Malékuse 10:2 - Nouveau Testament en Ngienboum

² Epʉ̀a nà nùɔ pà *farisay tó yɔ́b, ńgwɔ kwà’te yé, ńzɛ́te yé ngie: Tà áa pé’e *lepʉ̌ ségè zẅíŋ ngie nyìŋ jwoŋo nzwé we?

Malékuse 10:2 Iomraidhean Croise

Matio 15:12

*Ngàŋa kwò Yěsô leen ńké sẅɛ’te nnɛ́ ńto ńzɛ́te yé ngie: Tà ɔ̀ ne ńzsé ngie: Ànò gie ɔ̀ gɔ̌ɔn la gegé pà *farisay tɛ’?

Matio 16:1

Pà *farisay lâ pà *sadukay tó ńzẅí’ ncwò Yěsô, ńzɛ́te yé ngie à nyɛɛ wɔ́b liŋé gie á la’te ngie Ssé zɔ túmo yé.

Matio 19:3

Epʉ̀a ná nùɔ pà *farisay tó yɔ́b, ńkwa’te Yěsô, ńzɛ́te yé ngie: Tà áa pé’e *lepʉ̌ sége zẅíŋ ngie nyìŋ jwoŋo nzwě we tà mbɔɔ ná yɛ̌ nò wɔ́ gie à fʉ̌a?

Matio 22:35

Àtsɔ̌ nyìŋ tsetsɛ̀ɛ pɔ́b, ńgwɔ́ nkyàgte mbʉ̌ Ssé tà ńgwɔ́ wɛ̌, á tó ńkwa’te Yěsô, ńzɛ́te yé ngie:

Matio 23:13

Pi ee pàshÿó tepòŋ, pi *pàkyagte lepʉ̌ Mǒsê lâ pi pà *farisay. Pi ee pànkwòŋ menÿɔ́g, pi ne ńkíle ncwò ndá gẅie pʉ̀a mesoŋ pfó mǒ tá ńkúu tsɛ̀ɛ nò *lefùɔ Ssé, pú’u, pi tè tsɛ̀ɛ wó kú, ńké tè nyé pʉ̀a pie é ne ńkwoŋo lékúu tsɛ̀ɛ wó kúu wó wɔ́.

Matio 9:34

Tá’ pà *farisay gɔɔn yɔ́b ngie: Tándá *messé tepòŋ zɔ gÿo tá Yěsô ku’u léjwoŋ *messé tepòŋ

Malékuse 10:1

Yěsô fó jʉ’ó, ńcʉ́me mánzsè, ńdɔg shÿó Jẅidea, ńgʉa nà yetsɔ̌ nzǐŋ ntse Jurdeŋ. Alá’ gíŋe ńcú’te lejʉ́ŋ yé tà ńgyɔ́ɔn, á leen ńzye lézí’i wɔ́b nò Ssé pá’ à laa mà mbwo yé.

Malékuse 10:3

Yěsô zɛ́te wɔ́b ngie: Mǒsê la tsẅii tsɛ̀ɛ *lepʉ̌ ngie pi gÿo pɔ́ lêkɔ́?

Malékuse 8:11

Epʉ̀a nà nùɔ pà *farisay tó ńne fa’a nò ná ye, ńtsóte yé ngie à gÿo nò mmɔɔn mmɔɔn gie á nyɛɛ ngie Ssé zɔ kà túmo yé, ńgie à nyɛɛ wɔ́b liŋé gie á la’te ngie Ssé zɔ tumó yé.

Malékuse 8:15

Pâ pɔ̌ ne ńgee pú’u, Yěsô gɔɔn né pɔ́b ngie: Pi laga twó gí, ḿbɔ́ɔn *mvòŋ pà *farisay mbɔɔ ye fùɔ *Herôd.

Lukase 11:39

Yěsô zsé, ńtsɔ́’ɔ mbwo yé ngie: Pi pà *farisay, pi nyé tsɛ̀ɛ ntú’, pɔ́ tsɛ̀ɛ káŋ, ésɔg gí pɔ́ mbùm. Á gíŋ ńgwɔ́ pɔ́ ndʉŋ ndʉŋ pá’ pi tè sɔg sóon gie ee ntʉ́m pi wɔ́, ḿbiŋ ńnéŋe ńkwaŋ pɔ́ légwoon shúm pʉ̀a ńkẅé ńjÿó.

Lukase 16:14

Yěsô gɔɔn pú’u, pà *farisay pie é laa jʉ’ó jú’, ḿbú sóon, ńgẅe yé, mélà’mie pɔ́ gɔ’ nkáb tɛ’.

Lukase 5:30

Tsɔ́ pà *farisay lâ tsɔ́ *pàkyàgte lepʉ̌ Mǒsê gyá pú’u, ńne ńzẅɛ́te, ńzɛ́te megàŋa nkwò Yěsô ngie: Mélà’a kɔ́ pi lâ pàkẅé ncùb lâ petsɔ́ pʉ̀a tepòŋ teme shúm ńjÿó?

Lukase 6:7

Pà *farisay pâ *pàkyàgte lepʉ̌ Mǒsê ńnéŋe ssé ńně ńdʉŋe Yěsô ngie kà à ge gÿo nyìŋ zeŋe *lyɛ̌’ɛ nzsé wɔ́, mélà’mie pɔ́ la zɔɔn ne fa’a mmó gie pɔ́ ge fó mǒ lɔg sẅiŋe yé.

Lukase 7:30

Tá ńgʉa ná pà *farisay, pâ pàkyàgte mbʉ̌ Ssé, mbà pɔ́ la gwá’a yɔ́b yɛ̌ nò gwǎ’, tá á gwɔ́ gie Ssé la nyɛte ńtíi wɔ́b, ńgwá’ pú’u, pɔ́ té zẅíŋ Jâŋ nu’u wɔ́b ntse wɔ́.

Ŋwà’ne Jâŋ 11:47

Mentándá pànuŋe pwɔ́’, pâ pà *farisay leen ńtóŋo cú’tè lÿò, ńtóo tsoló ngie: Pege ge gÿo lêkɔ́? Nyìŋ wɔɔn né ńgÿo menò mmɔɔn mmɔɔn tɛ’.

Ŋwà’ne Jâŋ 11:57

Á la gwaa gwɔ́, mbà mentándá pànuŋe pwɔ́’, pâ pà *farisay ka gɔɔn ngie, nyìŋ lɔɔn ne ńzsé jʉ’ gie Yěsô aa wɔ́, á kem, mé gʉa ńgwoon yé.

Ŋwà’ne Jâŋ 7:32

Pà *farisay jú’ pá’ alá’ ne shÿɔ́gɔ ncwò ssé ńkíme Yěsô, pɔ́ gʉa ńgyá mentándá pànuŋe pwɔ́’ pâ pɔ̌ túm pàpyɛ́bɛ *jʉ’ʉ Ssé ngie pɔ́ gʉa ńgwoon Yěsô.

Ŋwà’ne Jâŋ 7:48

Tsoon tsɔ̌ tà’ ná mekěm peg, tsoon tà’ ná pà *farisay laa záb ntʉ́m ná nyìŋ wɛ̂ wɔ́!

Ŋwà’ne Jâŋ 8:6

Pɔ́ gɔɔn pú’u, é gwɔ́ pɔ́ lejÿɔ’ lélɔg ńgwoon yé. Pɔ́ fa’a ndiletáŋ lélɔg sẅiŋe yé. Tá’ Yěsô ŋwé’e ssé, ńzye lélɔgɔ mûɔ tepwó we, ńŋwe’e mmó ssé.

1 Korento 10:9

Pege pɔ́ɔn létsiŋe Cʉ̀apʉ̀a tsiŋé. Á piŋ ńgwɔ́ pá’ tsɔ́ pʉ̀a tsetsɛ̀ɛ pɔ́b la gÿo tá menú tsɔ́gte wɔ́b pɔ́ kwéte.