Ŋwà’ne Jâŋ 1:13 - Nouveau Testament en Ngienboum

¹³ Legwɔ̌ pú’u, à tě fóo nà ntí gie mámbàŋa pɔ́ manzwě kwǒŋ ńzyé wɔ́, ńké tě fóo ná lekwoŋ we nyìŋ mesoŋ wɔ́, mé gɔɔn légwɔ́ púɔ Ssé, mbà Ssé zɔ kwǒŋ yɛ̌ ntí lezyé.

Ŋwà’ne Jâŋ 1:13 Iomraidhean Croise

Matio 3:9

Pi pɔ́ɔn lélɔg pɔ́ ndà’ ncwò gẅi ńgɔɔn ngie: Peg ee ngẅɛ̀ Ábalam. Tà mèŋ n ké shwóŋó gẅí, e Ssé ku’u lésele metóon pɔ̀ɔn ńdɔg ńgÿo ngẅɛ̀ Ábalam

Ŋwà’ne Jâŋ 3:3

Yěsô tsɔ́’ɔ mbwo yé ngie: Tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le gyá *lefùɔ Ssé té gwɔ́ gie mé giŋé ńzyé yé tsɔ́ legʉ̀a wɔ́.

1 Korento 3:6

Mèŋ n ka paa tÿǒ ssé, Apolos pfɛte ntse mǒ. Tá e Ssé zɔ̌ gÿo á kẅág.

Filipo 2:13

E Ssé zɔɔn ne fa’a tsɛ̀ɛ ntʉ́m pi légwɔ́ gie pi ge kwoŋ shúm sie é poŋo yé, mbɔɔ légwɔ́ gie pi ge gíŋ gÿo sɛ̌ shúm.

Titus 3:5

á gÿo pege tsẅɛ́. Pege těen ńtsẅɛ́ɛ á gwɔ́ pɔ́ ngie pege gÿǒ menò mie é tyé ndʉŋ ndʉŋ wɔ́, pege tsẅɛ́ɛ á gwɔ́ pɔ́ ngie à tsɔ́ɔn mezìŋe mégè. À la sɔgɔ wégè, ńdɔg ńgÿo mé zyé wégè lezyé se sẅé, à Zẅìge Ndʉalʉ̌a náa le gwɔ́ we sẅé né pege.

Ŋwà’ne Jâg 1:18

Yé zɔ la kwoŋ, ńdɔgɔ shwóŋe gie áa nénʉ́, ńgÿo pege tsẅɛ́, légwɔ́ gie pege ge gwɔ́ mbwo yé, é gwɔ́ ntwó mmó ná ngwòŋ kɔ̀ɔkɔ́ɔ gie à la gÿo.

1 Piɛ 1:23

Mé ka zɔɔn ńzyé gẅi lezyé we sẅé, tà à tè gwɔ́ pɔ́ lezyě we nyìŋ mesoŋ gẅie aa ńkwé wɔ́. À gwɔ̌ pɔ́ gẅie à fóo ná mbyè mmó gie e tě ńdá’a ńkwé wɔ́, yɛ̌ mbyè mmó gwɔ́ shwóŋè Ssé gie á náa kwà’ le gwɔ́, ńgwɔ́ gie á ge lá’a gwɔ́ pɔ́ wó.

1 Piɛ 1:3

Pege síe Ssé Tá pà Cʉ̀apʉ̀a wege Yěsô Kristo. À la tsɔ́ɔn mezìŋe mege, ńgÿo mé zyé wégè lezyé se sẅé, ńcʉa ná Yěsô Kristo gẅie à la zíme nà legwé. Á cʉa pú’u, pege ńnéŋe fʉ̀’ ntsèm, ńne ńzẅí’te kwà’ le gwɔ́,

1 Piɛ 2:2

Pi lêen ńgwɔ́ pɔ́ pá’ púɔ mepÿɛ́ pie pɔ́ tsɔ́ɔn lepʉ́, ashwóŋè Ssé ée *lepʉ̌ té *lɔ̌’, pi ne ńnóŋo, ńzsé ngie pi ge gú’, e Ssé gÿo pi tsẅɛ́.

1 Jâŋ 3:9

Wɔ̌wɔ́ɔ gẅie à vɔg tà ńcʉ́’ʉ míŋ Ssé, à tè gíŋe ńnéŋe ńgÿo nò tepòŋ wɔ́, á nue le gwɔ́ gẅie à fóo ná Ssé aa ná yé ńgwɔ́ pá’ mbyè mmó la. À tè gíŋe ńku’u légÿo nò tepòŋ wɔ́, á nue aa míŋ Ssé.

1 Jâŋ 4:7

Meshǔ pɔ́ɔn pe tʉ̀ nzẅìŋ, !pege gẅiin nkwòŋe tsetsɛ̀ɛ pege, á nue nkwòŋe fóo mbwo Ssé. Nyìŋ gẅie à gẅiin nkwòŋe aa míŋ Ssé, ńne ńzsé Ssé

1 Jâŋ 5:1

Nyìŋ gẅie à zẅǐŋ ngie Yěsô aa *Nzà’nkÿo, aa míŋ Ssé. Nyìŋ gẅie à kwoŋ Ssé Tá, à giŋé ńkwoŋ mbɔɔ púɔ Ssé.

1 Jâŋ 5:18

Pege ne ńzsé ngie nyìŋ gwɔ̌ tà ńcʉ́’ʉ míŋ Ssé, à tè gíŋe ńnéŋe fʉa nò fʉa wɔ́, á nue Míŋ Ssé ne ńtÿɔ́’te yé, nyìŋ tepòŋ tè gẅiin shÿó lézába pwó ná yé wɔ́.

1 Jâŋ 5:4

Á nue wɔ̌wɔ́ɔ gẅie aa míŋ Ssé, à tʉ̌ ńcʉa kɔ̀ɔkɔ́ɔ gie á táte yé tsɛ̀ɛ njÿó. Ammó gie á gÿo pege tʉ ńcʉa njÿó, áa pá’ pege záb ntʉ́m ná Yěsô Kristo.