Ŋwà’ne Jâŋ 10:16 - Nouveau Testament en Ngienboum

¹⁶ N giŋé ńgẅiin tsɔ́ *menjʉ̀njÿò mie é té tsɛ̀ɛ nká’ wɔɔn wɔ́. Á ně ńzɛ́te ngie mèŋ n gʉa ńdɔgɔ wɔ́b ńtó. Pɔ́b yɔ́b ge gÿo jú’ ngyè yɔ̀ɔn, à cʉa pú’u, nùɔ njʉ̀njyò gwɔ́ yémɔ’ɔ́, ambyɛ̀bɛ gwɔ́ wémɔ’ɔ́.

Ŋwà’ne Jâŋ 10:16 Iomraidhean Croise

Matio 17:5

Á nyé ńgɔɔn gɔɔn, etsɔ́ melɔ́ɔn, mie é ŋwʉŋe ŋwʉŋe sẅɛ́’ ńkábte wɔ́b, ngyè nyìŋ fó tsɛ̀ɛ wó ńgɔɔn ngie: Wɔɔn aa Míŋ wɔ̀ɔn, mèŋ n kwoŋo yé tɛ’, aa wɔ̀ɔn lekág, pi jú’ ncwò wé.

Lukase 15:8

Pi gíŋe ńjú’u tsɔ́, manzwě lɔɔn ńgẅiin nkáb ye pàg legém, tà’a pàg pyé, mbà à ge gǎ? Mbà à tè lyɛɛ lâm, é jÿɔg ndá, é ta’ kʉ̀ŋe, é pʉ́le fa’ tà lá’ gyá wá?

Ŋwà’ne Jâŋ 10:11

Mbyɛ̀b mvfó we mbòŋo à gwɔ́ pɔ́ mèŋ. Ambyɛ̀b mvfó we mbòŋo, à náa twó yé ńtí *njʉ̀njÿò yé.

Ŋwà’ne Jâŋ 10:2

Tá ńgwɔ́ gie à lɔɔn ńgwɔ́ mbyɛ̀b mvfó, mbà à ge pfó pɔ́ ncwò nká’.

Ŋwà’ne Jâŋ 10:27

*Me njʉ̀njÿò mɔ́ɔn jú’ ngyè yɔɔn. Mèŋ n zsé wɔ́b, pɔ́ cʉ́me nzèm mèŋ.

Ŋwà’ne Jâŋ 10:3

Nyìŋ gẅie à pyɛ́bɛ ncwò nkà’, à tsɔ́’ ncwò nká’, *menjʉ̀njÿò jú’ ngyè mbyɛ̀b mvfó. Á lɔg mezíŋ menjʉ̀jÿò mé ńtóŋo wɔ́b, ńdɔgɔ wɔ́b ńkẅɛ.

Ŋwà’ne Jâŋ 10:4

À ge gÿo pɔ́ fó nká’ ńkẅɛ tà ḿmag, à gwɔ́ mvfò, pɔ́ gwɔ́ nzèm, mélà’mie pɔ́ lǐŋ ngyè ye.

Ŋwà’ne Jâŋ 10:5

À lɔɔn ńgwɔ́ pɔ́ le cʉ́me nzèm nyìŋ ndyɛ̀’ɛ wɔ́, pɔ́ ge kÿo yé kÿo, mélà’mie pɔ́ té ngyè pʉ̀a méndyɛ̀’ɛ liŋ.

Ŋwà’ne Jâŋ 11:52

Á le gwɔ́ pɔ́ ndà’ nà twó pà Yuda gílé pɔ́b wɔ́, á gíŋe ńgwɔ́ lélɔg ńtemte púɔ Ssé pie ée jʉ’ ntsèm, pɔ́ cʉ́’ʉ tà’ nùɔ.

Ŋwà’ne Jâŋ 17:20

Mèŋ n tě sẅíŋte gú pɔ́ ndà’ nà twó sɔ́b wɔ́, mèŋ sẅíŋte gú mbɔɔ nà twó pʉ̀a pie pɔ́ ge gÿo cʉa nà shwóŋè yɔ́b, é záb ntʉ́m ná mèŋ.

Ŋwà’ne Jâŋ 6:37

Awɔ̌wɔ́ɔ gẅie Tá wɔ̀ɔn nǎ mbwo mèŋ wɔ́, à ge tó tsɛ́ɛ wɔ̀ɔn. M biŋ ńké le lá’a tsɔ́ lyɛ̌’ ńkẅile nyìŋ gẅie à tǒ ńtsɛ́ɛ wɔ̀ɔn, ńnáa pǐ wɔ́.

Megàŋ ntúm 15:14

Simo lǔ ssé lékímte wégè nò gie e Ssé ka gÿo nà pʉ̀a pie é té pà Yuda wɔ́. Yɛ̌ nò gwɔ́ ngie tà fó nzyetě, e Ssé záb ngie à ge gʉa tsetsɛ̀ɛ pʉ̀a pie é té pà Yuda wɔ́, é tsɔ́’ pʉ̀a lɔg gÿo pʉ̀a pie ée pé.

Megàŋ ntúm 18:10

mélà’mie pɔgɔ zɔ pǔ ńgwɔ́ nùɔ. Atsɔ̌ nyìŋ tè ku’u légwoon gú tà ńgÿo nò tepòŋ ná gù wɔ́. Mèŋ n gɔɔn pá’ɔɔn, ńtí nue pʉ̀a pie ée pɔ́ɔn, ée tÿǒsoŋ yɔɔn tà ńgyɔ́ɔn.

Megàŋ ntúm 22:14

Á gíŋe ńgɔɔn ngie: E Ssé pàmagʉa njʉ’ pégè léen ntʉ́ njÿó ńtsɔ́’ɔ gú, á lé lɔgɔ gú ńgÿo nyìŋ gẅie à ge zsé mmó gie à la zába légÿo, mbɔɔ légÿo ɔ̀ gyá nyìŋ gẅie aa ndʉŋ ndʉŋ gílé yé, mbɔɔ lé jú’ ngyè wɛ̌ nyìŋ.

Roma 11:25

Mefɛ́ pɔ́ɔn, mèŋ n ne ńkwoŋo ngie pi zsé mmó gie áa ná yɔɔn nò, mbà á la zɔɔn ńgwɔ́ pɔ́ lelyěen, ḿbɔ́gɔ gẅi lékwaŋ ngie pi ee pàzsé nò. Yɛ̌ mmó áa ngie atsɔ́ gwǒŋo pà Israel ne ńtʉʉ twó mbwo Ssé fʉ̀’ɔɔn, tá á ké lěen ńdá’a ńgwɔ́ pɔ́ pú’u wɔ́. Pɔ́ ge tʉʉ twó tà kú fʉ̀’ gie pʉ̀a metsèm pie e Ssé la tsɔ́’, é piŋ tè pà Yuda wɔ́, ge cʉ́me nzèm yé.

2 Tesalonika 2:13

Mefɛ́ mefɛ́, pie e Ssé kwoŋo wɔ́b, á gʉa ná peg, mbà peg gẅiin lésíe Ssé fʉ̀’ ntsèm ńtí gẅí, mélà’mie à la tsɔ́’ɔ gẅi tà fó nzyète légwɔ́ gie pi ge tsẅɛ́. Pi tsẅɛ́ɛ ńtí pá’ a Zẅìge Ndʉalʉ̌a ne ńgÿo pi gwɔ́ pʉ̀a Ssé, mbɔɔ pá’ pi záb ntʉ̀m nà nò gie áa nénʉ́.

Heber 13:20

E Ssé gẅie e mbʉ́lè fóo mbwo ye, à la gÿo Yěsô Cʉ̀apʉ̀a wege fó lá’ mepfó ńkwɔ́’. Yé Cʉ̀apʉ̀a wege la lɔg pá’ à pfɛté metse mé, e Ssé lɔg ńgwaa *kʉ̀a gie á té ńdá’a ḿmaga wɔ́, ńcʉ́’ʉ mbyɛ̀b mvfó we lÿò, pá’ à ge pyɛ́bɛ *njʉ̀njÿò yé.

1 Piɛ 2:10

Pi pie pi laa tsɔ́ fʉ̀’, pi tè pʉ̀a Ssé wɔ́, pi kéen ńcʉ́’ pʉ̀a pé. Pi pie pi la tè tsɔ́ɔn mezìŋe Ssé zsé e Ssé kéen ńtsɔ́ɔn mezìŋe mí.

1 Piɛ 2:25

Á gwɔ́ ngie pi laa tsɔ́ fʉ̀’ ńgwáa ḿbúu pá’ *menjʉ̀njÿò mie é fʉ̌a mánzsè. Tá’ pi kéen ńké ḿbiŋ nzèm, ńcʉ́me nzèm nyìŋ gẅie à ne ńdíe gẅí, yé zɔ̌ ne ḿbyɛ́bɛ gẅí.

1 Piɛ 5:4

Pi lɔɔn ńgÿo pú’u, mbà á ge lá’a lyɛ̌’ gie mbyɛ̀b mvfó we lÿò tǒ, à tɔ’ ngú’ twó pi, é gie nzẅìŋ we téen ńdá’a ḿmaga wɔ́.

Ŋwà’ne Ngyà jʉ’ 3:20

Mèŋ wɔɔn, mbà mèŋ n tǒ ńtyé ńne ńkwá’te ncwò ndá, ńgwɔ́ gie nyìŋ lɔɔn ńjú’ ngyè yɔ̀ɔn, ńtsɔ́’ ncwò ndá, mbà mèŋ n ge kúu ndá ngàŋ, é ńnéŋe ssé peg ngàŋ pfɛ́ɛ mmó, angàŋ piŋ ńnéŋe ssé peg yé pfɛ́ɛ mmó.