Malékuse 3:3 - Nouveau Testament en Ngienboum

³ Yěsô gɔɔn mbwo kwè pwó ŋwɛ́ ngie: Lu ssé ńtó ńtyé mvfò,

Malékuse 3:3 Iomraidhean Croise

Matio 12:10

Àtsɔ̌ mámbàŋa gwɔ́ yé ndá ŋwɛ́, mbà pwó yé leen ńkwé. Pʉ̀a pie é laa ndá ne fa’a mmó gie pɔ́ ge fó mǒ lɔg sẅiŋe Yěsô, zɛ́te yé ngie: Áa nà *lepʉ̌ ségè pé’e ńgwaa we mé gÿo nyìŋ zeŋe lyɛ’ɛ́ nzse ka ngǎŋ?

Malékuse 3:2

Epʉ̀a gwɔ́ jʉ’ó, ńně ńdeŋe yé légyá kà à ge gÿo nyìŋ ŋwɛ́ zeŋe *lyɛ’ɛ́ nzsè wɔ́, pɔ́ fó mǒ, ésẅiŋe yé.

Malékuse 3:4

ńdeen ńké ńgɔɔn mbwo pʉ̀a ŋwɛ́ ngie: *Lepʉ̌ ségè ée pé’e ńtsẅi ngie mé gÿo kɔ́ lyɛ’ɛ́ nzsè? Ńgie mé gÿo nò mbòŋo kà nò tepòŋ? Ńgie mé gÿo nyìŋ tsẅɛ́ kà pɔ́ ngie mé zẅé yé? Tsoon nyìŋ wɔ́b tè tsɔ́b.

Lukase 6:8

Tá Yěsô vɔg ńzsé nkwaŋá wɔ́b, ńgɔɔn né kwè pwó ngie: Lu ssé ńtó ńtyé mvfò lá’. Á lu ssé ńtó.

Ŋwà’ne Jâŋ 9:4

Á ne ńzɛ́te ngie, njÿó lɔɔn ńnyé wó pá’ɔɔn, pege fà’ mefà’ nyìŋ gẅie à la túmo wɔ̀ɔn. Nzèm ge síŋ, atsɔ̌ nyìŋ le gíŋe ńku’u léfa’a fà’ wɔ́.

1 Korento 15:58

Mefɛ́ pɔ́ɔn pentʉ̀ nzẅìŋ, pá’ áa pú’u la, pi tʉte tʉte, tà nyìŋ cÿɔ’, pi kẅi’i fa’ mefà’a Cʉ̀apʉ̀a ńdɔg ńgʉa pɔ́ lê mvfò, ńgwɔ fa’ ńne ńzsé ngie fà’ gie pi fà’a, ńtí nue pi ee pʉ̀a Cʉ̀apʉ̀a, á té ge cʉ̀a sẅɛ̀ɛ wɔ́.

Galatia 6:9

Tà pege ke ńkʉ́a legÿo nò mbòŋo, á nue pege lɔɔn gÿo nò mbòŋo ńdɔg ńgʉa pɔ́ lé mvfò, mbà fʉ̀’ ge lá’ ku’, e Ssé gÿo pege lág shúm tɛ’.

Filipo 1:14

Mèŋ n ka gwɔ̌ tà ńkúu tsǎŋ, lelÿò mefɛ́ mefɛ́, gyá pú’u, ńkẅi’i ńzáb ntʉ́m wɔ́b ná Cʉ̀apʉ̀a. Tà pɔ́ ne shÿɔ́gɔ shwóŋó nò Ssé fʉ̀’ɔɔn té pɔ́g.

1 Piɛ 4:1

Pá’ Kristo la gyá ngɔ́’ ná mbab nnɛ́ la, pi gí pi gwɔ́ twó pi, ńtyé légyá ngɔ́’ pá’ yé, ńne ńzsé ngie yé Kristo gẅie à la gyá ngɔ́’ nà mbab nnɛ́, à la maga nò nò tepòŋ.