ne ńkwaŋa yɔ́b pɔ́ ngie à gɔɔn ngie à né ńdyé lyě.

Ŋwà’ne Jâŋ 11:3

pɔ́b panzwě ŋwɛ́ mépʉ́a túm ńtsẅii mbwo Yěsô ngie: Andè, ashǔ lepyè gù ne ńguɔ tɛ’.

Ŋwà’ne Jâŋ 3:29

Nyìŋ gẅie à zɔ́’ɔ manzwě zɔ aa ndǔm manzwě. Ashǔ ndǔm tyé lejʉ́ŋ ndǔm, á gɔɔn nò, á jú’ ngyè ye, anò poŋo yé tɛ’. Mèŋ n ne ńkága yɔ́ɔn pɔ́ pú’u, ḿbiŋe ńkága tà ḿmaga ntʉ́m wɔ̀ɔn.

Megàŋ ntúm 7:60

À la gɔɔn pú’u, ńkẅí’te ssé, ńga’te lê tʉ̀ ngie: Cʉ̀apʉ̀a, tè líe mmó gie pʉ̀a pɛ ne ńgÿo, ńgɔ́ɔn pú’u, ńkwé.

1 Korento 15:18

Á gíŋ ńdɔgɔ ńgwɔ́ ngie, epʉ̀a pie é la gwɔ kwé, letʉ́m sɔ́b zébe ná Kristo, pɔ́ léen ḿbyé.

1 Korento 15:34

Pi gwoonte mbùm gí nà ntí gie e poŋ Ssé, tà pi gíŋ ńgÿo menò tepòŋ. N gɔɔn nue mèŋ n ne ńgyá e tsɔ́ pʉ̀a ée tsetsɛ̀ɛ pi pɔ́ té Ssé zsé, n gɔɔn pá’ɔɔn ńtsɔɔn ngie eshʉ́ kúu gẅí.

1 Korento 15:51

Pi cʉ́’ mèŋ shwóŋó gẅi tsɔ́ nò gie á la zɔɔn ńgwɔ́ pɔ́ lelyěen, pege metsèm tè lá’ pú kwé wɔ́, tá’ pege metsèm ge lá’ pú gẅiin tsɔ̌ mbùm ye sẅé,

Efeso 5:14

Á zɔɔn tè gwɔ́ pɔ́ ndà’ pú’u wɔ́, ammó vɔg tà ńkẅɛɛ jʉ’e fɔ̌g, ńkúbe, ńcʉ́’ ńkyɛ’ pɔ́ jʉ’. Áa yɛ̌ tá mé gɔɔn ngie: Gù gẅie ɔ̀ ne ńdyé, zyeen, Fó tsetsɛ̀ɛ mepfó ńdu ssé, Pú’u, Kristo ńnéŋe kyɛ̀’ yé ná gù.

1 Tesalonika 5:10

À la kwé nà twó ségè, légwɔ́ gie pege lɔɔn fó ńkwé mbɔɔ kwě, kà ńnyé pɔ́ ntentʉ́ wɔ́, mbà pega pɔ́ zɔɔ pú’u, ńgwɔ́.

Ŋwà’ne Jâg 2:23

Anò gie mé la ŋwe’e ńtí yé fó pú’u, ḿbumte, mé la ŋwe’e ngie: Ábalam la záb ntʉ́m wé nà Ssé, e Ssé fó mǒ, ńcʉ́’ ńdíe yé á gwɔ́ mvfò ye, ńgwɔ́ pɔ́ ndʉŋ ndʉŋ, á tóŋo yé lê shǔ we.