Ŋwà’ne Jâŋ 10:5 - Nouveau Testament en Ngienboum

⁵ À lɔɔn ńgwɔ́ pɔ́ le cʉ́me nzèm nyìŋ ndyɛ̀’ɛ wɔ́, pɔ́ ge kÿo yé kÿo, mélà’mie pɔ́ té ngyè pʉ̀a méndyɛ̀’ɛ liŋ.

Ŋwà’ne Jâŋ 10:5 Iomraidhean Croise

Malékuse 4:24

Yěsô gíŋe ńgɔɔn né pɔ́b ngie: Pi lɔɔn ńzẅí’te nò Ssé pi jú’ tà ńjú’. Anò gie pi nyɛté ńjú’ mboŋó, nzẅìŋ gẅie nyìŋ lɔ̌g ńnéŋe twó ńjú’u nò Ssé, ée wɛ̌ tá à gÿo ńdɔg náa zsé nò mbwo ngàŋ, tà ńgíŋe ńkẅi’i.

Lukase 8:18

N dɔgɔ shwóŋó gẅi ngie pi lag twó sí nà ntí gie pi lɔgɔ ńjú’u shwóŋè Ssé, nyìŋ lɔɔn ńgẅiin mmó, mbà mé ge kẅi’i. Tá ńké ńgʉa ná nyìŋ gẅie à tè mmó gẅiin, mbà mé ge kẅé méjʉ’ gẅie à kwǎŋ ngie à gẅiin.

Ŋwà’ne Jâŋ 10:16

N giŋé ńgẅiin tsɔ́ *menjʉ̀njÿò mie é té tsɛ̀ɛ nká’ wɔɔn wɔ́. Á ně ńzɛ́te ngie mèŋ n gʉa ńdɔgɔ wɔ́b ńtó. Pɔ́b yɔ́b ge gÿo jú’ ngyè yɔ̀ɔn, à cʉa pú’u, nùɔ njʉ̀njyò gwɔ́ yémɔ’ɔ́, ambyɛ̀bɛ gwɔ́ wémɔ’ɔ́.

Ŋwà’ne Jâŋ 10:4

À ge gÿo pɔ́ fó nká’ ńkẅɛ tà ḿmag, à gwɔ́ mvfò, pɔ́ gwɔ́ nzèm, mélà’mie pɔ́ lǐŋ ngyè ye.

2 Timote 4:3

Á nue atsɔ́ fʉ́’ ge gÿo gwɔ́, epʉ̀a le gíŋe ńkwoŋo lézẅí’te nò nénʉ́ gie mé zí’i pʉ̀a ná Yěsô Kristo wɔ́, é lɔg pá’ pɔ́ kwoŋo lézẅí’te pɔ́ nò gie ntʉ́m wɔ́b ne ńtsɔ́ɔn, éfa’ pɔ́b pàzí’i wɔ́b mmó tà e gyɔ́ɔn gyɔ́ɔn. Pɔ́ zí’i wɔ́b nò gie pɔ́ kwoŋo lé jú’.

1 Jâŋ 2:19

Megàŋ mbù fǒ pɔ́ tsɛ̀ɛ cú’tè yégè ńkẅɛ ńgʉa. Pɔ́ ka zɔ̌ɔn tè pʉ̀a pégè wɔ́. Pɔ́ kaa pé’è ńgwɔ́ pʉ̀a pege, mbà pɔ́ ka zso tsetsɛ̀ɛ pege. Tá’, á ka kě ḿboŋ ngie à kẅɛ pɔ́ pú’u, ná pɔ́b, áwɔ̌wɔ́ɔ gyá ngie pɔ́ ka tè pʉ̀a pege wɔ́,

1 Jâŋ 2:21

Mèŋ n ka gwaa ŋwe’e ŋwà’ne ná né pi mèŋ n tě ńdɔgɔ ńgɔɔn ngie pi tè ne ńzsé nò nénʉ́ gwɔ́ wɔ́. Á gwɔ́ pɔ́ nò gie pi ne ńzsé. Pi giŋé ńne ńzsé ngie, etsɔ́ cÿɔ nò lɔɔn ńgwɔ́ é le tsɛ̀ɛ nò nénʉ́ kẅɛ.

Ŋwà’ne Ngyà jʉ’ 2:2

Mèŋ n ne ńzsé mefà’ mí, ńne ńzsé gẅi letéŋe zì’i, ńzsé pá’ pi kag tʉ̀ pú’u, ńzsé pá’ pi tè kwoŋo légwɔ́ gie pia pʉ̀a pie é gẅiin ssé ntʉ́m e teme kwò wɔ́, ńne ńzsé pá’ pi kéen ńdʉŋte pʉ̀a pie pɔ́ gɔɔn ngie pɔ́ ée megàŋ ntúm Yěsô tá ńgwɔ́ pɔ́ pà gwaa ńkú, tà ńzsé ngie pɔ́ gwɔ́ pɔ́ megàŋa cÿɔ̌ nò.