Ŋwà’ne Jâŋ 10:1 - Nouveau Testament en Ngienboum

¹ Yěsô gíŋ ńgɔɔn ngie: Tà mèŋ shwóŋó gẅí, kwà’ nénʉ́, nyìŋ lɔɔn ńzyɛ́’ pɔ́ lepàa nká’ tà à tè pfó pɔ́ ncwò nká’ tá ńkúu tsɛ̀ɛ nká’a mvfó wɔ́, mbà ngàŋ aa ntsǒŋ, ńgíŋe ńgwɔ́ fÿɛ́.

Ŋwà’ne Jâŋ 10:1 Iomraidhean Croise

Matio 7:15

Pi laga twó gí nà pʉ̀a pie é cÿɔɔ nò ngie pɔ́ ee pà *ntsẅì nkʉ̀ Ssé. Pɔ́ gwaa tóo lejʉ́ŋ pi ḿma’ *ngùb *njʉ̀njÿò tá nkwaŋá wɔ́b gwɔ́ pɔ́ we menɔ́ɔn ngẅi.

Ŋwà’ne Jâŋ 10:7

Yěsô gíŋe ńgɔɔn mbwo pɔ́b ngie: Tà mèŋ shwóŋó gẅí, kwà’ nénʉ́, ncwò nká’ menjʉ̀njyò à gwɔ́ pɔ́ mèŋ.

Ŋwà’ne Jâŋ 3:3

Yěsô tsɔ́’ɔ mbwo yé ngie: Tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le gyá *lefùɔ Ssé té gwɔ́ gie mé giŋé ńzyé yé tsɔ́ legʉ̀a wɔ́.

Roma 10:15

Ngwɔ́ mé piŋ shwóŋó nò Cʉ̀apʉ̀a lêkɔ́ té gwɔ́ gie mé tǔm pʉ̀a pie pɔ́ ge shwóŋ? Á sẅé nò gie áa tsɛ̀ɛ ŋwà’ne Ssé, ńgwɔ́ ngie: Mântúm gwɔ́ tà ńtó, éshwóŋ pʉ̀a nò mbòŋo, lekág gwɔ́ ssé fʉ̀’ó.

Roma 16:18

Á nue yɛ̌ ntí pʉ̀a tě fa’a fà’a Cʉ̀apʉ̀a wege Yěsô Kristo wɔ́, pɔ́ tsɔ́ɔn pɔ́ lepfòm sɔ́b. Pɔ́ lɔgɔ shwóŋè mbʉ́lè pʉlé mbɔɔ shwóŋè lʉte, éfʉte pʉ̀a pie legyè sɔ́b vɔ́g vɔ̌g.

Titus 1:11

Á zɛ́te ngie ɔ̀ jÿɔ́’ ncwò wɔ́b, mélà’mie pɔ́ ne ńdɔgɔ mmó gie pɔ́ zí’i pʉ̀a ńtébe metsìŋe ndá ńtÿɔ́gɔ. Á gwɔ́ mmó gie aa tè lɔg ńtÿɔ́gɔ múɔ, pɔ́ lɔgɔ fʉte wɔ́b, ḿpfɛ́ɛ nkáb yɔ́b.

Heber 5:4

ńgwɔ́ nyìŋ zɔɔn le ńnéŋe tà yé zɔ̌ gɔɔn ngie mé ná mekù’ *nùŋe pwɔ́’ we lÿò né yé wɔ́. E Ssé zɔ tsɔ́’ɔ nyìŋ ndʉŋ ndʉŋ pá’ à la tsɔ́’ɔ Aroŋ.

1 Piɛ 1:10

Pà *ntsẅì nkʉ̀ Ssé la gɔɔn nò na ńtí gie Ssé la nyɛ́te ńzáb pá’ à ge lá’ cÿó gʉm gí pú’u, pɔ́ la fa’, ńtúŋte ńzɛ́te pá’ á ge lá’ cʉa pú’u, tá Ssé gÿo pʉ̀a tsẅɛ́.

2 Piɛ 2:1

Pà *ntsẅì nkʉ̀ Ssé pe cÿɔ̌ nò laa tsɔ́ fʉ̀’ ńgwɔ́ tsetsɛ̀ɛ pʉ̀a Israel, áa ndʉŋ ndʉŋ pá’ pà zí’i pʉ̀a nò Ssé pe cÿɔ̌ nò ge gÿo kẅɛte tsetsɛ̀ɛ pi. Pɔ́ ge gÿo lɔg pɔ́ ndɔ́ɔn ndɔ́ɔn é zí’i pʉ̀a cÿɔ̌ nò, é gwɔ́ gẅie ńgwɔ́ é cʉ́ŋte letʉ́m pʉ̀a, é gwɔ́ gwɔ́ tà moŋe Ndè gẅie à la gÿo pɔ́ tsẅɛ́, é gÿo pú’u, lɔg shwoŋ ngʉ̀ngʉ̀ gie e ge pyága wɔ́b, e ké le líi létó wɔ́.

2 Piɛ 2:3

Pá’ pɔ́b kwoŋ nkáb tɛ’ la, pɔ́ ge lɔgɔ shwóŋè gie pɔ́ lʉ’té lʉ’te, é lɔg lÿɔgte gẅí, é kẅé shúm sí, ńke ńgÿo pú’u pɛ́’ɛ̀, mbà Ssé la lá’ ńzá’ ntsaŋ yɔb, tà á cʉ́’ pɔ́ méjʉ’ ngɔ́’ gwé ná pɔ́b.

1 Jâŋ 4:1

Meshǔ pɔ́ɔn pe tʉ̀ nzẅìŋ, tà pi jú’ nyìŋ gɔɔn ngie Zẅìge Ndʉalʉ̌a áa ná yé, pi gwóon ńzẅíŋ zẅíŋ, té cwoŋo ńdíe ka áa kwà’ Zẅìge Ssé wɔ́. Á nue pà *ntsẅì nkʉ̀ Ssé pe cÿɔ̌ nò pǔ ńgyɔ́ɔn tsɛ̀ɛ njÿó tɛ’.