Malékuse 7:2 - Nouveau Testament en Ngienboum

² ńgyá *ngàŋa kwò Yěsô ne ńjÿó mmó nê *lɔ̌’ nà mbwó mɔ́b, é mbwó mie pɔ́ kaa tsabte.

Malékuse 7:2 Iomraidhean Croise

Matio 15:2

Mélà’a kɔ́ *ngàŋa kwò jú té giŋe ná nùŋe pà mvfò wɔ́ɔ? Pɔ́ gaa ḿpfɛ́ shúm té sɔg mbwó mɔ́b nà ntí gie mà là’ wege ne ńzɛ́te?

Malékuse 7:5

Á cʉa pú’u, tá pà *farisay pâ pàkyàgte *lepʉ̌ Mǒsê ŋwɛ́ zɛ́te Yěsô ngie: *Ngàŋa kwò jú jÿó mmó nê *lɔ̌’ nà mbwó mɔ́b. Pɔ́ té giŋe ná nùŋe pà mvfò wɔ́ ńdɔgɔ ngǎ?

Lukase 11:38

nyìŋ *farisay gyá pá’ à kaa sɔg mbwó mé pá’ *lepʉ̌ lá’ sɔ́b ée ssé ńne ńzɛ́te wɔ́, á pú ńkʉ’ʉ yé tɛ’.

Megàŋ ntúm 10:28

Á gɔɔn né pɔ́b ngie: Pi ne ńzsé gí ngie *lepʉ̌ pà Yuda tɔ’ɔ nyìŋ wɔb légwɔ́ shǔ nyìŋ lá’a ndyɛ̀’ɛ. Tà ḿbʉ́ mbɔɔ yé lékúu ndá yé. Tá’, e Ssé ka nyɛɛ wɔ̀ɔn tsɔ́ mmó. À ka nyɛɛ wɔ̀ɔn ngie mèŋ n te gẅiin lékʉ́e tsɔ̌ nyìŋ ngie à gẅiin *lɔ̌’ tà á ne ńzɛ́te ngie mèŋ n dÿɔ́’te yé wɔ́.

Megàŋ ntúm 11:8

Mèŋ n tsɔ́’ ngie: Ngǎŋ me Cʉ̀apʉ̀a! Ammó gie *lepʉ̌ tɔ’, kà pɔ́ ye nzse wɔ́, a laa ncwò wɔ̀ɔn zyɛ́’ɛ

Roma 14:14

Mèŋ n ne ńzsé, tá ńdɔgɔ pɔ́ pá’ mèŋ n da nnɛ́ ná Cʉ̀apʉ̀a Yěsô, ńnyɛte ńzsé ngie atsɔ́ mmó té wó gie á pu’ ssé ńgẅiin *lɔ̌’ wɔ́. Tá ńké ńgwɔ́ gie nyìŋ lɔɔn ne ńkwaŋa ngie *lɔ̌’ áa nà tsɔ́ mmó, mbà á ge gwɔ́ nà yé twó à *lɔ̌’ gwɔ́ nà yɛ̌ mmó.

Heber 10:29

Tà á lɔɔn ńgwɔ́ pú’u, mbà pi kwǎŋ gí ngie ngʉ̀ngʉ̀ gie á ne ńzɛ́te ngie mé zába twó nyìŋ gẅie à lɔgɔ́ míŋ Ssé ńtóŋ sɛ̌ shúm e ge lá’ ńgwá’a la? Mé gɔɔn nyìŋ gẅie à gwagá nò metse mie e Ssé lɔgɔ ńgwaa *kʉ̀a, é gwɔ́ mie mé la lɔg ńgÿo á cʉ́’ʉ nyìŋ Ssé, á nyìŋ gẅie à zoonté Zẅìge Ndʉalʉ̌a gie á gÿo pege zsé pá’ ntʉ́m Ssé poŋo nzèm pege pú’u.

Ŋwà’ne Ngyà jʉ’ 21:27

Tá’ atsɔ́ mmó gie ncÿǒ ée mǒ, á té gÿo tɔ́g tà kúu wó wɔ́. Tà mbɔɔ sɔɔn nyìŋ á ná pàgÿo menò ncÿǒ, mbɔɔ nà megàŋa cÿɔ̌ nò. Ndà’ pʉ̀a pie mezíŋ mɔ́b ée tsɛ̀ɛ ŋwà’ne Mûɔ *Njʉ̀njÿò gie lezíŋ pʉ̀a pie pɔ́ gẅiin le gwɔ́ tèmì ée tsoló, ge lá’ kúu wó.