Ŋwà’ne Jâŋ 1:4 - Nouveau Testament en Ngienboum

⁴ Legwɔ́ à laa ná yé, le gwɔ́ ŋwɛ́ á gwɔ́ kyɛ̀’ gie á kyɛ’ɛ pʉ̀a mesoŋ.

Ŋwà’ne Jâŋ 1:4 Iomraidhean Croise

Matio 4:16

Pi pie pi ka neŋé tsɛ̀ɛ nzěm, gi njÿó kwǎ’ ńdʉ́a. Nèm sǎ’ tà ne ńtʉ́a ná pʉ̀a pie e ka neŋé tsɛ̀ɛ ngwòŋ gẅie ssé nzěm we legwé à kaa wó».

Lukase 2:32

Á gwɔ́ kyɛ̀’ gie á ge gÿo mé zsé ɔ́ tsɛ̀ɛ njÿó ntsèm. Pú’u, ɔ̀ lɔg ńnáa legú’ mbwo Israel, á lá’ ɔ́.

Ŋwà’ne Jâŋ 11:25

Yěsô tsɔ́’ɔ mbwo yé ngie: Mèŋ n gee nyìŋ gẅie à gÿo mé zíme ná legwé, ńgwɔ́ nyìŋ gẅie à gÿo mé gwɔ́ wó. Nyìŋ lɔɔn ńzáb ntʉ́m ná mèŋ ńkwé mbɔɔ kwě, mbà à ge gÿo gwɔ́ wó.

Ŋwà’ne Jâŋ 12:35

Yěsô tsɔ́’ɔ mbwo pɔ́b ngie: Akyɛ̀’ té ge gíŋe gwɔ́ tsetsɛ̀ɛ pi tà ntyě sag wɔ́. Akyɛ̀’ nyé ssé, pi giŋ, ḿbɔ́g nzěm lékẅɛ́te gẅí. Á nue nyìŋ ne ńgiŋe tsɛ̀ɛ nzěm, á le zsé jʉ’ gie à gee né wó wɔ́.

Ŋwà’ne Jâŋ 12:46

Mèŋ, n gee kyɛ̀’, n ka tóo tsɛ̀ɛ njÿó légwɔ́ gie nyìŋ lɔɔn ńzáb ntʉ́m ná mèŋ, á le gwɔ́ tsɛ̀ɛ nzěm wɔ́.

Ŋwà’ne Jâŋ 14:6

Yěsô tsɔ́’ɔ mbwo yé ngie: Mèŋ n ge mánzsè, mèŋ n ge nò nénʉ́, mèŋ n ge legwɔ̌ wó. À lɔɔn ńgwɔ́ nyìŋ á le gʉa mvfò Tá wɔ̀ɔn té cʉa pɔ́ ná mèŋ wɔ́.

Ŋwà’ne Jâŋ 3:19

Pɔ́ gẅiin lékaa ndòon ńtí nò kyɛ̀’ gie á léen ńtóo tsɛ̀ɛ njÿó, tá pʉ̀a mesoŋ kwoŋ pɔ́ nzěm ńcʉa kyɛ̀’ ŋwɛ́, mélà’mie ngÿǒ menò mɔ́b té poŋ.

Ŋwà’ne Jâŋ 5:21

Pá’ Tá we gÿo pʉ̀a pie é kwě zím ńgwɔ́ wó la, áa ndʉŋ ndʉŋ pá’ Múɔ giŋé ńku’ yé légÿo nyìŋ gẅie à kwoŋo yé gwɔ́ wó.

Ŋwà’ne Jâŋ 5:26

Áa pú’u mélà’mie Ssé Tá gẅie aa lesa’á le gwɔ́ tèmí, à la ná mɛ̌ metʉ̀ mbwo míŋ we.

Ŋwà’ne Jâŋ 8:12

Yěsô gíŋe ńzye lézí’i mmó mbwo lá’, ńgɔɔn ngie: Akyɛ̀’ gie á kyɛ’ɛ jʉ’ náa né pʉ̀a mesoŋ tsɛ̀ɛ njÿó á gwɔ́ pɔ́ mèŋ. Nyìŋ lɔɔn ńcʉ́me nzèm mèŋ, mbà ngàŋ tě ńdá’a ńgiŋe tsɛ̀ɛ nzěm wɔ́. Mbà à gẅǐin kyɛ̀’ gie áa kyɛ̀’ɛ mánzsè kwà’ le gwɔ́.

Ŋwà’ne Jâŋ 9:5

Afʉ̀’ gie mèŋ n nyé tsɛ̀ɛ njyó, mèŋ, n gwɔ́ kyɛ̀’ɛ njÿó.

Megàŋ ntúm 26:23

Mé la gɔɔn ngie, *Nzà’nkÿo pù’ ge gÿo tó, é gyá ngɔ́’, ńgie yé zɔ ge gÿo gwɔ́ ndùŋ mvfò nyìŋ lézíme ná legwé, ńgie yé zɔ ge gÿo gɔɔn shwóŋè gie á ge kyɛ’ pà Yuda mbɔɔ pʉ̀a pie pɔ́ té pà Yuda wɔ́, pɔ́ tsẅɛ́.

1 Korento 15:45

Áa mmó gie á la gÿo mé ŋwe’e ngie: Ádam gẅie à laa ndùŋ mvfò nyìŋ mesoŋ, e Ssé la gÿo tá á gwɔ́ wó, tá’ nzsò nzèm Adam tó ńgwɔ́ pɔ́ Zẅìge gie á gÿo mé gwɔ́ wó.

Efeso 5:14

Á zɔɔn tè gwɔ́ pɔ́ ndà’ pú’u wɔ́, ammó vɔg tà ńkẅɛɛ jʉ’e fɔ̌g, ńkúbe, ńcʉ́’ ńkyɛ’ pɔ́ jʉ’. Áa yɛ̌ tá mé gɔɔn ngie: Gù gẅie ɔ̀ ne ńdyé, zyeen, Fó tsetsɛ̀ɛ mepfó ńdu ssé, Pú’u, Kristo ńnéŋe kyɛ̀’ yé ná gù.

Kolosia 3:4

Kristo zɔɔ kwà’ gẅi le gwɔ́. À ge lá’ gwɔ́ tà kẅɛ, pi gíŋ ńkẅɛ gí, pia pɔ́ zɔ púte ńgwɔ́ tsɛ̀ɛ legú’ we.

1 Jâŋ 1:1

Peg ŋwe’e yɔɔn ŋwà’ne ńnáa né pi ńdɔgɔ shwóŋó gẅi nò ná shwóŋè gie á gÿo mé gwɔ́ wó, á gie aa ńgwɔ́ pɔ́ wó tà fó nzyète shúm ntsèm, peg la lɔg metuŋó még ńjú’, ńdɔg nÿɔ́g még ńgyá, ńnyɛte ńdíe ńdɔg mbwó még ńkíbe.

1 Jâŋ 1:2

E Ssé la gwɔ́ tà ńtó ńnáa wɛ̌ le gwɔ́ né peg, peg gyá yé, tà peg ee pá’ɔɔn ńgwɔ́ pàjÿò ńgyá, ńne shwóŋó gẅi nò ná le gwɔ́ tèmì gẅie à la fó lejʉ́ŋ Tá ńtó ńnyɛ́ mbùm ye mbwo peg.

1 Jâŋ 5:11

Ammó gie e Ssé la gɔɔn nà nò Míŋ we, à yɔɔn ńgwɔ́ ngie: Yé Ssé la náa le gwɔ́ tèmì mbwo pege, wɛ̌ le gwɔ́ á fóo ná Míŋ we.

Ŋwà’ne Ngyà jʉ’ 22:1

*Cÿɔ́’ Ssé pɔ́ɔnte ńnyɛɛ wɔ̀ɔn mí gẅie ntse gẅie e gÿo mé gwɔ́ wó, é ne síi pá’ ntí tɔgɔ́ tsyé gie mé tóŋo lê christal la, é ne fóo nà lʉŋe *lefùɔ Ssé pɔ́ Mûɔ *Njʉ̀njÿò ńkẅɛɛ.

Ŋwà’ne Ngyà jʉ’ 22:16

Yěsô ne ńgɔɔn ngie: Mèŋ n tumó cÿɔ́’ wɔ̀ɔn ngie à gʉa ńtsẅi mɔɔn menò mie ée nénʉ́ mbwo pi, ńzsé ngie mé ge gɔɔn mbwo mecú’tè pʉ̀a pɔ́ɔn. Mèŋ n gee lejÿɔ́g mmó sie é fóo nà leŋaŋ fùɔ Ndavíd, ńgwɔ́ cÿɔ́’ sàŋ gẅie à kwɔ̌’ ńjÿó gwóon ńdʉ́a.