Ŋwà’ne Jâŋ 1:18 - Nouveau Testament en Ngienboum

¹⁸ Atsɔ̌ nyìŋ laa Ssé gyá, tà ndà’ Múɔ wémɔ’ɔ́ gẅie aa Ssé ńgwɔ́ léjʉ́ŋ Tá, à la gÿo mé zsé yé.

Ŋwà’ne Jâŋ 1:18 Iomraidhean Croise

Matio 11:27

Yěsô gíŋe ńgɔɔn ngie: Tá wɔ̀ɔn leen ńnyé kɔ́ɔkɔ́ nà mbwó mɔ́ɔn, ńgwɔ́ tsɔ̌ nyìŋ le zsé múɔ wɔ́, ndà’ Tá zɔ zsé yé. Nyìŋ ké le zsé Tá wɔ́, ndà’ míŋ we zɔ zsé yé, ḿbiŋ ńgÿo nyìŋ gẅie múɔ kwoŋó lényɛɛ Tá we á mbwó yé

Lukase 10:22

Yěsô gíŋe ńgɔɔn ngie: Tá wɔ̀ɔn léen ńnyé kɔ̀ɔkɔ́ɔ nà mbwo mɔ́ɔn. Ngwɔ́ tsɔ̌ nyìŋ le zsé múɔ wɔ́, ńdà’ Tá we zɔ zsé yé. Nyìŋ ké le Tá zsé, ńdà’ Míŋ we zɔ zsé yé, ḿbiŋ ńgÿo nyìŋ gẅie múɔ kwoŋó lényɛɛ Tá we mbwo yé.

Ŋwà’ne Jâŋ 1:14

Ashwóŋè la cʉ́’ʉ nyìŋ mesoŋ, ńtó ńtsẅé tsetsɛ̀ɛ pege, pege gyá legú’ we, á gwɔ́ legú’ Múɔ wémɔ’ɔ́ gẅie à fóo lejʉ́ŋ Tá, ḿbú ńgẅiin poŋo ntʉ́m, ńnyɛ pɔ́ nò nénʉ́.

Ŋwà’ne Jâŋ 12:41

Esǎya gɔɔn nò jʉ’ɔɔn ná Yěsô, á nue à la tʉ́ njÿó ńgyá legú’ Yěsô.

Ŋwà’ne Jâŋ 13:23

Atsɔ̌ tà’ ná *ngàŋa kwò yé gẅie à lɔ̌ɔn ńkwoŋo yé tɛ’, á gwɔ́ lejʉ́ŋ yé ńne ńjÿó mmó.

Ŋwà’ne Jâŋ 14:9

Yěsô gɔɔn né yé ngie: Filib, pege neŋé nzẅìŋ wɔɔn, ɔ̀ nyé pɔ́ tè zsě wɔ̀ɔn la? Nyìŋ gẅie à gyǎ wɔ̀ɔn la, à gyǎ Tá wɔ̀ɔn. Ɔ̀ gǎ tá ngie nyɛɛ wég Tá gù ŋwɛ́?

Ŋwà’ne Jâŋ 17:26

Mèŋ n ka zí’i wɔ́b lézsé nyìŋ gẅie ɔ́ɔ wɛ̌, mèŋ n ge ké ne gÿo pɔ́ ne ńzsé gú zsě, ńkwoŋe pɔ́b nê pɔ́b pá’ ɔ̀ kwoŋo wɔ̀ɔn, mèŋ m biŋ ńgwɔ́ ntʉ́m pɔ́b. Gÿo pɔ́ zsé lezíŋ shú, mèŋ n ge gíŋe gÿo pɔ́ zsé gú. À cʉa pú’u, nkwòŋe gie ɔ̀ la lɔg ńkwoŋo wɔ̀ɔn, e gwɔ́ ná pɔ́b. Mèŋ n gwɔ́ yɔ́ɔn né pɔ́b.

Ŋwà’ne Jâŋ 17:6

Ɔ̀ la fóo tsɛ̀ɛ njÿó, éfag pʉ̀a mesoŋ, ńnáa mbwo mèŋ, mèŋ n ka zí’i wɔ́b lézsé nyìŋ gẅie ɔ́ɔ wɛ̌. Pɔ́ laa pʉ̀a pú, ɔ̀ piŋ náa wɔ́b mbwo mèŋ. Pɔ́ kéen ńké ńjú’u shwóŋó jú, ńkú’te.

Ŋwà’ne Jâŋ 3:11

Tà mèŋ shwóŋó gú, kwà’ nénʉ́, peg gɔɔn nò nà mmó gie pèg ne ńzsé, ńgɔɔn gie peg ne ńzsé nà mmó gie peg la gyá, tá’ pi ké tè zẅíŋe nò gie peg gɔɔn wɔ́.

Ŋwà’ne Jâŋ 6:46

Sɔɔn nyìŋ laa Tá gyá, tà ńdí’ ndà’ nyìŋ gẅie à fóo lejʉ́ŋ ye. Àngàŋ zɔ lǎ gyá Ssé Tá.

2 Korento 4:4

ée pà jú’u nò Ssé té záb ntʉ́m mǒ, pie e ssé yé yɔɔn njÿó kéen ńjÿɔ́’ legyè sɔ́b ńdɔg ńtɔ́’ɔ wɔ́b légyá kyɛ̀’ gie á fóo ná nkʉ̀ mbòŋo, pú’u, pɔ́ té zsé pá’ shʉ́shÿɔ́g Kristo aa pú’u wɔ́. Yé Kristo aa pá’ e Ssé gwɔ̌.

Kolosia 1:15

Mé té gyá Ssé wɔ́, tá Miŋ we gẅie mé lǎ gyá yé à gwɔ́ pɔ́ Ssé tà ḿmag. Yé zɔ tyé twó mvfò ná kɔ̀ɔkɔ́ɔ gie e Ssé la pwóon.

1 Timote 1:17

Mekù’ lâ gù’te é lá’a ńgwɔ́ mengù’u mengù’, ńgwɔ́ pɔ́ mbwo fùɔ gẅie à ge lá’a gwɔ́ pɔ́ wó. Yé gẅie aa ndá’ Ssé, ńgwɔ́ tèkwé, ńgwɔ́ gẅie mé té gyá yé nê lejÿɔ́g wɔ́. *Amen.

1 Timote 6:16

ée ndà’ yé gílé yé gẅie aa tèkwé. À ńnéŋe nà jʉ’ gie á pú ńŋwʉŋe tà ńgwɔ́ gie à lɔɔn ńgwɔ́ nyìŋ mesoŋ le tsíŋte tà ḿbɔ́ɔnte jʉ’ó wɔ́. Nyìŋ laa zɔɔn ńgyá yé wɔ́, ńgwɔ́ nyìŋ le ku’u légyá yé wɔ́. Á poŋ mekù’ mé mbɔɔ lefùɔ sé e lá’a ńgwɔ́ pɔ́ wó. *Amen.

1 Jâŋ 4:12

Atsɔ̌ nyìŋ gẅie à lǎ záb lejÿɔ́g nà Ssé à tè wó wɔ́. Tá ńgwɔ́ gie pege lɔɔn ńgẅiin nkwòŋe tsetsɛ̀ɛ pege, mbà pega Ssé lɔgɔ ńgwɔ́, nkwòŋe ye lɔgɔ ńcwoŋo ńgwɔ́ ná pege tà mmó té zága mǒ wɔ́.

1 Jâŋ 4:20

Nyìŋ lɔɔn ńgɔɔn ngie à ne ńkwoŋo Ssé, ńgwɔ́ gɔɔn pú’u, ńne ḿbʉa fɛ́ we, mbà aa ngàŋa cÿɔ̌ nò. Á nue nyìŋ lɔɔn tè kwoŋo fɛ́ we gẅie à ne ńgyá yé wɔ́, á le ku’u lékwoŋ Ssé gẅie à tè ne ńgyá yé wɔ́ wɔ́.

1 Jâŋ 4:9

Anò gie Ssé la lɔg ńnyɛɛ wégè ngie à kwoŋo wégè à yɔɔn: À la túm ndà’ Míŋ we wémɔ’ɔ́ tsɛ̀ɛ njÿó ngie pege cʉa nzèm yé ńgwɔ́ wó.

1 Jâŋ 5:20

Pege ne ńzsé ngie Míŋ Ssé la tó ńnáa wégè legyè pá’ pege ge lɔg zsé kwà’ Ssé ye nénʉ́, peg la zẅɛ́’ pɔ́ yé Yěsô Kristo tá pega Ssé ye nénʉ́ cʉ́’ ńnéŋe, mbà pega pɔ́ léen ńtemte.