Ŋwà’ne Jâŋ 10:2 - Nouveau Testament en Ngienboum

² Tá ńgwɔ́ gie à lɔɔn ńgwɔ́ mbyɛ̀b mvfó, mbà à ge pfó pɔ́ ncwò nká’.

Ŋwà’ne Jâŋ 10:2 Iomraidhean Croise

Matio 15:11

àmmó gie á fó ncwò nyìŋ ńkúu lepfòm yé, té cʉŋte yé wɔ́, àgie á kẅɛɛ ncwò yé zɔ̌ cʉŋte yé.

Ŋwà’ne Jâŋ 10:14

Mbyɛ̀b mvfó we mbòŋo aa mèŋ, mèŋ n ne ńzsé *menjʉ̀njÿò mɔ́ɔn, pɔ́ gíŋe ne ńzsé wɔ̀ɔn.

Ŋwà’ne Jâŋ 10:7

Yěsô gíŋe ńgɔɔn mbwo pɔ́b ngie: Tà mèŋ shwóŋó gẅí, kwà’ nénʉ́, ncwò nká’ menjʉ̀njyò à gwɔ́ pɔ́ mèŋ.

Ŋwà’ne Jâŋ 10:9

Ncwò nká’ à gwɔ́ pɔ́ mèŋ, nyìŋ lɔɔn ḿpfó ná mèŋ ńkúu nká’, mbà ngàŋ ge gÿo tsẅɛ́. À ge ne kúu nká’, é kẅɛɛ pá’ à kwǒŋ, éfa’a mmó mpfɛ̌.

Megàŋ ntúm 20:28

Pi pɔ́ɔn gí twó kwà’ mboŋó, ḿbiŋ ḿbɔ́ɔn ye nùɔ *njʉ̀njÿò gie Zẅìge Ssé ka cʉ́me mbwo pi ngie pi ne ḿbyɛ́bɛ. Pi líe cú’tè pʉ̀a Ssé mboŋó. À la pfɛte metse Míŋ we ńdɔg ńgÿo pɔ́ tsẅɛ́.

1 Timote 4:14

Tè lɔgɔ mmó gie e Ssé la lɔg ńcÿó gʉm jú, ḿma’a kwaŋ. Néŋe ne ńkímte pá’ pàkẅé mvfò tsɛ̀ɛ cú’tè pʉ̀a Kristo la cú’te, ńgwɔ záb mbwó mɔ́b twó gù, ńtsẅi nkʉ̀ gẅie é fóo mbwo Ssé.

Titus 1:5

Mèŋ n ka nyé gù Kelɛt légwɔ́ gie ɔ̀ ge cʉ́’ mege táŋte menò mie mèŋ n ka nyě, é piŋ záb pà kẅé mvfò tsɛ̀ɛ mecú’tè pʉ̀a Kristo mie ée tsɛ̀ɛ metÿǒsoŋ, é cʉ́’ʉ lézáb, é záb pɔ́ pá’ mèŋ n ka tsẅi né gù.

Heber 13:20

E Ssé gẅie e mbʉ́lè fóo mbwo ye, à la gÿo Yěsô Cʉ̀apʉ̀a wege fó lá’ mepfó ńkwɔ́’. Yé Cʉ̀apʉ̀a wege la lɔg pá’ à pfɛté metse mé, e Ssé lɔg ńgwaa *kʉ̀a gie á té ńdá’a ḿmaga wɔ́, ńcʉ́’ʉ mbyɛ̀b mvfó we lÿò, pá’ à ge pyɛ́bɛ *njʉ̀njÿò yé.

1 Piɛ 2:25

Á gwɔ́ ngie pi laa tsɔ́ fʉ̀’ ńgwáa ḿbúu pá’ *menjʉ̀njÿò mie é fʉ̌a mánzsè. Tá’ pi kéen ńké ḿbiŋ nzèm, ńcʉ́me nzèm nyìŋ gẅie à ne ńdíe gẅí, yé zɔ̌ ne ḿbyɛ́bɛ gẅí.

1 Piɛ 5:4

Pi lɔɔn ńgÿo pú’u, mbà á ge lá’a lyɛ̌’ gie mbyɛ̀b mvfó we lÿò tǒ, à tɔ’ ngú’ twó pi, é gie nzẅìŋ we téen ńdá’a ḿmaga wɔ́.

Ŋwà’ne Ngyà jʉ’ 1:20

Á gʉa nà lezsě mmó gie mecÿɔ́’ saŋ sɔɔn mbʉ́a mie ɔ̀ gyǎ mèŋ n gẅiin ná pwó yɔ́ɔn ye tʉ̀, mbɔɔ ná melâm sɔɔn mbʉ́a mie mé la lɔgɔ tʉ̌ gɔ̂l ńnyɛte, mbà mèŋ n ge shwóŋó gú ngie: Mecÿɔ́’ saŋ sɔɔn mbʉ́a lɔgɔ ńgwɔ́ *mecÿɔ́’ Ssé pie é pyɛ́bɛ mecú’tè pʉ̀a Kristo ŋwɛ́ sɔɔn mbʉ́a. Melâm sɔɔn mbʉ́a lɔgɔ ńgwɔ́ mecú’tè pʉ̀a Kristo ŋwɛ́ sɔɔn mbʉ́a.