Malékuse 13:3 - Nouveau Testament en Ngienboum

³ Pɔ́ gʉa tà ńkúu lekwɔ’ɔ́ metÿǒ mèvɛ olive, Yěsô ńnéŋe ssé tà ne ńgyá *jʉ’ʉ Ssé. Piɛ pɔ́ Jâg, ńgÿo Jâŋ pɔ́ Ndeléya fág nnɛ́, ńtó ńzɛ́te yé ngie:

Malékuse 13:3 Iomraidhean Croise

Matio 13:10

*Ngàŋa kwò Yěsô tóo lejʉ́ŋ yé ńzɛ́te yé ngie: Mélà’a kɔ́ ɔ̀ lɔg pɔ́ sagá nò ńgɔɔn nò mbwó lá’?

Matio 13:36

Yěsô leen ńké ńnyé lá’ ńkúu ndá, *ngàŋa kwò yé kẅɛ́te yé, ńzɛ́te yé ngie: À kyagte sagá nò ná mbyè mmó ye tepòŋ yá éshwóŋó wɔ́b.

Matio 17:1

É cʉa lyɛ̌’ ntɔgɔ́, Yěsô faga Piɛ, ńgÿo Jâg, ńgÿo Jâŋ á gwɔ́ fɛ́ Jâg, ńdɔgɔ wɔ́b ńgʉa ńkwɔ́’ɔ nà tsɔ̌ mâ lekwɛ́. Pâ pɔ́ gwɔ́ jʉ’ó gíle pɔ́b.

Matio 21:1

Yěsô pâ *ngàŋa kwò yé gʉa tà ne ńkúu Yerósalem, ńnyé ńgwɔ́ shÿó Mbedfajé, á jʉ’ʉ lekwɔ’ɔ́ metÿǒ mèvɛ olive. Á leen ńké ńtúm *ngàŋa kwò yé yépʉ́a,

Matio 24:3

Yěsô gʉa tà ńnéŋe ndùm lekwɔ’ɔ́ metÿǒ mèvɛ olive, *ngàŋa kwò yé fag nnɛ́ ńtó ńzɛ́te yé ngie: Shwóŋo wég fʉ̀’ gie yɔɔn nò ge lá’ gÿo. Shwóŋo wég liŋé gie mé ge lá’ lɔg zsé ngie ɔ̀ ne ńtóo, mbɔɔ gie á ge gyo mé zsé ngie lyɛ̌’ gie njÿó ge mag kǔ’.

Malékuse 10:35

Jâg pɔ́ Jâŋ, épúɔ Zebede sẅɛ’te nnɛ́ ńtó nê lejʉ́ŋ Yěsô, ńgɔɔn né yé ngie: Tá weg, tsétsɔ’, peg lɔɔn ńdúɔ mmó mbwo gù, ɔ̀ zẅíŋ ńnáa yɛ̌ mmó né peg.

Malékuse 13:4

Shwóŋo wég fʉ̀’ gie yɔɔn nò ge lá’ gÿo. Shwóŋo wég liŋé gie mé gé lɔg zsé ngie afʉ̀’ kǔ’?

Malékuse 14:33

É faga Piɛ, ńgÿo Jâg pɔ́ Jâŋ, pâ pɔ̌ gʉa. Á zye lé jú’ pá’ cÿɔ’ gwoon yé, legwé pfɛ́ɛ yé,

Malékuse 4:34

À lɔ̌ɔn tě shwóŋó wɔ́b nò té lɔg pé *sagá nò wɔ́, ńgwɔ́ fʉ̀’ gie pâ *ngàŋa kwò yé zɔ̌ cʉ́’ ńgwɔ́, á pú ńkyagte shwóŋó wɔ́b pá’ é lɔgɔ ńgɔɔn.

Malékuse 5:37

Yěsô pɔ́ Yayelo ne ńgee, Yěsô tè zẅíŋ ngie tsɔ̌ nyìŋ cʉ́me nzèm pɔ́b wɔ́, ndà’ Piɛ ńgÿo Jâg pɔ́ fɛ́ we Jâŋ.

Malékuse 9:2

É cʉa lyɛ̌’ ntɔgɔ́, Yěsô faga Piɛ ńgÿo Jâg pɔ́ Jâŋ, ńdɔgɔ wɔ́b ńgʉa ńkwɔ́’ɔ nà tsɔ̌ máa lekwɛ́. Pâ pɔ́ gwɔ́ wó gílé pɔ́b, pɔ́ gyá liŋé yé pú sele.